ياصاحبي

ياصاحبي

يا صا حبي ما كل حزه بها أفـراح=ولا كل حزه طيفها جـاك بأحـزان
نتعب في بعض أيام وأيام نرتـاح=يا كم نذكر ! بس يا كـم نسيـان
دنيا تصافقنا كما صفـق الأريـاح=مرة تجي بغبار ومـرة بالأمـزان
أيام نبكي همها بعـد مـا نـزاح=وأيام نضحكها بدمعـات الأعيـان
أحيان تقبل بالسعد عقب مـا راح=وأحيان نومك لذته فيـه شقيـان
احد(ن) جنى من دنيته كل الأرباح=واقفى عن الدنيا وهو حيل خسران
وحد(ن)حياته عاشها فقـر ذبـاح=وقفت بـه الأقـدار لكـن كسبـان
ياصاحبي شيء انكتب لك فالالواح=بتاخذه من دون زود(ن) ونقصـان
ياصاحبي نوخ مطاياك يـا صـاح=صاحبك شاف بدنيته كل الألـوان
ياصاحبي اسعى وراء العز بلحـاح=وتلقى دروب العز في كـل ميـدان
وخلك مع رجال الوفا تملك وشـاح=وخلك مع أهل الطيب لطيب شيهان
ياصاحبي وإن كان لازلـت نـواح=ومحتار في همك وبه زود حيـران
هات الهموم وعيش فالأرض سواح=مخدوم ! همك لا يخليـك طفشـان

لك من التقدير والإحترام ما لا تعلمه

لا خسركَ هذا الصرح ...

أوركيدا ...

	المشاركة الأصلية كتبت بواسطة لمعة الجليد

	لك من التقدير والإحترام ما لا تعلمه لا خسركَ هذا الصرح ... أوركيدا ...

لكي ماقلتي وزود

دمتي بروعتك

لاهنتي

الشاعر الكبير
بخيتان البشري
صح لسانك
قصيده جزله ورااائعه
تستحق منا ان نقراءهاااا اكثر من مره
كل بيت فيهااا عن قصاائد

والله يطول بعمر يابن العم الغاالي

ياصاحبي اسعى وراء العز بلحـاح=وتلقى دروب العز في كـل ميـدان
وخلك مع رجال الوفا تملك وشـاح=وخلك مع أهل الطيب لطيب شيهان

ابداع غير مستغرب يالبشري
صح لسانك
وبيض الله وجهك

لك ودي وفائق احترامي
العبيدي

	المشاركة الأصلية كتبت بواسطة العبيدي

	ياصاحبي اسعى وراء العز بلحـاح=وتلقى دروب العز في كـل ميـدان وخلك مع رجال الوفا تملك وشـاح=وخلك مع أهل الطيب لطيب شيهان ابداع غير مستغرب يالبشري صح لسانك وبيض الله وجهك لك ودي وفائق احترامي العبيدي

صح بدنك وبيض الله وجهك

راعي وفاء وراعي طيب يالعبيدي

احسنت صح لسانك يابخيتان وهذي عوايدك يابا العوايد

	المشاركة الأصلية كتبت بواسطة ابوخالد الفريدي

	احسنت صح لسانك يابخيتان وهذي عوايدك يابا العوايد

صح بدنك ولاهنت

ياهلابك أخوي القدير والشاعر الجزل

بخيتان البشري

صح الله لسانك وسلم فكرك وأناملك على ماسطرت من إبداع

دمت ودام تواجدك الراقي

تقديري وأحترامي لك

	المشاركة الأصلية كتبت بواسطة محمدعبدالكريم

	ياهلابك أخوي القدير والشاعر الجزل بخيتان البشري صح الله لسانك وسلم فكرك وأناملك على ماسطرت من إبداع دمت ودام تواجدك الراقي تقديري وأحترامي لك

حياك الله اخوي محمد


صح بدنك ولاهنت