لي صاحب عقله من الشوق مافيش / ان قلت احبك صد عني وقفى
 

صبحكم الله بالخير




لي صاحب عقله من الشوق مافيش
ان قلت احبك صد عني ووقفى
وان قال احبك صحت كلي يالبيش
أجيه من زود المحبه وكفى
ماياكل الكبسه ولايعرف العيش
ماياكل الا نص شوسي امدفى
وان حاسب الجرسون يعطيه بخشيش
وهو فقير الحال حافي امحفى
مايملك الا دمعة الضيق والطيش
وان قلت له وش فيك راح ايتخفى
يقول مايحتاج للجرح تنبيش
وأقول صارحني وهو يقول تكفى
لين امتلى بالدمع ثم قال بشويش
والله احبك ياعزيز ووقفى
ليه الزمن مايرحم شوي هو ليش
حتى على المحتاج لين يتوفى


عبدالعزيز مناور الرويثي الحربي

ماياكل الا نص شوسي امدفى
؟؟؟
يعني هو من زينه الشوسي وهو ساخن عاد كيف مدفى
خاصة لو كان السمك ني
صح السانك لاهنت

ههههههه

مير شرهتك على اللي شافه او يعرف شكله ماعرفه الا بالاسم

والناس اذواق كلن ياكل اللي يعجبه ياكحيلة حرب

صح بدنك ولاهنتي

اها يعني خيال شاعر
يجب علينا ان لانتكلم عن مانجهل
حتى لانقع في الاحراج
هنا السيد شوسي يوسي
اسفة ع الازعاج
http://www.m-harb.net/vb/showthread....88#post1425388

كحيلة حرب

ان كان هناك نقد ادبي للنص ياليت توضحينه

اما كثرة الكلام اللي مايسمن ولايغني من جوع ماله داعي

كلن يكتب مايحب ويشاء بدون إملاء من احد

ابد النص كامل مكمل وقافية ولا اروع
لكن فقط ردي عشان قلت
مير شرهتك على اللي شافه او يعرف شكله ماعرفه الا بالاسم
وقلت اسفة لو ازعجتك

صح لسانك وسلم فكرك
الله يعطيك العافيه

صح بدنك طال عمرك

صح بدنك طال عمرك وماعليك زود

وووجهك ابيض