( مطلوب الرد من الجميع )

ل
و
ت
ن
ش
ر

ا
ل
ن
د
و
ه
ع
ل
ى
ص
ف
ح
ة
ا
ل
ي
و
م

العين تشكي ياعـرب قلـة النـوم = طال السهد والوضع مزري وكايـد
قام السهر يهجم على طرفي هجوم = هجوم ناد العين فـي كـاس زايـد
دايم وغاراته على العيـن بسهـوم = حتى غدا نصـره عليهـا عوايـد
بسباب ود ٍ عشته وكـان مشـؤم = مع واحد ٍ ماشفـت بعـده فوايـد
اقفى وورث صورته داخـل البـوم = لـولاه والله ماكتبـت القصـايـد
قصة غرامي روحت كنهـا حلـوم = فيهـا كوابيـس العنـا والشدايـد
قصه جرت يشهد بها ليل وانجـوم = منها يشيبـون الصغـار الولايـد
لو تنشر الندوه على صفحة اليـوم = ماضنتي بالسـوق تبقـى جرايـد
ياناس دلوني علـى حـل مفهـوم = والراي يطلب من عقـول ٍ رشايـد
من بعد شرحي صاير الوضع معلوم = نبغى إفادة شخص منكـم محايـد

الشاعر/ خالد بن عبيد بن معتوق ألأحمدي

صح لسانك يا صقر المراقيب
هذي إجابه للنداء على عجل:

يا صقر لا تشكي الهوا تِقِل مكلوم=ترى الهوا يودع صويبه بدايد
طرد الجوازي كله الْكام و الْدوم= و جروح طاردها قبلهن جدايد
حتى لو انه من مشاكيل و قروم= بآخر مطافه يصبح الحيل بايد
ذي بنت حوّا طبعها المَيخْ و الزَّوم= هذي طبيعة لابسات القلايد
حاجاتها دايم تجيها بمرسوم= و العازه اللي عندها شي كايد
لو صار قلبك لاجلها كله ثلوم= و لو قلت فيها محكمات الشرايد
ما تستمع صوتك و لو جيت بسلوم= تسفه مناديها وهذي عوايد
ان طعتني طِرْ يا صقر و ابعد الحوم= واغسل هواها من خفوقك بتايد
البحر مليانٍ "سبيطي" وبه "عُوم"= اتعب على صيده و لو هو امْكايَد
هذي نصيحة واحدٍ جرّب الصّوم= عن حبهن و اصبح مع الوقت صايد

الأخ الشاعر/ خالد بن عبيد بن معتوق ألأحمدي

بيض الله وجهك وصح لسانك

بدع رااائع والله يعين يالغالي

وبعون الله مايقصرون شعارنا الأكارم في الرد

كما ابدع شاعرنا القدير الأخ الدكتور الصييفي

في رده الرائع والمتزن كعادته بيض الله وجهه ووجهك

لكم اجمل التحايا

ودمتم بخير

الأخ صقر المراقيب
ارجو أن تقبل مني هذا
المردود البسيط وعسى أن
أكون قد وفقت في الرد بما يتناسب مع
هذه القصيدة الجميلة

قريت خطك واصدر القلب مرسوم=وآنا في حزات الملازيم قايد
من يشتكي لي هم مايبات مظلوم =وما ارضى على مثلك تزيد الزوايد
والود مر وراعي الود مهموم=ما يهتني بالنوم فوق الوسايد
كم واحدن قبلك خرج منه محروم=وهذا الامر من سابق الوقت سايد
والبعض حصل فيه بسكت وحلقوم=وهذا من أللي يحكمون المصايد
من عامل اهل الود باسلوب محكوم=يجني من الود العسل والحصايد
ومن شاف من وده غماليج وعسوم=يصبر عليه ويرتجي منه عايد
الصبر مابين المودين معلوم=من سابق الايام طيب وفايد
ومن كان بعد الصبر ماشاف مقسوم=والود يتمادى معه في المكايد
ماهو على العيشة مع الود ملزوم=يستبدل دروبه دروبن جدايد
والله كريم ان شاف الانسان مظيوم=ينعم عليه بكل ما كان رايد

	صحت السنتكم والله يـعـطـيـكم الـعـافيـــــــــــة بيض الله وجيهكم

صحت السنتكم جميعاااااااااا

قصائد جميله

مساكم الله بالنور واتمنى اني توفقت في هذا الرد المتواضع
والله لايهين الاخوان اللي سبقوني بالرد
واليك ياصقر مع الاحترام والتقدير...
اخوك البيرق المنصور( ابن حسن المزروعي )

حنا عروبه ياصقر قوم في قوم = مانحقر الاعيان فوق الحدايد
نفزع وناسن مايعرفون للنوم = لن كان ماتدري تجيك الزوايد
واسمع شِكْات العين والطرف معلوم = يومي طلايب بينهم بالوقايد
شبعانه الاعيان والطرف محروم = والناتج إمخسر وماشي رقايد
تبدع مع الشعار بكلوم وكلوم = حسب الذي جتنا عليه النشايد
قصة غرام القلب والصد واللوم= قلت الصبر دايم يحل العقايد
راع السهر دايم من الطرف مدعوم =فيه الوساطه عاشقه بالوكايد
هذي حيات الود والود مبهوم = مايجهله من عاش بحر ومهايد
لاتحسبن الود بيبسي وجمجوم = الود ياقاري كلومي زهايد
والصبر لازم وانت بالصبر ملزوم = ولولا الصبر ماجاك قايد ورايد

صحة السنتكم وبيض الله وجيهكم لاهنتم كلم

الله يعطيكم العافيه

صحة السنتكم وعساكم على الدوم متواجدين على القوة ومايخدم قبيلةحرب

ان طعتني طِرْ يا صقر و ابعد الحوم = واغسل هواها من خفوقـك بتايـدصح لسانك
اخوي الصيفي
عزالله رد يشفي غليلي
وابشرك اغسله بتايد وكلوركس