صباح الخير يا حظّي صباح الخير يالأحلام=صباح(ن) مدّ نكهاته وكيفي ما تذوّقها
صباح الغربه الصعبه .. وتشْفيره وفكّ ارْقام=صباح(ن) عيّة احْروفه عن الورقه تفارقها

عسى الله يصبحك بالخير يامن خط بالاقلام=بعد شافت عيوني مانكتب والخط شوقها
وترا الغربة ماهي سهلة ولكن للظروف احكام= يكم أمسى بغرب الأرض واصبح في مشارقها

المشاركة الأصلية كتبت بواسطة سعد المحمدي (المشاركة 588343) صباح اربع حروفٍ من حزام الفارس المقدام=لامرت روس خلق الله حسب عرفي تحلقها هديه والهديه بعدها دعوه ولفت خام= هديه من شريفه جعل حضك مايوافقها حجازيه تنادي ياعلي دايم على هدام=لاقام يحوفها خطيبها مجبوريفهقها

لأنّي خلْف أبياتك لقيت الغوش بالإلهام=وشفت الفكره الصعبه وفي قافك مناطقها
رسيت فْبرّ هالغربه وانا في غربتي منظام=عسى الله يْفكّ هالظيمه واقطّع شبْد طارقها
تنومسْت ابْهلي حرب(ن) ..وحربي غابرت لعْوام=ورا الأنساب انا ضايع وادوّر ... مين صادقها ؟

المشاركة الأصلية كتبت بواسطة العامودي (المشاركة 588754) عسى الله يصبحك بالخير يامن خط بالاقلام=بعد شافت عيوني مانكتب والخط شوقها وترا الغربة ماهي سهلة ولكن للظروف احكام= يكم أمسى بغرب الأرض واصبح في مشارقها

انا في غربتي لغز(ن) ورمْزه ضايع الأيّام=أدوّر خلْف هالرمعه ولكن غاب ناطقها
جدودي بالمدينه ضاع مشرقهم .. وانا الحوّام=وصارت مادبا أرضي وبالأردن مشافقها

عليك اثبات ماقلته وحنا نصرة المنظام=لاحضرت الحقايق بالوثايق ما نمزقها
عطيتك علم واضح ماعليه اغبار يالضرغام=ندور جمع شمل الناس مانبغى نفرقها

أبحكيلك على الإثبات من قلب(ن) به الإلجام=ومن قصّة تشيب الراس مرصوصه طوابقها
أنا جدّي ( أبو فالح ) وهو ( مرزوق ) بالإلزام=و( فالح ) والد لـْ ( سالم ) ومحفوظ ابْمحاققها
و( سالم) والد لْـ (عوّاد) والإثبات لك قدّام=وانا أسمي (علي امْحمّد إبن عوّاد) وانْطقها ..

حلول اللغز ما تصعب على اهل العرف والفهام=وكل كلمة لها معنى عليه يدل منطقها
وترا خطو الفتى من يثبت بفعله جنوب وشام= وديرنا كل ابوها يعربية ما نفرقها

ضياع الحلّ في فخذي مهو بالأرْض والأنسام=أنا من حرْب ياخويه وحلّي عند سابقها
لأن الوقْت غربلنا أكيد الحظّ له أحكام=ولكنّ الفخر حاضر وفي ربعي أطبّقْها