عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > ملتقى الكـــــــســـــــــــرات > مــلتــقــى دواوين شــعــراء الــكــســرة

مــلتــقــى دواوين شــعــراء الــكــســرة [ جميع الشعراء ]

إضافة رد
 
أدوات الموضوع انواع عرض الموضوع
قديم 15-07-09, 07:23 PM   #1
إنتقل إلى رحمة الله تعالى

 










 

خالداللهيبي غير متواجد حالياً

خالداللهيبي has a reputation beyond reputeخالداللهيبي has a reputation beyond reputeخالداللهيبي has a reputation beyond reputeخالداللهيبي has a reputation beyond reputeخالداللهيبي has a reputation beyond reputeخالداللهيبي has a reputation beyond reputeخالداللهيبي has a reputation beyond reputeخالداللهيبي has a reputation beyond reputeخالداللهيبي has a reputation beyond reputeخالداللهيبي has a reputation beyond reputeخالداللهيبي has a reputation beyond repute

افتراضي ديوان كسرات الشاعر قميش القريقري (رحمه الله)0

الشاعر / قميش بن فالح القريقري الزبيدي الحربي
فقدنا قبل ايام شاعر علم من فحول شعراء الكسرة وأحد أعلامها الكبار 0
حتى قيل انه (دكتور الكسره) 0(رحمه الله وغفرله واسكنه فسيح جناته)0
وكان رحمه الله يسكن ثـــــول 0
للفقيد رحمه الله رصيد لايستهان به من كسرات متنوعة الأغراض لها شهره
وانتشار بين
عشاق هذا الفن في كل مكان0
ومن اشهر كسراته رحمه الله=
أسّـست لـَك نـهر من دمْــعي = تجرِي جميع البواخر فيه
لا وين يا هاجري بَنـْـعِي ؟ = حُـبّك بلاني وحاير فيه
وله ايضا=
سلام يا صحابنـا هيـدو=والا عليكم نشن هجـوم
بالواكس وأسراب ترنيدو=حتى الشبح والفضا ملغوم

وله ايضا=
الناس سطح القمر وصلت= والواد تــوّه تعلـّم وط
اخذت من العلم واستكفت= وانا وحبيبي فشيل وحـــط

ومن كسراته المشهوره ايضا رحمه الله=
ماللهوى بنك للتقصيـد=يوخذ منه كاش ويسـدّد
ابغاك فيما وصلت تفيـد=ويسير عنك الخبر مُسند
ورد عليه الجـحـدلـي =
له فرع يفتح نهار العيد=بشيك محـدود مايجـدد
عطفه لمن يشتهي ويريد=ظالم ومع ظلمه مؤيـد
من زهورات الشاعر قميش القريقري=
فالموقف الحاسـم المحـرج =إعتـل قلبـي لجـل همسـه
مثل الدرامـا مـع المخـرج=ماسه لذعنـي قبـل لمسـه
وله ايضا=
يطيب لاشـاف نـاس أكثـر =النـوم لعيونـهـم جـافـي
ومصيبتـه حجمهـا يصغـر =لجل الـذي نورهـم طافـي

لاويـن مـن دمنـا نحـرق= يصحابنـا إنتـم حرقتـونـا
من طلعة الشمس للمشـرق = وش صابكـم مارحمتـونـا

وله ايضا=
في بحر الأشـواق سافرنـا=حتى نزلنـا علـى شاطيـه
وهنـاك خـيـم معسكـرنـا=بإسلـوب والنـاس تسفتيـه
لاعسعـس الليـل أبحـرنـا=وليا اصبح الصبح نمسي فيه
يـامـا ويـامـا تخيـرنـا=هـذا نبيعـه وذا نشـريـه
وله ايضا =
البارحه في رياض الحب= ألقيت فالمهرجان اخطاب
إن الهوى منوجد له طب=إلا التوسل بدون اعتاب

وله ايضا=
الود مشيه يجـي بوصـول=يمشي علـى فنـه الرايـق
وانته مودتـك فيهـا خلـول=ودك معايـه مهـو لايــق
اوقات تمشي معي بسهـول=واوقات تمشي معي ضايـق
قايست الافكـار والمعقـول=وانك علـى سـدي موايـق
لك قصر وسط الحشا من لول=فالعمق يشبه جبـل طـارق

وله ايضا=
سميتني ياحبيبي سَمْ=سميت لي يالغضي حالي
سم الأفاعي يجي فالدم= وسمك على القلب طوالي

وله ايضا=
كيف الهوى صار فيه ارهاب= وفيه اختطافات جبريه
فيه التعند وفيه اضراب= وفيه الرؤوس النوويه
لغزأرسل له قبل 35سنه من ابو قويس=
حَرّم وإن كان تهوى بـه=ويحل لك كـان ماتهـواه
في قـول ربـي وفكتابـه=علما مؤكد حديث قضـاه
ورد عليه الشاعر قميش =
لجل النبي حذّر أصحابـه =الكاس حرم وراح سـراه
في جنة الخلد يحظى بـه =وحرم على الزول في دنياه
يقول في خاطره له=
عايش على حر نار الشوق = ونيران الأشواق تكوينـي
يا سامك العرش ياللي فوق = من جور ظلمه تنجّينـي
سبرت بحر الهوى وليـاه = تسعين قامه ولا له حـد
وليا صفا الموج يا محـلاه = وإن عكّر الموج ما له ضد
زاده نمو الجسـد وغـذاه = وجناته الخضر ما تنعـد
كم حي في ذا الملا أفنـاه =أحد شقاوي وأحد مسعد
مـن شرقهـا ليـن حتـى تغيـب=أرعـــى خـيـالــه و أتــرجــاه
عايش على الأسر و التعذيب=و الـوقـت مـــا لـمّـنـي ويـــاه
يامـا و يامـا و يامـا كــان=و ياما عملت الأسـى فيّـه
الناس تعمل معي باحسان=و انت الـذي تعمـل السيّـه
صاح المنادي و عوّد ون=وين الذي في المنـام ألقـاه
غزال حـاوي جميـع الفـن=و اليوم دود القبـر يرعـاه
و حينما زاره أحد أصدقائه قال =
لقيتـنـي و ارتـفـع راســـي=و بوجودكم زاد عزي عز
ياللي سـواة الجيـل راسـي=لو هـزت الريـح مـا يهتـز
الجو يغـري مـع النسمـات=و هب الهوى من مصايفنا
ليلـة فرحهـا طلـع باثـبـات=الـلـي بـهـا الـحــظ حالـفـنـا
هذه من حمود
يقول حمود الجحدلي =
أشكي لمن و السبب عينـي=و أشرح لمن قصتي ويلاه
ويـــلاه طـرفــه مآسـيـنـي=قتّـال سبـحـان مــن ســواه
الرد من قميش القريقري=
لا تقـول طـرفـي معاضيـنـي=و ذاك طـرفـه رمـانــا بـــداه
هـــذي شـــروط المحـبـيـنـي=رغماً عن المرء دون رضاه
و هذه لأحد الشعراء =
يا قميش حالي عليّـه زاد=دوّر دوا لــــي داويــنــي
رماني أبو رموش احداد=مثل السهم يـوم يرمينـي
الرد من قميش القريقري =
أنصحك لا تشتقي يا استاد=لــكــل دولــــه سـلاطـيـنـي
علـم طلبتـه فـي سـد امـهـاد=و من دونهـا البعـد حادينـي
حامد
يقول حامد الشريقي =
يا قميش يا قميش ما شفته= أبو هدب و العيون وسـاع
كـنـه مــن الـحـور حلّـيـتـه= زينه أتى من جميع أنـواع
الرد من قميش القريقري=
شـفـتـه و لـكـنــي تـركّـتــه=لجل ان فيه الامل قد ضاع
قلـبـي عـلـى شـانـه أتعبـتـه=الـخـايـن الـمـاكـر الـخــدّاع
البدع من محمد صالح ابو شعيب=
ســــــلام لجـــل الســــلام يـــرد = بين العـرب حـق وديـانـة
يقميـش قلـبي ضناه السـهد=مــن آه ولآه وجـــدانـه
أبــني أنــا والعــزول يــهــد = لـــو القصــر شــــاد بنـيــانـه
وإن جيت أداعيه القى ضد= يصف في كف ميزانه
غــزيـر بحــره وحــال المـــد = عـجـاج مـوجـه وطـــــوفــانــه
وبالنجم لو بقتدي وارصد = خـال الســماء سـد تبيـانـه
أحكم وهـل للمـوده حــد ؟ =بـين المـودين بامـانـه
قـول أبـا سـجله واشـــهد = جـيل ورى جــيل سـريانـه
ويحـطلك بالفـراسـه بنــد = بالشــعر في وســط ديـوانـه
الرد من قميش القريقري =
يامـرحبــا بالـذي أنشــد=شـعربعد هــاجت أشـجانـه
ترحيب نسمة عطور وند = يجلى عن القلب أحزانه
يامشتكي فالوداد الصد=ومــــلاوع الغـــلـب بألـوانـه
من يعمر القصر يتأكد = من عمق سـاسه لجدرانه
ماينتمي للدروب السد = في خط مجهــول عنــوانـه
والعبقري لاهزم يرتد=ويصون جيشه وفرسانه
والــود يلي عنه تنشــد=مـع البشـــر طيـلة أزمـانـه
لو ينتهي مالعيون تلد = ولاكانت الناس سهرانـه
بلاه مـاهـو بمســــتورد=حتى نتكلـف له صيـــانه
حكمي لمن يفهم المقصد = ماهو لأجناس تعبانه
محاورته مع مساعد الرحيلي قال مساعد=
صدفت لي حي لآبس تاج = وقلت من توجـك يـا ذا
قال الذي خالق الأمـواج = وخالق النـاس يـا هـذا
أذكر خير قلت قلبي هـاج = عاشق لشخصك خبر ماذا
أقسم قسم إن صوبي ضاج = قفـوا وإحساسـنـا لآذا
الرد قميـش القريقـري يرحمه الله =
سمعت لي علم فيه إزعـاج = ومن ذا النبأ قلبي إعتـاذا
التاج تحية علـم وأفـواج = وإسعاف للناس وإنقـاذا
والعلم مثل النجوم أبـراج = ما يملكـة كـل شـذاذا
ياللي درست أفهم الإخراج = فرعون ما والـف امعـاذا
وفي محاوره مع حامد الجحدلي يقول قميش =
من شرقها لين حتى تغيـب = ارعـى خيالـه واترجّـاه
عايش على الأسر والتعذيب = والوقت مـا لمِّنـي ويّـاه
الرد من حامد الجحدلي : =
هيا اسمع القـول بالترتيـب = كل جوابه حسـب دعـواه
انته خياله معـك شيثيـب = ودك عن الغيـب وش درّاه
قميـش القريقـري : =
ماتدري ان النصيب يصيب = ويا كم قلب الشقـي ودّاه
لصالـه البعـد والتقريـب = ما بين نجم الجـدي والجـاه
حامـد الجحـدلـي : =
ادري وبحر الغـرام مهيـب = قليل فالنـاس مـن يقـواه
إلا ممارس مـع التجريـب = ليا اختلف يتجـه مرسـاه
قميـش القريقـري : =
تدري يا دكتور فالتطبيـب = ويا تاقن القول فـي معنـاه
متى جريح الغـرام يطيـب = اللي ظروف الزمـن تحـداه
حامـد الجحـدلـي: =
ادري وجرح الغرام مريـب = يدخل على القلب سد اعضاه
سلطة على الشب لين يشيب = ماله دواء عـن عزايـم داه
هذه قصيده له بمناسبة حلول عيد الفطر =
جتني رسايلهم معاني لهـا ذوق = فيها الوفا مرسوم والطيب يبقى
كل(ن) يهني من معزه ومن شوق = أفراحهم في ليل الأعيـاد ترقـى
واجب عليَ الرد لو كنت مسبوق = أبدع لهم من روض الأشعار طرقا
يامرحبا ترحيب والمنزلـه فـوق = ولاجابها الله بين الأحباب فرقـا
واوزع البسمة على كل مخلـوق = عسى لياليهم بالأفـراح شرقـا
الشاعر ( عبيدالله أبو زاهـرة) =
يا جرح وسط الحشا هـوّن = هوِّن على المشتكي يا جُـرح
مرقـام فالجـوف متمكِّـن = وأهل الهوى يعرفون الشـرح
أنا أعرف اللي تسبـب مـن = ما أبوح باسمـه ولا أصـرِّح
أسعى على معالجـه لكِـن = حال الموديـن مـا يسمـح
الرد من الشاعر قميش القريقري =
أهملـت ليـن السُقُـم دوَّن = حتى بنى فالحشا لـه صـرح
واليـوم ثابـي ومتـكـوِّن = كل ما إنتهى الجرح عوّد قرح
لين المـرض صـار متأمِـن = ما عاد ينفع معـاه الصلـح
منهو من أهل الهوى يضمـن = علاج وأنته عطيتـه فسـح
يقول الشاعر صالح الطياري=
حظي تعند معي ياقميش=وحطني في وسط صحرا
البعض يهنا بلذيذ العيش=وديارهم كلهـا خضـرا
رد عليه ابو زكريا =
ياصالح أنت عقيد الجيـش=تمشي مع البدو والحضرا
أنا الحصى أحسبه كورنيش=من سطوة أيامنـا القشـرا
وفي محاوره مع عاشق الاصاله يقول قميش =
يا ذات الأفكــــــار من يخبـــر = ويفيــــد من فهم متقدم
في سؤال مطروح نستفسر = ويرد مـــــردود له نفــــهم
متيم الــــــود وش يبصــــــــر =لا صار ليل الدجى مظلم
ومستيســــــره للعناد مسر = ومن جور الأحداث متعلم
الرد من عاشق الأصالة =
ياكنق منك ا لحكم يصدر =ابشربسعدك ترى ياعم
لاساربدرب الهوى مدبر =لاجاك اصحى تقوله سم
قوله فؤ ادي بعدك ابحر =والماءلنه انكب مايلم
وانسى من هوسقاك المر= تلقى بديله وتنسى الهم
يقول قميش القريقري=
سلام من منهج التصنيف =اللي على بند باب الـود
فالقيل مانبغي التحريـف= اللي عليه الحقيقة تعـد
الرد من حامد عبدالحميد =
ترحيب من لايق التأليف= يفيدكم حسـب مايوجـد
من بعد ماراجع الإرشيف= هذا الهوى بين جزر ومد

ويقول قميش=
الحـظ ياستـاذ لاأقبل =ا لمرء يسعـد ويحظابـه
كل الصعوبات له تسهـل =مايتعب الناس تشقى بـه
الرد من راجح الجحدلي =
حكمك على الحظ مستعجل= يلزمك تسأل عن أسبابه
حظيت في أنسك المأمل= اللي أبى كان يسخى بـه

وفي محاورته مع محمد جمعه يقول =
حضرت ليله فاراضيكم = بخلاف سالف أراضينا
يالشاعر قميش نرجيكم = عطني افادة رجاوينـا
غصنين غنى مغنيكـم =واربع يغنـي مغنينـا
رد عليه قميش =
شلى ياجمعـه معنيكـم =فالمنتدى انـت تنادينـا
الوضع ماهو بمرضيكـم= ولا مـرادك تجاريـنـا
غصنين يمكن ماتكفيكـم = واحنا يابو عديس تكفينا
وعن حد قصرت معانيكم = فالدين معروف ياخينـا
ومهما مشيتوا نماشيكـم = بالطيب نبنـى معانينـا

يقول قابل البشري=
سلام والجـو دوبـه راق=والأنس دوب ابتدى ليله
نبغى المثل يصعد الآفـاق=ونجني معاكم محاصيله
قميش القريقري=
ترحيب مثل الحيا لانساق=وبله نزل وانحدر سيلـه
وانا لشرح المثـل تـوّاق=عجل عليّـه بتفصيلـه
قابل البشري=
اللي يعاني من الأشـواق=ولحن الأسى في مواويله
له حق فالوصل واستحقاق=إن كان يوفون له كيلـه
قميش القريقري=
زادي صبر مر ماينطـاق=من ظلمه القلب ياويلـه
سهران واخايـل البـراق=اللي ماهلـت هماليلـه
قابل البشري=
مانته معي بالقدم والساق=عن دربي أعطيت تحويله
واناانتظر منك ياعمـلاق=الميل تسعـى لتعديلـه
قميش القريقري=
يقوله اللي معـك مابـاق=الحرف يعرف تشاكيلـه
مادام موج البحر صفـاق=داري مساعيك وامشي له
قابل البشري=
لاني مقصر ولاني عـاق=موفيه حقـه وتكميلـه
أساهر النجـم للمشـراق=من حال تخفى دواليلـه
قميش القريقري=
مادام ماسك معك ميثـاق=اصبر وحمل الصبر شيله
حتى توصل على المطراق=وخطّه اللي يـودي لـه
يقول ابوزكريا=
سلام لين المسا يمسي =وسلام لين الصباح يبان
قابل=
يامرحبا مد بالخمسي =ترحيب باقي مع الازمان
ابوزكريا=
عسى البقا والعمل مكسي=بالورد والطيب والريحان
قابل=
وافي وراع الوفا يرسي=والخط مابان له عنوان
ابوزكريا=
قلبي من الماس ملتمسي=والبحر سده بحر طوفان
قابل =
لاترمي القلب فالطمسي=وخلك على الشط ياقبطان
ابوزكريا=
مغروس فينا الوفا غرسي=ونمشي على شوكة الميزان
قابل=
اللي قرا آية الكرسي =ربي يزيده من الايمان
محاورته مع الشاعرفوازالزويهري يقول=
ياليت ياصحابنا توفون=وأشكي عليكم بمكنوني
الخوف ياصحابنا تبكون =ويضيع الحزن مضموني
الرد قميش القريقري=
امشي لهم زي مايمشون=لاتسير في اهموم واغبوني
وإن كان في حبهم مفتون=داري معانيك بالهوني
يقول فواز=
القلب من ريمهم مطعون=وون والناس يوحوني
داريت داريت حتى النون=من نونهم منسكب نوني
الرد قميش القريقري=
اللي بلمح النظر مسجون=ويقاسي اهموم واشجوني
فالريم سم الأسى مدفون=ويخلي الزول مجنوني
بدع ورد مع احد الشعار يقول الشاعر=
ياقميش اشكي عليك الحال = وابغى الافاده فيما يجـري
دمعي على وجنتي همـال = مقهور والنـاس ماتـدري
الاه صارت معـي مـوال = ما غيرها فالحشـا يطـري
اثر الهوى يا عرب قتـال = من طبعه المـد والجـزري
انا الذي ذقت فيه اهـوال = وسيوف وسهام في صدري
صابر وصبري اشوفه طال = صبرت حتى نفد صبـري
الرد من قميش القريقري =
كب الهوى عنك يارجـال = والكسر موعود بالجبـري
ما فالهوى من رؤوس اموال = غير الخسارات والفقـري
والمرء يُسال عن الاعمـال = لاحط فـي لجـة القبـري
اغنم شبابك عساك تنـال = نهارة الجمـع والحشـري
جنة عريضة وراحـة بـال = والحور في جوها المغـري
نصيحتي للعمـوم تقـال = من واسع البال والفكـري
يقول الشاعراحمد الصحفي=
هذا الزمن منهجه بالعكس = كل إعتماده على المظهر
واللي على حق والاّ يحس = ما ينسمع له ولو أجهر
رد الشاعر قميش القريقري=
جاني تلفون ما هو فاكس = والحر عن ما حصل عبّر
الصاقلين الثياب بلوكس = وَ عزي لمن يتبع المنظر
[b]
الـشـاعـر : قـمـيـش القـريـقـري : =
سـلام ردة وفـا واسمـع = بُعد المدى طـال وأتلفنـي
ليّه زمانيـن وأنـا أصنـع = فأزكـى سفينـة و ودّتنـي
زرت الفضا ما قدرت أرجع = للأرض والجـو روّعنـي
وسلك الجهـازات متقطِّـع = من حيث لاجيـت يلذعنـي
يا أبو سليمـان لـي إفـزع = يا صاحب المجد باصرنـي
وإن كان ما تقتـدر تطلـع = عذّل علـى مـن يدورنـي
وأنـا تـرى بَعْدُكـم بقنـع = وأقول مـا حـي يعرفنـي
وصلاة ربّـي لمـن يشفـع = نهارة الخوف والأمنـي .
الـرد مـن الشاعـر محمـد سليـمـان القريـقـري=
ترحيـب للمشتكـي يُرفـع = اللي مـن الجـو راسلنـي
والرد فالحـال لـه يُطبـع = عبـر التلكسـات للفـنّـي
للمبتدِع صُنـع مـا يُبـدِع = وإن صابه الوقت لا يونّـي
والصبر في ذا الأمر ينفـع =أسمع كلامـي وطاوعنـي
ويا قميش أفزَع لكم وأجزع = وإن مسّكم شيء يجزعنـي
الآن في ذا الأمـر أشـرع = وأسعى لكم قدر مـا منّـي
إسعافنـا عنـك مـا يُمنـع = غيجوب الأقطـار متعنّـي
ما ارجع ولو الخطر ولَّـع = لجلـه لزومـي ويلزمنـي
سالم وعبدالغالب=
لي قلب زادت معاناته = وزداد فوق الجراح إجراح
من اللي رماني بنظراته = عينه سهمها طعني وراح
قميش وعطالله =
حسبي على المعتدي ذاته = اللي رماكم بدون سلاح
يمكن جــزاء فالـذي فـاته = سـلمكم القفـل والمفتـاح
عبدالغالب وسالم =
فجـأة إبتـلينـا بصدفــاته = الظــالم الفـــاتن الذبـــاح
كيف الأمل في علاقاته = وأبني معه صرح ما ينزاح
قميش وعطاالله =
إن كان تبـغى ملاقـــاته = ما ساس يبنى بغير كفـاح
أدرس ميوله وطلعاته = ولابد بعد المســاء مصبــاح
سالم وعبدالغالب =
جبت الفضاء في مداراته = وانا لـجس الخبـر لمـاح
لقيـت صعبـه طبيـعـاته = يمـزج لنا الجـد بالأمـزاح
قميش وعطاالله =
يامـن بليتـوا بشــبكاته = ومجـابهة سيـفه المــلاح
هذا كذا الود غاراته =ومنهو فشبك الغرام إرتاح

يقول الشاعر منصور السيد=
المر ذقته من اسبابه = وزاد الحق المر مر المر
عنيد يمشي مع اصحابه = وناء الذي خاطري منضر
عامين واقف على بابه = لجلي انا لجانبه مضطر
كيف اتخلص من انشابه = اللي ليا تم وعده غر
ورد عليه قميش القريقري=
يامن لنا قدم عتابه = وزاده بصوره من المحضر
واهج من الطيف سرابه = ومن صلب الاحداث له صور
ويصبر على المر من جابه = والحر لما وقع يصبر
وفيما بقي يحسب حسابه = ويبعد عنه قد مايقدر

في محاورته مع عبد الرحمن القاضي يقول=
سلام للقاضي الفهام=اللي نبي حله وشوره
لي خل في سباق الايام = والوقت بين لنا دوره
واقف لنا ضد بالاقدام = ودرب الوفا حطم جسوره
خلا الــــعــدا ترفع الاعلام = وخواطر الأنس مكسوره
كل مانجي شرق غرب شام= من سد عمان وقصوره
حكم القضية عليك الزام= يانور زايد على نوره
الرد من الشعر عبدالرحمن القاضي=
يامرحبا سنة السلام= تنصاك والحال مسروره
من قلب صافي من الاوهام= مرشوش بالورد وزهوره
لما اطلعنا على الارقام = اللي فالاوراق مسطوره
لقيت خلك مضى له اعوام = سابق اوانه ودستوره
ابحث عن اللي يجي قدام = واللي انتهى اترك شروره
هذاك سوي عليه اعدام = اشطب على اسمه ولاتزروه
كيف ترجى منه استرحام = وانته عزايمك مخبوره
قاضي لكم صدر الاحكام= فصكوك بالختم ممهوره

يقول الشاعر عواض الفارسي =
يا قمــــــيش لانك عميــد القاف=توصــل في رسم المثل حده
هيا استــــــمع مشتكى الميلاف=اللي كـــــلف من آسى وده
الرد من قمـــيش القريقري=
عــــــواض يا حامي الميقــــاف =قولك وصل واستمع رده
يا عــــــزوتي حيث تامن خاف =لاشد في الحبل لا تشده
اما محاورته مع الشاعر الثقفي يقول =
ياكرمتن في صباها بعد =ما لوح الكرم عنقوده
غرسن غرس في ديار السعد=وطالعه بان في عوده
ياوجد روحي عليها وجد = وجد الذي شاف مفقوده
شافه بعينه لكن اليد = عن لمست الكرم مردوده
الرد من قميش=
اسمع سلام الذي اكد =ومعناه في بالغ حدوده
حسبي على الكرم ضافي الجعد = ريم الفلا ناثر جعوده
غدار مكار خائن عهد =ورضاه موجود فصدوده
احدن من الناس قسمه صد = ماساعده بذل مجهوده
واحدن كسب عنبروت وند =والكرم يأتيه ويروده
الشاعر عبيدالله ابو زاهرة=
اللي شرابه نقيـع المُـرّ=و زاده من العلقم الصافي
كيف الليالي عليـه تمُـرّ=ويطيب من جرحه الخافي؟
رد عليه قميش القريقري=
يطيب لا شاف ناس أكثر=النوم لعيونهـم جافـي
و مصيبته حجمها يصغر=عند الذي نورهم طافـي
وفي محاوره مع البحر الوافر يقول =
سلام يا شاعر الأجيال = ياللي لكم صيت متعلي
إن كان تسمح لنا بسآل = في منهج الخل والخلي
رد أبو زكريا =
ترحيب وافي لكم فالحال = والصيت ذا منك واصلي
لعل ماشي أسى ياخال = أشرح سؤالك لنا قلي
البحر الوافر =
عسى البقا يا سعيد الفال = عداد من حج ويصلي
كيف ايتحطم شموخ آمال = ي ظرف لحظات بالكلي
ابو زكريا =
أنا أعرف إن الهوى قتال = في قلب الإنسان يحتلي
ولولا الحسد كانت الأحوال = في طيب معطيب متعلي
البحر الوافر =
تعرف ونعرف ولاش جدال = للود فرحة وله ذلي
وما للحسد بيننا مجدال = والعين من بعده تهلي
ابو زكريا=
يمكن عطل صار فالإرسال = وأنته رجل تعرف الدلي
وإن تعرف إن ما عنه محوال = إدراه عطه الرضا كلي

رحمك الله ياقميش القريقري واسكنك فسيح جناته 00 فانت فخر لكل حربي
ومهما نجمع من الروائع التى سجلتها لانستطيع حصرها ولانوفيك حقك 00
اخيرا وليس اخرا
اتمنى ان اكون قد وفقت في تقديم جزء بسيط مماتركه قميش القريقري بعده وان تنال
اعجاب واستحسان من يقراها0
ونحن بصدد جمع مانستطيعه من كسرات الفقيد في الفتره المقبله 00
00ولكم فائق تحياتي00




التوقيع :
    رد مع اقتباس
قديم 14-08-09, 05:12 PM   #2
إداري سابق
 
الصورة الرمزية همس القوافي

 











 

همس القوافي غير متواجد حالياً

همس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this point

افتراضي

وهذي الكسره عندما سمع شخص يتآوه عنده

آه المجافا وكــــــثر اللهد = آه الذي ماحفـــظ ودي
آه الذي خانني في العهد = من بعد مابحت له سدي




التوقيع :
    رد مع اقتباس
قديم 26-10-09, 01:15 PM   #3
إداري سابق
 
الصورة الرمزية همس القوافي

 











 

همس القوافي غير متواجد حالياً

همس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this point

افتراضي

هذه المحاورة بين الشاعر قميش القريقري

و الشاعر عطاالله الغانمي ابو دخيل

والمناسبة أن صاحبهم وجليسهم أبو عبدالحميد

شد من ثول إلى جدة ويأتي لثول يوم الخميس

والجمعة وجاء أبو زكريا لمنزل أبو دخيل فلم يجده

والتقيا في ليلة الخميس ومعهم صديقهم

وبدأ هذا اللحن

أبو زكريا يقول =
يا أهل الوفا يا حبايبنا = أكسيتو الدار بالأنوار
البارحه يوم جهّزنا = جينا لكم فالبلد زوار
الرد من عطالله الغانمي =
لو نعلم الغيب ما غبنا = ولا أغير الدار عنك بدار
من غيبة اللي نحا شبنا = واليوم فرحت به الأنظار
قميش =
الليل والبارحه معنا = على السفاري مع الدوار
أخاف بكره يفارقنا = وإنّا نهل الدموع إغزار
أبو دخيل =
يومين ما أظن تقنعنا = من اللّي سكن فالفؤاد وجار
اللي معانا مطاوعنا = ووايق على خافي الأسرار
أبو زكريا =
ضاعت هقاوي مطامعنا = وأضحت سّدى في ورق طيّار
رحل عن الدار واتعبنا = اللي تخيّر وعنا اختار

منقوووووووووووووول




التوقيع :
    رد مع اقتباس
قديم 26-10-09, 01:22 PM   #4
إداري سابق
 
الصورة الرمزية همس القوافي

 











 

همس القوافي غير متواجد حالياً

همس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this point

افتراضي

ابو زكريا =
يا عين هلّي دموعك لين = تلقين منهو يكفكفها
يمكن ليال الزمان تزين = ونلقى حبايب نوالفها
عماد الشريف =
هيّض عليّ الكلام الزين = أبيات شاعر مألِّفها
واللي صبر يكسب الثنتين = وتـهب له من مصايفها




التوقيع :
    رد مع اقتباس
قديم 26-10-09, 01:25 PM   #5
إداري سابق
 
الصورة الرمزية همس القوافي

 











 

همس القوافي غير متواجد حالياً

همس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this pointهمس القوافي is an unknown quantity at this point

افتراضي

دره فاضت بها قريحة الشاعر قميش رحمه الله قبل وفاته

قصيده بمناسبة زفاف ابنته على الشاب مجدي القريقري

انتي منال العز صعبن منالـــك = منالك الا راعي الحـــظ الأوفـــر
يادرة ٍ للمجد مجدي سعا لــــــك = وأعطاه رب العرش من غالي الدر
مجدي ولد حامد رجل من رجالك = من ربعتن ميقافها دايـم يـــســـــر
مبروك حفل زفافكم واحتفــــالك = ألأنس طاب وكامل الحفل نـــــــًور
أصيلةٍمن أصل جدودك وخــالك = من ماكر صقورٍعلى الطيب تذكر
يستاهلك حيٍ بجهده ســــعالك = هذا كلام الصدق ماهـــــو مزور
يا حاضرين الحفل شكرا لذلك = شكراً عد ما هلً . من مزن وامـطر
يا ليلةٍ فيها الزهاء اكتمالك = بحضور أهل الحي زاد وتتـــــطور




التوقيع :
    رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 06:18 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب