إلى العاصفه / حفيد الحجيري.( وانكان شوّقني ضبيّ التّهامي=بيردّني للكيف بنّه وهيله )

/
/
/
/
/
/
/
/
/
/

عرفك يشرّفني ونلت احترامي=شاعر ولك ماقفك دون القبيله
وحرفك يشوّقني وفيه اهتمامي =ياسعد شاعر له طاروقك تحيله
ياشاعر ٍ مطنوخ نلّت الوسامي=اللي يشرّف شاعر ٍ يحتويله
ويابو علي من بعد صادق سلامي=ببيات شعري واشتكي من مليله
ابآختصر واعطيك زبدة كلامي=قصيرةٍ بالوصف تقطع طويله
لوهي بديني ماقربت الغرامي=لنّي مجرّب كثرته لا قليله
وانكان شوّقني ضبيّ التّهامي=بيردّني للكيف بنّه وهيله
ساعة لقيته ليل شهر الصّيامي=في سوق يتقضّى عيونه كحيله
الله كتب لي في غرامه هيامي=حكم القدر مالي بالاقدار حيله
هذا وانا ماني برجلّ انهزامي=لاكني اوزناه خفيفه ثقيله
عطني مشوره منك يابن الكرامي=تسهم بتوية صاحبك عن خليله
ماهو بمتمنّي رفيع المقامي=تكثر ذنوبه بالهوى تنحصيله
ويصدّ عنه الله ربّ الانامي=ومن صدّ عنه الله نفسه ذليله

الشّاعر / خالد بن عبيد بن معتوق ألأحمدي

كلام حلو ..
سلمت ..

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]

صح لسانك وبيض الله وجهك
كلام عذب ومشتكى رائع
وننتظر شاعرنا القدير حسن الحجيري
ليكتمل التألق في سمو الحرف

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يابو عبيد و بيض الله وجهك على الابيات الجزيله والحقيقه انك شاعر قدير لا يملك شخصي المتواضع الا محاولة مجاراة ابداعك بما أستطيع ...
والعذر اذا لم ترقى ابياتي المتواضعه الى مستوى بدعك ،، والسموحه لو حصل قصور ......... وإليك الرد :

حيّ الكتاب وحيّ خط البهامي=وحيّ الهجوس اللي تجيب الجزيله
يا شاعرٍ فالعرف حرٍ قطامي=أصيل عرفه مكسب أهل الأصيله
لك حرف مثل الكيف يجلى عسامي=بالبنّ الأشقر مع خَضَر زنجبيله
يا مرحبا يا عزوتي يا حزامي=يوم اِصقلال المرهفات الصقيله
قدّام عمّا بك نزيح اللثامي=لا باس يا شاكِ الرموش الضليله
يا واردٍ عدٍّ وروده حيامي=عدّ الهوى ما أروى الكبود العليله
كم قبلكم صدرّ على العدّ ضامي= و دموع عينه فوق خدّه شليله
قيس الملوحّ عاش عشرين عامي=مجنون ليلى وآخرتها اِش حصيله
يا صقر صقّارك طلع خوش رامي=صاب الهدف والقلب ولعّ فتيله
والفارس اللي ما يشدّ الخطامي=وما يكبح جماح الهوى عزتيله
ماني بملحقكم عتاب و ملامي=بس أتفكرّ كيف تاه الدليله
الورد في سوقه يباع و يْسامي=واللي يهاب السوق وش له يميله!!
ليل الهوى ما ينجلي له ظلامي=وصُبحه كما برّاق صيفٍ تخيله
مدري يا خالد تبلغون المرامي=وألاّ عن الغاية تحول الوسيله
يابو عبيد إن كان ما به ليامي=قلبك لا يمشي درب ما يستويله
الودّ مسروقه في حكم الحرامي=وقاضَ الهوى مهما عدل فيه ميله

وسلامتكم

==@@ الحجـــــــــــــــــــــــيري @@==

شي جميل من الشاعرين بيض الله وجيهكم

صحت الالسن

ودمتم بود