لو البشـر تعلـم بغيـب الليالـي=لقيت كل إنسان عـارف مصيـره
لكن رحمه مـن عزيـز الجلالـي=غيب الليالي جعـل بالأمـر خيـره
نركض بها الدنيا يميـن وشمالـي=نـدور الأرزاق فـي كـل ديــره
نطرد ورى الدنيا بطـول الامالـي=كلٍ علـى ماقيـل يشعـب بعيـره
والموت في حبل الوريـد الموالـي=من انتهى اجله سلم أمـره لغيـره
ويالعبد دنيـاك آخرتهـا الزوالـي=لاتغـرك آمـال الحيـاة المثيـره
حافظ على دينك ترى العمر بالـي=إعبـادة المعبـود هـي البريـره
صوم وصلاه وحج وإحـذر تبالـي=في حب عـلام الخفـا والسريـره
وخلـك بطاعـة والدينـك مثالـي=مرضاتهـم يالعبـد طاعـه كبيـره
ووصل القريب وخل عنـك التعالـي=مقاطـع الأرحـام نـارٍ سعـيـره
وخلك لربعك مدهـلٍ بكـل حالـي=وبيتـك مقـرٍ للوجيـه السفيـره
بمعاشـرٍ طيـب وحلـو القبالـي=هذا يبـي شـورك وذا تستشيـره
وخلك على زلات ربعـك شمالـي=لاتدور الغلطـات لوهـي صغيـره
بالطيب جاز ليا حصل لـك مجالـي=ولا تجازي بالـردى مـن يثيـره
وإن طاح حظك بالرخيص إخذ غالي=الرخص يرخص والحقيره حقيـره
وإنهض ليا جاء واجبـك لاتبالـي=خلك مثل حد السيـوف الشطيـره
ترى الشجاعه عز بيـن الرجالـي=كـلٍ يهابـك والمـذلـه معـيـره
والطيب يرفع مـن مقـام العيالـي=ولا الردى راعيه يجـرح ضميـره
والكذب خيبه من سلـوب الخبالـي=والصدق نـورٍ للعـوارف ونيـره
والمرجله لو شفت صعبـة منالـي=الهـون مايعطيـك حبـة شعيـره
تبغى جهود مضاعفـه وإحتمالـي=ماهي بحاصلةٍ على هـون سيـره
وعقب التعب والصبر ترقى المعالي=وتجني ثمر صبر الزمان ومسيـره
نصيحـةٍ مابغـى وراهـا ريالـي=مهـداه منـي للوجيـه السفيـره

http://www.s1h1up.com/uploads/73c9a1a826.gif

http://www.s1h1up.com/uploads/b331e90515.gif

عوض يابن عواض منزلك عالي=ياللي بيوتك بالمعاني غزيره
يسلم لسانك ياصدوق المقالي=ياللي عسفت المصعبه والعسيره
نصيحتك ماتنوزن بالجبالي=والكل منا حطها في ظميره

المشاركة الأصلية كتبت بواسطة عوض عواض الغيداني (المشاركة 326074) لو البشـر تعلـم بغيـب الليالـي=لقيت كل إنسان عـارف مصيـره لكن رحمه مـن عزيـز الجلالـي=غيب الليالي جعـل بالأمـر خيـره نركض بها الدنيا يميـن وشمالـي=نـدور الأرزاق فـي كـل ديــره نطرد ورى الدنيا بطـول الامالـي=كلٍ علـى ماقيـل يشعـب بعيـره والموت في حبل الوريـد الموالـي=من انتهى اجله سلم أمـره لغيـره ويالعبد دنيـاك آخرتهـا الزوالـي=لاتغـرك آمـال الحيـاة المثيـره حافظ على دينك ترى العمر بالـي=إعبـادة المعبـود هـي البريـره صوم وصلاه وحج وإحـذر تبالـي=في حب عـلام الخفـا والسريـره وخلـك بطاعـة والدينـك مثالـي=مرضاتهـم يالعبـد طاعـه كبيـره ووصل القريب وخل عنـك التعالـي=مقاطـع الأرحـام نـارٍ سعـيـره وخلك لربعك مدهـلٍ بكـل حالـي=وبيتـك مقـرٍ للوجيـه السفيـره بمعاشـرٍ طيـب وحلـو القبالـي=هذا يبـي شـورك وذا تستشيـره وخلك على زلات ربعـك شمالـي=لاتدور الغلطـات لوهـي صغيـره بالطيب جاز ليا حصل لـك مجالـي=ولا تجازي بالـردى مـن يثيـره وإن طاح حظك بالرخيص إخذ غالي=الرخص يرخص والحقيره حقيـره وإنهض ليا جاء واجبـك لاتبالـي=خلك مثل حد السيـوف الشطيـره ترى الشجاعه عز بيـن الرجالـي=كـلٍ يهابـك والمـذلـه معـيـره والطيب يرفع مـن مقـام العيالـي=ولا الردى راعيه يجـرح ضميـره والكذب خيبه من سلـوب الخبالـي=والصدق نـورٍ للعـوارف ونيـره والمرجله لو شفت صعبـة منالـي=الهـون مايعطيـك حبـة شعيـره تبغى جهود مضاعفـه وإحتمالـي=ماهي بحاصلةٍ على هـون سيـره وعقب التعب والصبر ترقى المعالي=وتجني ثمر صبر الزمان ومسيـره نصيحـةٍ مابغـى وراهـا ريالـي=مهـداه منـي للوجيـه السفيـره

نصيحة مابغي وراها ريالي =مهداه مني للوجيه السفيره