ياصاحبي
ياصاحبي
يا صا حبي ما كل حزه بها أفـراح=ولا كل حزه طيفها جـاك بأحـزان نتعب في بعض أيام وأيام نرتـاح=يا كم نذكر ! بس يا كـم نسيـان دنيا تصافقنا كما صفـق الأريـاح=مرة تجي بغبار ومـرة بالأمـزان أيام نبكي همها بعـد مـا نـزاح=وأيام نضحكها بدمعـات الأعيـان أحيان تقبل بالسعد عقب مـا راح=وأحيان نومك لذته فيـه شقيـان احد(ن) جنى من دنيته كل الأرباح=واقفى عن الدنيا وهو حيل خسران وحد(ن)حياته عاشها فقـر ذبـاح=وقفت بـه الأقـدار لكـن كسبـان ياصاحبي شيء انكتب لك فالالواح=بتاخذه من دون زود(ن) ونقصـان ياصاحبي نوخ مطاياك يـا صـاح=صاحبك شاف بدنيته كل الألـوان ياصاحبي اسعى وراء العز بلحـاح=وتلقى دروب العز في كـل ميـدان وخلك مع رجال الوفا تملك وشـاح=وخلك مع أهل الطيب لطيب شيهان ياصاحبي وإن كان لازلـت نـواح=ومحتار في همك وبه زود حيـران هات الهموم وعيش فالأرض سواح=مخدوم ! همك لا يخليـك طفشـان |
لك من التقدير والإحترام ما لا تعلمه
لا خسركَ هذا الصرح ... أوركيدا ... |
ياصاحبي اسعى وراء العز بلحـاح=وتلقى دروب العز في كـل ميـدان
وخلك مع رجال الوفا تملك وشـاح=وخلك مع أهل الطيب لطيب شيهان ابداع غير مستغرب يالبشري صح لسانك وبيض الله وجهك لك ودي وفائق احترامي العبيدي |
احسنت صح لسانك يابخيتان وهذي عوايدك يابا العوايد
|
ياهلابك أخوي القدير والشاعر الجزل بخيتان البشري صح الله لسانك وسلم فكرك وأناملك على ماسطرت من إبداع دمت ودام تواجدك الراقي تقديري وأحترامي لك |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
الغالي ابومحمد صح السانك مليوووون وبيض الله وجهك ملالالاييين تسلم تسلم على هذالابداااااااااع الغير معقول ولاهوا غريب عليك عساك سالم وغانم ياالغالي والله يعطيك الصحه والعافيه تقبل تحياتي وتقديري |
اقتباس:
لكي ماقلتي وزود دمتي بروعتك لاهنتي |
اقتباس:
صح بدنك وبيض الله وجهك راعي وفاء وراعي طيب يالعبيدي |
|
الساعة الآن 12:12 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir