بيتين للمساجله.. وانتظر الردّ من اول شاعر يدخل الموضوع

السلام عليكم ورحمه الله وبركاته



شلونكم يالربع !!



عسآآآكم طيبين ..



بيتين .. للمساجله ..



اتمنى من اول شاعر من شعراء الملتقى الرد ..



اقووول ..

صباح الخير يا حظّي صباح الخير يالأحلام=صباح(ن) مدّ نكهاته وكيفي ما تذوّقها
صباح الغربه الصعبه .. وتشْفيره وفكّ ارْقام=صباح(ن) عيّة احْروفه عن الورقه تفارقها

وانتظر الرد ..



اخوكم //



عــلــي الحربي( الحربي المغترب )

الاخ الحربي المغترب صح لسانك والله يبيض وجهك
انا رديت ثم حذفت الرد مبغى اسبق الشعار اللي اكبر مني
وانت ماشاءالله عليه محيث نزلت ردي سويتله اقتباس ورديت عليه الله يبيض وجهك

وجهك ابيض

وأنشاء الله تكمل الرد معي

ولي مطلب بالأبيات

عليك اثبات ماقلته وحنا نصرة المنظام=لاحضرت الحقايق بالوثايق ما نمزقها
عطيتك علم واضح ماعليه اغبار يالضرغام=ندور جمع شمل الناس مانبغى نفرقها

أبحكيلك على الإثبات من قلب(ن) به الإلجام=ومن قصّة تشيب الراس مرصوصه طوابقها
أنا جدّي ( أبو فالح ) وهو ( مرزوق ) بالإلزام=و( فالح ) والد لـْ ( سالم ) ومحفوظ ابْمحاققها
و( سالم) والد لْـ (عوّاد) والإثبات لك قدّام=وانا أسمي (علي امْحمّد إبن عوّاد) وانْطقها ..

أنا // علي محمد عواد سالم فالح مرزوق الحربي

ومن عند فالح ضاعت وصلة النسب .. ولازلت ابحث عنه

والقصه كامله هنا ،،

http://www.alhroob.com/vb/showthread.php?t=53798

حلول اللغز ما تصعب على اهل العرف والفهام=وكل كلمة لها معنى عليه يدل منطقها
وترا خطو الفتى من يثبت بفعله جنوب وشام= وديرنا كل ابوها يعربية ما نفرقها

ضياع الحلّ في فخذي مهو بالأرْض والأنسام=أنا من حرْب ياخويه وحلّي عند سابقها
لأن الوقْت غربلنا أكيد الحظّ له أحكام=ولكنّ الفخر حاضر وفي ربعي أطبّقْها

مادام انك ولد حربي بربعك وانت سبع انعام=ترا عادة قبايل حرب يسعد من يرافقها
واقول لك من ثقة لوجيت ديرة حرب ما تنظام=ولو تقضي طوال العمر فيها ما تفارقها

واقول لك يا أخ علي عليك أن تبذل جهد أكثر
في البحث وان لم تتوصل الى نتيجة فيكفيك في الأول
انك حربي ومتأكد من ذلك والثانية فعلك وسمعتك وصيتك بين
الرجال فان كنت من الرجال الغانمين فحرب من الرجال الغانمين والأجاويد
ويحبون الرجال وعلوم الرجال فاذا عرفك احد منهم ووجد فيك صفات الأجواد الحميدة
فلا يمكن أن ينكرونك وأرجو من اخواني وأصدقائي من حرب أن يسمحو لي في التعدي والكتابة عنهم فأنا لم أكتب الا من ثقتي بكل حربي ومن باب التعاطف مع الأخ علي فهوا أخ
لنا جميعا وأشكركم على لطفكم وسعة صدوركم

ترى حنّا ثمان اعْمام والنوماس بالأعمام=لنا بالمرجله كلمه وحنّا فوق ناطقها
وجاها و عزّ وافعال(ن) خذينا منّها الأوسام=وودْنا مقْصد الأنساب والحاضر يوثّقْها

عسى الله يصبحك بالخير يامن خط بالاقلام=بعد شافت عيوني مانكتب والخط شوقها
وترا الغربة ماهي سهلة ولكن للظروف احكام= يكم أمسى بغرب الأرض واصبح في مشارقها