المهجرس ولد صياح ابن مرزوق

	المشاركة الأصلية كتبت بواسطة عبدالله عتيق الحنيني

	صح السنتكم والاهنتو

صح الله بدنك لاهنت يابو خالد سعدنا وتشرفنا بهذا المرور النير لشخصك العزيز

	المشاركة الأصلية كتبت بواسطة غالي بن ربيعان

	صحت الالسن شعراء كبار

صح الله بدنك ولاعليك زود يابن ربيعان تشرفنا وسعدنا بمرورك النير لاعدمناك

كل ليله يابن جمران كسبك نوق=غير ليلتك هاذي عل ماباسي
لانقضي فشقنا في طلب غرنوق=وصيدته ماتنومس راسك وراسي

تسلمون على هالطاروق الرائع

بس وش قصتك واالاخ بدر صفوق=يوم كـلٍ يحـد السيـف عباسـي

دون ذكر البلاوي حسٌن المنطـوق=ما انت مكلوف يابن الناس بالناسي

مضحي بن جمران=
ياسلامي على اللي مايجيه العوق=وجعل يسلم من الصادوف والباسي
المهجرس ولد صياح ابن مرزوق=هو دليم الشدادي طيـب الراسـي
مهجرس الحرف=
مرحبا وانت مضحي شاعرٍ مرموق=اعلوين تعـن الخيـل وسياسـي
عيبك انك اليا هجرسة لك طاروق=عقب ماهو بفضي ينقلب ماسـي
مضحي بن جمران=
ماتهون انت تاجرنا وشيخ السوق=فارقٍ فالذهب عن فض ونحاسـي
بس وش قصتك واالاخ بدر صفوق=يوم كـلٍ يحـد السيـف عباسـي
مهجرس الحرف=
دايم الحصن مربطها عليها يضوق=وانت دايم لراخ الحبـل مساسـي
دون ذكر البلاوي حسٌن المنطـوق=ما انت مكلوف يابن الناس بالناسي
مضحي بن جمران=
مثل ماقلت وادري ان الشبوح لفـوق=كيف ابسكت واشوف الوضع محتاسي
وإلا انا ماحذفـت ولانـي المفلـوق=وليـنن للصديـق وللعـداء قـاسـي
مهجرس الحرف=
قبل مده تبا الاسرار بالصندوق=كيف عودت تنشدني وانا ناسي
صلحةٍ ماتجي لين المزاج يروق=عرضوها يابن جمران الاطعاسي
مضحي بن جمران=
لو صندوقكم باللي حوا مغلوق=دبسكم ماطمع به كل لحاسـي
ماعلينا وبرقـا ماتزعـل روق=وطيروها هواء مع كل نسناسي
مهجرس الحرف=
كان هزك على بعض العلوم الشوق=لايهزك تهـوز الشامـخ الراسـي
دبسنا حافظينه عن جميع اشـدوق=دونه اشدوق راع اللحس يباسـي
مضحي بن جمران=
وش جراء ياصحيبي ضايقٍ مزنوق=شايفك تضرب الاخماس بسداسي
شاطرين البدو فالطـق والمطقـوق=بـدو رجالهـم للـشـر دبـاسـي
مهجرس الحرف=
كل ليله يابن جمران كسبك نوق=غير ليلتك هاذي عـل ماباسـي
لانقضي فشقنا في طلب غرنوق=وصيدته ماتنومس راسك وراسي

تحسب البيت بس بصفت الطابوق=قايمٍ بالعمد مع طيب الساسي
ماتفيدك علومك راكبتك حقوق= لو سكت صاحبك رجال حساسي

ابداع غير مستغرب من اهل الابداع

ابو احمد والشدادي لاهنتم

صح الله لسنتكم محاورة رائعه

اخوي ابو احمد اولاً المعذره عن التاخير
حيث جاني سفر طاري وانشغلت والمعذره
وهالحين ما اقول الا صح السانك مليون
على هالطاروق الكايف وبيض الله وجهك
وتحياتي لكل من شجع وتصفح والف شكر للجميع

	المشاركة الأصلية كتبت بواسطة سالم العرم

	تسلمون على هالطاروق الرائع بس وش قصتك واالاخ بدر صفوق=يوم كـلٍ يحـد السيـف عباسـي دون ذكر البلاوي حسٌن المنطـوق=ما انت مكلوف يابن الناس بالناسي

سلمت ودمت يابو خالد ولاتهون ولاعليك زود والاروع والاجزل هو مرورك النير وتواجدك بيض الله وجهك