عدد الضغطات : 456
الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعر (مشعل النويمي) ......الريح لو إنها تشتد= تحطم اعتى وأكبر حيط =لكن مهما مداها مد =ماتقدر تفك عقدة خيط ............الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ ملتقيات الـمـوروث الـشـعـبـي ۩۩๑ > مـلـتـقـى الالــغــاز الـشـعــبــيــة > ملتقى دواوين شعراء الالغاز

ملتقى دواوين شعراء الالغاز [دواوين الالغاز العام]

إضافة رد
 
أدوات الموضوع انواع عرض الموضوع
قديم 07-04-12, 06:14 PM   #21
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

ابنشد اللي كل لغزٍ يحله = وشن ثلاثٍ ثبتوهن بالأقوال
اللي عليهن واردات الادلة = شهدلهن بالدرب رجلي وخيال
خاون لرجّالٍ بعيدٍ محله = دونه تصدن للمخاطر ولاهوال
حسب خيالي كنهن الاهلة = الحق حق وكلمة الحق تنقال




الحل : ثلاث النصايح : محلول من قبل ابو هليل بيض الله وجهه

قصة النصايح حسب ماسمعت

يقال في قديم الزمان فيه رجل تزوج فتاة جميلة من قومه وهو في مقتبل العمر وكان هذا الرجل فقير فأجبره الفقر على ترك زوجته الشابة , وسافر لدورت العيشة والبحث عن الرزق في بلاد بعيدة عن ارضه ووطنه , فمكث 25 سنة للبحث عن مال يكفيه ويكفي اهله , وتقطعت اخباره ويحسبون انه مات
بعد هذه المدة جمع مبلغ من المال لاباس فيه وقرر الذهاب إلى أهله فبحث عن قافلة في تلك البلد حتى يسافر معها إلى أهله , فوجد رجل يحرج على نصايح ياشاري النصايح ياشاري النصايح , فشترى النصايح وعددها اربع نصايح في مكدة عشرين سنة ولم يتبقى معه من المال إلا مكدة خمس سنوات ,


النصايح

لاوفقك الخير وافقه \ النفس ومشتهت \ لاتبات بالوادي \ اليا هميت في أمر بالليل خله الى الصباح \

فسافرت القافلة وسافر معها وعند مأنتصف الطريق بعد عدة ايام نزلت القافلة في وادي كبير للمبيت بالليل , فحذرهم من النزول في الوادي ولكن لم يطيعه أحد , فكل القافلة نامت بالوادي إلا هو طلع عن الوادي في مكان مرتفع , فعند ماجاء ثلث الليل الخير ضربهم الوادي من الجال إلى الجال وأغرقهم السيل ولم ينجي منهم أحد , ويوم اصبح الصباح جمع الذي وجد من المال وكانت القافلة تحمل من صناديق الذهب الكثير فكانت من نصيبه , وحمل هذه الغنيمة على الأبل التي لم تغرق وسافر وجد بالسير في الصحراء فوجد دحل ولا في الطريق ماء غيره فوجد عند الدحل عبد جارد سيفه وعنده بنتين وحدة بيضاء ووحدة سوداء فقاله العبد ازين البنت البضاء والا البنت السوداء فكر الرجل وتذكر النصيحة النفس ومشتهت , فقال سلمت لو قلت أي وحدة منهن هي الزينة لقطعت راسك مثل غيرك , فعند ذلك سلم من القتل في هذه النصيحة , أما النصيحة الثالثة عند ماوصل إلى بيته وكان وصوله في أول الليل لم تعرفة زوجته ولم يخبرها بشي فقامت في اكرامه كاضيف , وعند ما أراد النوم دخل على زوجته رجل ونام معها فهم في قتله وعند ماأراد تنفيذ القتل تذكر النصيحة إذا هميت في أمر بالليل اجله إلى الصباح , فمتنع
وقال الصباح رباح , وعند مالذن الفجر قام هذا الولد وشب النار وجهز القهوة وقال قم يضيفنا صل وتقهوى , صلوا وقلطوا على قهوتهم قال انت راعي البيت قال نعم قال راعيت البيت وشي منك قال هذي أمي قال وبوك وينه قال ابوي الله يغفرله مات وأناء في بطن أمي قال ناد امك ابنشدها عن حاجة , وكان فيه علامة تعرفها يوم جت قال تعرفين هذه العلامة قالت نعم انت فلان وهذا الرجل الذي تشوفه ولدك ,
قال تصدقين اني أردت اقتلة البارح لولا هذه النصيحة ,

والسلام





نافع الحربي




التوقيع :
    رد مع اقتباس
قديم 07-04-12, 06:17 PM   #22
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي



ياويش ورعٍ ما استراح بحياته = قضاّ حياته ماله أمٍ ولا أ ب
يوم اكتمل سنه وبانت صفاته = اصبح فتاة وحالته مالها طب
يشرب حسب مالذّله وشهواته = ويرقد على غض الملامس اليا حب




الحل : القراد : محلول من ابو هليل بيض الله وجهه

نافع الحربي




التوقيع :
    رد مع اقتباس
قديم 28-04-12, 09:42 PM   #23
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي



انشدك عن اخوين بالعمر كله = باقين من عهد الأوايل ولاجداد
عيال عودٍ مايفارق محله = خيرة اعياله من رجاجيل الامجاد
ياللي تمر العود للعود قله = كم قيل فيهم بالمعاني ولانشاد
بيتٍ بشعر ابن ربيعة يحله = يرثي به اربد يوم سافر ولا عاد


الحل : جبال أبني شمام في عرض القويعية
محلول من قبل \ شاهر المشعل \ بيض الله وجهه



نافع الحربي




التوقيع :
    رد مع اقتباس
قديم 28-04-12, 09:46 PM   #24
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي

انشدك عن عدٍ غزيرٍ مجمه = صافي شرابه من عذي الروى جم
نثر عليه المبتلى كل دمه = حقايقٍ بالعلم تكتب من الدم
على صفات العد سجل مهمة = يوصيبها وردٍ على العد تلتم
ياهيه ياللي تعرف العد سمه = اسمه بست حروف لاقيل يفهم

الحل : عد ( هدانية ) وقصة الشاعرة غريسة :
محلول من قبل \ الأحمدية بيض الله وجهها



نافع الحربي




التوقيع :
    رد مع اقتباس
قديم 28-04-12, 09:50 PM   #25
شـــــاعر

 










 

نافع الحربي غير متواجد حالياً

نافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond reputeنافع الحربي has a reputation beyond repute

افتراضي




انشدك عن بنتين مرّت بهن بنت = وراحت وخلتهن وهن باقياتي
من يوم مرتهن هاك البنت لاهنت = صارن على طول الزمن مكرماتي
كم مرتن فيهن وقفت وتباينت = وشوفهن بالضل متقابلاتي



الحل : الصفا والمروة : محلول من قبل \ أبو ناجي بيض الله وجهه



نافع الحربي




التوقيع :
    رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 07:44 PM


Powered by vBulletin® Copyright ©2000 - 2021, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب