ياذيب...

قبل المشاركة

يا نور! عيني يا حيـــــاتي!! وروحـي = يا بسمــة أيــامي!! ويا ضيّ! ضلماي
يا شــوقي! وشفي! وهمّة طمــــوحي = يا منــــــوتي! يا ود قلبي ! وسلــــواي
يا راحت اتعابي! ! يا مرهم جروحي = يا دروبي اف!رحلة هوايه ومـرســاي
يا ضحكت اشفاهي!يا صمتي وبوحي = يا اهلي ونـاسي !! يا ديـاري ومنفــاي

------الى هنا .

يا منى عيني وغاية مطلبي !! = لا تروح و ت! ترك الخاطر جريح
انت تدريبي وتعرف ويش ابي = لا تخلي دمعة ! العاشق تطيـــــــح
لا متى؟ من كاس هجرك نشربي = مــــا تخاف الله وتعطف يــا مليح
طالت ا معانات قلبي و تعبي = وأنت لاهــي في زمانك مستريح !!

كتبت عام 1426هــــ العنوان ____ ياذيب

ياذيب جاك الليل وانته خويه=واللي مثل سرحان بالليل مسراه
اعصير قادته العزوم القويه = من روض نجد لدار اهاليه ممشاه
ودع رياض اصقور نجد الذريه=عقله دليله واسود الليل ناداه
المجمعه وسدير جاهن عشيه=من بعدهن في نايف الغاط مرقاه
يوم انحدر صوب القصيم العذيه=المركز اللي ف أم سدره تعداه
ما وقفوه الأمن لأجل الهويه=معروف بين الناس صيته وحلياه
ياذيب لديار القصيم التحيه=وصل وصاتي ودهم ما نسيناه
ياذيب قلبي فيه ونه خفيه=وسبت عشير الروح باحت خفياه
سرحان وين الجدي وين الثريه=سوق القدم والله جزيله عطاياه
و اقفت اركابه بالفجوج الخليه=رجله على قطع الفيافي مضرّاه
وقبل الفجر عدى بقارة طميه=وحدّر شمال الظلع عجله مطاياه
باله اديار اهل الوفاء والحميه=ناصيبها عودن حميده سجاياه
وربعً طرفهم ما تجيك الخطيه=ربع المراجل كل طايل تعلاه
اهل الدلال وعنبر الشاذليه=ورابعً فيها الردي مالقيناه
فيها الحرار اللي تهوش المنيه=سقم المعادي في نهار المعاداه
سلايمه والله وامانه عليه=لو الجدي يخطي علينا لطمناه
وعساك تسلم يازبون الونيه=في جاه من كل المخاليق تنصاه

الشاعر - عبدالهادي صالح السليمي