يا نور! عيني يا حيـــــاتي!! وروحـي = يا بسمــة أيــامي!! ويا ضيّ! ضلماي
يا شــوقي! وشفي! وهمّة طمــــوحي = يا منــــــوتي! يا ود قلبي ! وسلــــواي
يا راحت اتعابي! ! يا مرهم جروحي = يا دروبي اف!رحلة هوايه ومـرســاي
يا ضحكت اشفاهي!يا صمتي وبوحي = يا اهلي ونـاسي !! يا ديـاري ومنفــاي

يا منى عيني وغاية مطلبي !! = لا تروح و ت! ترك الخاطر جريح
انت تدريبي وتعرف ويش ابي = لا تخلي دمعة ! العاشق تطيـــــــح
لا متى؟ من كاس هجرك نشربي = مــــا تخاف الله وتعطف يــا مليح
طالت ا معانات قلبي و تعبي = وأنت لاهــي في زمانك مستريح !!

ياذيب جاك الليل وانته خويه=واللي مثل سرحان بالليل مسراه
اعصير قادته العزوم القويه = من روض نجد لدار اهاليه ممشاه
ودع رياض اصقور نجد الذريه=عقله دليله واسود الليل ناداه
المجمعه وسدير جاهن عشيه=من بعدهن في نايف الغاط مرقاه
يوم انحدر صوب القصيم العذيه=المركز اللي ف أم سدره تعداه
ما وقفوه الأمن لأجل الهويه=معروف بين الناس صيته وحلياه
ياذيب لديار القصيم التحيه=وصل وصاتي ودهم ما نسيناه
ياذيب قلبي فيه ونه خفيه=وسبت عشير الروح باحت خفياه
سرحان وين الجدي وين الثريه=سوق القدم والله جزيله عطاياه
و اقفت اركابه بالفجوج الخليه=رجله على قطع الفيافي مضرّاه
وقبل الفجر عدى بقارة طميه=وحدّر شمال الظلع عجله مطاياه
باله اديار اهل الوفاء والحميه=ناصيبها عودن حميده سجاياه
وربعً طرفهم ما تجيك الخطيه=ربع المراجل كل طايل تعلاه
اهل الدلال وعنبر الشاذليه=ورابعً فيها الردي مالقيناه
فيها الحرار اللي تهوش المنيه=سقم المعادي في نهار المعاداه
سلايمه والله وامانه عليه=لو الجدي يخطي علينا لطمناه
وعساك تسلم يازبون الونيه=في جاه من كل المخاليق تنصاه

المشاركة الأصلية كتبت بواسطة بدربن عطيه المزيني (المشاركة 1254326) صح السانك قصيده جزله اسجل اعجابي ومروري تقبل مروري

المشاركة الأصلية كتبت بواسطة سعد المحمدي (المشاركة 1254455) الشاعر الجزل عبدالهادي السليمي صح لسانك وعتلا شانك لاهنت يابن العم تحياتي وتقديري

هلا ومرحبا بالشاعر سعد المحمدي

وصح الله بدنك شرفتني واسعدتني

في مرورك

تحياتي وتقدير