بيتين للمساجله.. وانتظر الردّ من اول شاعر يدخل الموضوع

السلام عليكم ورحمه الله وبركاته



شلونكم يالربع !!



عسآآآكم طيبين ..



بيتين .. للمساجله ..



اتمنى من اول شاعر من شعراء الملتقى الرد ..



اقووول ..

صباح الخير يا حظّي صباح الخير يالأحلام=صباح(ن) مدّ نكهاته وكيفي ما تذوّقها
صباح الغربه الصعبه .. وتشْفيره وفكّ ارْقام=صباح(ن) عيّة احْروفه عن الورقه تفارقها

وانتظر الرد ..



اخوكم //



عــلــي الحربي( الحربي المغترب )

عسى الله يصبحك بالخير يامن خط بالاقلام=بعد شافت عيوني مانكتب والخط شوقها
وترا الغربة ماهي سهلة ولكن للظروف احكام= يكم أمسى بغرب الأرض واصبح في مشارقها

	المشاركة الأصلية كتبت بواسطة سعد المحمدي

	صباح اربع حروفٍ من حزام الفارس المقدام=لامرت روس خلق الله حسب عرفي تحلقها هديه والهديه بعدها دعوه ولفت خام= هديه من شريفه جعل حضك مايوافقها حجازيه تنادي ياعلي دايم على هدام=لاقام يحوفها خطيبها مجبوريفهقها

يالله انت حيّك اخوي سعد المحمدي

..

واستلم يالذيب

لأنّي خلْف أبياتك لقيت الغوش بالإلهام=وشفت الفكره الصعبه وفي قافك مناطقها
رسيت فْبرّ هالغربه وانا في غربتي منظام=عسى الله يْفكّ هالظيمه واقطّع شبْد طارقها
تنومسْت ابْهلي حرب(ن) ..وحربي غابرت لعْوام=ورا الأنساب انا ضايع وادوّر ... مين صادقها ؟

	المشاركة الأصلية كتبت بواسطة العامودي

	عسى الله يصبحك بالخير يامن خط بالاقلام=بعد شافت عيوني مانكتب والخط شوقها وترا الغربة ماهي سهلة ولكن للظروف احكام= يكم أمسى بغرب الأرض واصبح في مشارقها

الله يحيك يالسنافي

واستلم ..

انا في غربتي لغز(ن) ورمْزه ضايع الأيّام=أدوّر خلْف هالرمعه ولكن غاب ناطقها
جدودي بالمدينه ضاع مشرقهم .. وانا الحوّام=وصارت مادبا أرضي وبالأردن مشافقها

الاخ الحربي المغترب صح لسانك والله يبيض وجهك
انا رديت ثم حذفت الرد مبغى اسبق الشعار اللي اكبر مني
وانت ماشاءالله عليه محيث نزلت ردي سويتله اقتباس ورديت عليه الله يبيض وجهك

وجهك ابيض

وأنشاء الله تكمل الرد معي

ولي مطلب بالأبيات

عليك اثبات ماقلته وحنا نصرة المنظام=لاحضرت الحقايق بالوثايق ما نمزقها
عطيتك علم واضح ماعليه اغبار يالضرغام=ندور جمع شمل الناس مانبغى نفرقها

أبحكيلك على الإثبات من قلب(ن) به الإلجام=ومن قصّة تشيب الراس مرصوصه طوابقها
أنا جدّي ( أبو فالح ) وهو ( مرزوق ) بالإلزام=و( فالح ) والد لـْ ( سالم ) ومحفوظ ابْمحاققها
و( سالم) والد لْـ (عوّاد) والإثبات لك قدّام=وانا أسمي (علي امْحمّد إبن عوّاد) وانْطقها ..

أنا // علي محمد عواد سالم فالح مرزوق الحربي

ومن عند فالح ضاعت وصلة النسب .. ولازلت ابحث عنه

والقصه كامله هنا ،،

http://www.alhroob.com/vb/showthread.php?t=53798

حلول اللغز ما تصعب على اهل العرف والفهام=وكل كلمة لها معنى عليه يدل منطقها
وترا خطو الفتى من يثبت بفعله جنوب وشام= وديرنا كل ابوها يعربية ما نفرقها

ضياع الحلّ في فخذي مهو بالأرْض والأنسام=أنا من حرْب ياخويه وحلّي عند سابقها
لأن الوقْت غربلنا أكيد الحظّ له أحكام=ولكنّ الفخر حاضر وفي ربعي أطبّقْها