أجب على الأسئلة التالية ::::::::::::::

أعزائي وجه لي الأسئلة التالية وطلب مني الأحابة بأبيات شعر
،
فهل الإجابات قريبة من الأسئلة :

،
من أنت ؟

أنا غريبٍ فـي الوسيعـه لحالـي=لو شفتني ياذيب.. بين المخاليـق
أخـاف لازادت عليـه الثقـالـي=وأحسب حسابي وقت صك المغاليق

،
من حبيبك؟

أنا حبيبي لو بوصِّـف تواصيـف=ما فيه من مثلـه ولا فيـه زيِّـه
إن جيت أعرِّف وش تفيد التعاريف=زايد علـى لبنـى مـع العامريـة

،
ماذا أعطتك الدنيا؟

ما أخذت منها شيء وأعطيتها شيء=أعطيتها اللي شالني طول عمـري
حتى طوتني طي من فوقهـا طـي=وزادت طوتني لين ما ضاق صدري

،
مارأيك بالناس في الوقت الحالي؟

كل يوم له خيره وشره وشمسه=والناس لو هم ناس ماهم سويه
مثل الاصابع حاوية الكف خمسة=ما فيه واحد مستوي مع خويه

،
ماهو حلمك

أنا حلمت وسد حلمي في الأول=حلمي لقيته مع رجالٍ نواميس
والحلم الأول ماهقيت يتحـوَّل=ما عاد باقي غير حلم الكوابيس

،
هل مات الأمل لديك؟

كثر الأمل ما رد لي سكب دمعه=إنبح صوتي ياأمل جف ريقـي
اليوم عندي يا أمل ضو شمعه=إيسدني وقت أتلمس طريقـي

،
من صديقك؟

صديقك اللي حزة النوب نايب=ويسره إليا شاف حالٍ يسـرك
وصديق لا عاوزت تلقاه غايب=كنه عدوٍّ.. غايته ما يضـرك

،
من عدوك؟

أنا عدايه في المخاليق نعمه=وأنا آعرفهم لاعصبت العمامة
أولهم المغرور طلاب سمعه=وآخرهم اللي ما يثمِّن كلامه

صح السانك


إجابات رائعه منك

تحياتي لك

الله الله يالافي

أسئلة وأجابات رائعه شعراً .

أذن هي نوادر رائعه للشاعر المميز لافي فلتحفظها من السرقه .

سجل اعجابي بهذه المقتطفات


وتقبل مروري اخي العزيز لافي



وصح الله لسااانك

صح لسانك وعلا شانك

اجابات رائعه بروعة حضورك

تحيااااااااتي

,
,
,

صح لسانك وعلا شانك

والله يعطيك العافيه على المقتطفات الجميله والمختصره

بيض الله وجهك

مع التحيه

صح لسانك وبيض الله وجهك
ابيات رائعه واجابه وافيه

صح السانك ولاهنت



قصيده رائعه من رائع

لك تحياتي

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداع

راعي الحناكيه

صح الله لسانك
ولاهنت
وسلم فكرك وبنانك
دمت برعاية الله وحفظة