ياخفوقي ياشفوقي.. ميل واطرب في هواه=واعذابه من سحابة برقها خلف المزون
زاد حبـه دام طبه .. قلب ساكن في حشاه=هو مرامه من غرامه مابقي غير الفتون
رام ريم .. من كريم .. هو دواه وهو بلاه=اتهـوَّل لاتحـوَّل وإن تمـايل بالفنون
واتعجب لاتحجب بدر صـافي في سماه=فوق نوره زاد نوره لاسدل ليل المتون
إن مشى مثل الرشا .. لاتهادى في الفلاة= ويوم يرتع فوق أربع يرتعن معه العيون
هو حنيني هو أنيني كل غالي من غلاه=هو سمايه هو رجايه يوم غيري يرتجون
لو تخطى ما خطيته الخطا خطوة خطاه=وإن جفاني ماجفيته جفوته جفوة جفون
وإن تعـزز لاتقـزز والله اللي في علاه=أستبينه في جبينه ما امتري فيه الظنون
بأعتنيبه واختليبه والخلاء عندي .. خلاه=ما تـأسَّ لو تعسَّ والعـواذل يعتبون
السـلامة في سلامه نور قلبي مع صفاه=والندامة في عدامه لاربت ريب المنون
هو بلايه هو دوايه هو شريكي في الحياة=إشتريته وإقتنيته وكل عـذراء مـاتهون