انشدك عن بنتين لازم سوا=ولو جبت وحدة صرت ما توفي الدين
ياتن ورى الرجال تقل اخويا=هذا الصحيح وخل عني التخا مين

ويش بنت لها الغا لي رخص=عند الر جال الي تعرف احقوقها
يكثر اهلها وش تعم وش تخص=لاكن قليل اليوم منهو شوقها

ويش بنت جو فها مثل الحليب=ديسها في راسها لبو اعيون اطلعه
ابو عيون دايم عندها قريب=مايقوم بواجبه ليننها تر ضعه
ولو تطول ارضاعته فيها حسيب=قادرن يعطيه ولا يمنعه

ويش رجل ن بالارض وصاحبه بالسماء =ماتشوفه عيون وتسمعه ماتراه
فيه راحت ضمير وفيه امن وحماء =رجل كله معاني طيب في لقاه

ويش رجل لادخل يصعب طلوعه =كم تعلى روس وكم روس صدعها
لو دخل معصوم غير له طبوعه= ماذكر به خير والخيره شفعها

ويش بنت لها صولها وجولـه=مايعرفها كود رجـال بخصهـا
من تجيبه ها الضعيفه تنتميله=بسمها تعرف ويدخل من طرفها

انشدك عن رجال راعي معاناه=خيره كثير ودايم الدوم مده
ذيله اليا منه زعل عند علباه=يعطي ولاكن ماخذه مايرده

ويش كيدن كيد في امرن عجل= بحكمة الله فيه يفعل مايريد
قبل مايخطر على بال الرجل = استلم في ضرف من ضمن البريد
توبع الموضوع بعيونن نجل = كيد فوق كيد النساء علمن اكيد

وش البنات اللي سمعنا خبرهـن=ماضنتي يخفن على كـل عـراف
لله در اللـي بعرفـه سبـرهـن=جاب الخبر لو كان باالعين ماشاف
يومن بعض الناس ابفكره حقرهن=وقف لهن وقفت منصف ولا خاف

ويش رجلن فات وقته يستفز الشاعريه = شاله اللي شال غيره من صغار ومن كبارا
رجل للرجل الهواوي مايجيب الا الاسيه = يذكرونه في الزمان اللي مضى ستر للعذارا

انشدك عن بنت ن خبيثت طبايع = تنحى مناعير النشاماء على الكود
حتى يضيق ابهم فضاء كل خايع = الائن قاضيها مع الربع موجو د
ون غاب قاضيها خبيثت طبايع = ليالها كدرات ويامها سـود

انشدك عن بنتين لازم سوا= ولو جبت وحده صرت ماتوفي الدين
ياتن ورى الرجال تقل اخوياء =هذا الصحيح وخل عنك التخامين

انشدك عن رجال يثبت لك الحق =لو مانطق تشوف علمه حقيقه
يرضابه الوافي يرضابه العق= غصبن عليه ليعتضر في طريقه

انشدك عن رجل يسوي الهوايل = اليا عثا بجموع قوم هزمها
يروع اقلوب الرجال الصمايل = ولياتولى القوم صعب ان رحمها

انشدك عن رجال للناس معروف = ومن لا يعرفه ينشد الي ايعرفه
تقدمو فيه المعازيب لضيوف = ومجبور به لو حاجتك فيه طرفه
وخير ماخيرتبه سبعة احروف = وربع وتسع وصرفه بي صرفه

انشدك عن بنتين ينهن عمل بنت=لاجن ينهن البنت هي وعملها
لاجن ينهن واحد ثبت البنت= والبنت معروفه ولا احد جهلها

انشدك عن رجال معروف باسمين = رجل ن يعدونه وللفعل برهان
امه تطاوع له على العسرولين = وايضا لها في نصرة الحق عنوان

يويش ورع ن حياته يوم= ولينتها يبتدي غيره
يعيش في حيزه مكتوم= ون مات يسمح بتشهيره

ياويش بنت في حجا ضل مكنون = عن برد مكنونه وعن حر بضلال
خواتها في لون وهي عنهن بلون= خواتها تضعف وهي تقني الحال

منهو كريم حل ذكره من سنين=وايضا فعوله تعتبر مستحيله
علمه وكاد ولاحصله براهين=اما ذبح والااقتنع من يجيله

وش الثنين اللي تدالو لهم بنت= واحد يمص البنت واحد يكبي
بنتن شريفه كان فيها تمعنت=لا لا تسب البنت لالا تسبي

ابنشد اللي يعتلون المراقيب=اهل العقول النادرات المهمه
عن واحدن دايم غريب الاساليب=رجال منزاله على راس قمه
يجامع امه لا ملامه ولاعيب =قدمي وقدم الناس وامه تضمه
ونجب بناتن دون شك ولاريب=وزواجهم شرعي ولابه مذمه
زفوه لامه في كفوف المعازيب=ولولامعازيبه فلا جامع امه

ويش بنتن مع رسول اندبوها=بنت برفقت رجل والرجل موثوق
اكشفو امر الهنوف ولا رضوها=وانكشف امر الرجل من دون بوق

ياويش عذرا في محل رست به=في موقع ترسي كما شامخ الهضب
تزين محل فيه والا ابغضتبه =في موقع ماتر تحل تقضبه قضب

انشدك عن رجل عليه الدهر داس=اسمه يدل انه تنزل مضره
ياللي تحل اللغز مبني على ساس=ثالث اثنين وبان بالحال شره

انشدك عن ورعن وحيد بحياته=ورافق فتاتن مثل شكله وحيده
عاشو سوا لكن بضيق وشماته=البيت ضيق والملابس زهيده
اليا البست قام وتناول قناته=وهي صابره تقل انها مستفيده
ولو تشتكي كلن شهد في براته=يشهد لها المؤمن وشين العقيده

وش الـذي تـراد عليـه المـواريـد=لـو ان ماهـو قـد جـوه الــورودي
وليا عكست اسمه يجي فيه تنكيد=اليا حصلـوه مضيعيـن السـدودي

ويش عذرا سميت للأجـودي مملوكـه=ماملكهاصـح لـكـن بــس هـيـك مسـمـا
ماكسبها ولا دفع فيها الثمن من بوكه=لقبوهـا واللـقـب فيـهـا استـمـر وتـمـا

انشدك عن رجال يوي رجال = كل ن يحب انه يخوضه ويجنيه
لاكن صعيب ودونه ابحور وجبال = وبيبان وسوارن علت في عواليه

وش الثـلاث الـي بليـا محاصيـل=علم ن صحيح وثابتن في رواته
ثــلاث يـارجـال مـاهـن تـهـاويـل=ومعك دليل واضح ن في صفاته

انشدك عن بنت لها ثلاث اضلاع = من يوم خلقت مالها ضلع رابع
من السوق مشريه وبالسوق تنباع = فيها الحلا والريح طيب وذايع

يالي تحل المعاني دوك حلحلها =ويش حيتن ماتموت وذكرها عاده
متزوجه بالحرام ومن يحللها= حره وتملك لها زوجين وزياده

ياويش بنتن وضوفها هل الصنف=حطولها ميقاف لو هي ضعيفه
ان رشحوها ردت الذود بالعنف=وان اتركوها ماترد النصيفه

انا بنشدك يارجال عن رجا ل من رجال= اذكرالله ورسول الله وكل الناس تدريبه
رجال في حال ولا حال يارجال ماله فال = اليامنه تمكن بالرجل كثرة عذا ريبه

وش بنتن عصما ماتجي دون راعي=لو المطر يمطر عليها قتلها
لها خبيرا لدلايل دايم يراعي=ومن الجهل تسند على غيراهلها

وش ثلاث يالبيب العقل قلي=الثقال الي لهن رجل ن كفل
لا يـكـل ولا يــزل ولا يمـلـي=كافل ن غيره وحمّل وحتمل

انشد عن رجل عمل خير حده=على العمل للغير من قو باسه
درب مشابه راعي العرف عده=خبير والخبره خذاها فراسه
من قو باسه مانكشف سرسده =وليا انكشف سده ترى الكل داسه

صار النهار وشفت انا بوله بنت=بنت ن وراها القلب قلبي وراها
البنت تشهد با لفـلا لا تمعنـت=تنشا ف لا جفت مضاهر ثراها

انشدك عن عدة ارجال ن صواميت= تخضع لروس ن ربها ما كفلها
من شان بنت طقت الطنب بالبيت= والبنت معروفه ولحد جهلها

انشدك عن رجل غلب كل رجال=شجيعهم وضعيف القوم جابه
وحتى النساء اللي كيدهن يفني الاجيال=مافيهن اللي قاومت لا نوابه