عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > مــلــتــقــى الــقــوافــي > مــلتــقــى دواوين شــعــراء الــقــوافــي

مــلتــقــى دواوين شــعــراء الــقــوافــي [ جميع الشعراء ]

إضافة رد
 
أدوات الموضوع إبحث في الموضوع انواع عرض الموضوع
قديم 11-02-18, 11:46 AM   #11
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

سلام ياسبع السنين العجافي
سلام وانا ماصدقت بسلامي

اول سنه الجو بالحيل صافي
مع الحبيبه عشت جو الغرامي

وثاني سنه الوقت فيه اختلافي
بين الرجاء واليسأس والانسجامي

وثالث سنه العقل فيه اختفافي
احيان ماعرف من يسولف امامي

ورابع سنه ابديت كل الخوافي
والعين ماذاقت لذيذ المنامي

وخامس سنه مشيت درب انعطافي
ضاع الامل وضاع منهج نظامي

وسادس سنه عفت المحبه عيافي
القلب عن طرد الغنادير صامي

وسابع سنه صبري على البعد كافي
دام الهوى مافيه غير الآلامي

نجم حرب نايف عبدالله السليمي




التوقيع :
    رد مع اقتباس
قديم 15-02-18, 12:06 PM   #12
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

يمكن / بقلم نجم حرب
قابـلـت بـعـض الـنـاس والـجـو بـــارد
قـلـت الـســلام وجـانــي الـــرد بـــارد
يـمـكـن عـــدم الـمـعـرفـه شــــي وارد
مااهتـم بــي كثـيـر وواصــل مسـيـره

قرَّبـت منهـا اشــوي والـسـوق زحـمـه
قلـت اسمعـي يابـنـت لــو ربــع كلـمـه
خلـي عـنـدك للعـاشـق اشــوي رحـمـه
مـن يـوم شفتـك والدعـاوي خطـيـره

قالـت سمعـتـك زيــن يـابـن الحـلالـي
لـكــن انـــا ابـسـألـك مــالــك ومــالــي
ضايقتـنـي بالـسـوق فــي كــل حـالـي
ابعـد عـنـي اشــوف امــورك عسـيـره

قـلـت الـهـدف يابـنـت مـنـي سلـيـمـي
ابـــيـــك بــالــحــلال والله عـلــيــمــي
مـعـك شـاعــرك المـحـتـرم السلـيـمـي
شـافـك مزيـونـه وامتلكـتـي ضمـيـره

قالت اسمع دام انـت عاشـق وشاعـر
وسيطر عليك الحب وصدق المشاعر
وعـرفـت اعلـومـك كلـهـا والـمـصـادر
خــذ الـكـلام الـصـدق مـافـيـه غـيــره

هـــذا عـنــوان ابـــوي كـانــك تبـيـنـي
ابــيــك عــنــده يالـسـنـافـي تـجـيـنـي
هـــذا كـلامــي بـــس بـيـنـك وبـيـنــي
والــلــي خـلـقـنـا عــالـــمٍ بـالـسـريــره

قـلـت اسلـمـي هــذا الــذي كــان ودي
ودي
اضـمــك واحـــط يـــدك بـيــدي
علـى السـنـه كــل الصعـايـب اتـعـدي
والــمــعــذره يـاالـغـالـيــه يــامــديــره

*نجم حرب*
نايف عبدالله السليمي




التوقيع :
    رد مع اقتباس
قديم 13-03-18, 10:27 PM   #13
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

عندي سوآلٍ مطروح
ابي جوابه بوضوح وكلٍ مجاله مفتوح
واللي يتعذر مسموح

اول نقطة للشباب
وثاني نقطة للشياب
نصيحة ماهي عتاب لاني صريح ونصوح

الشاب خالد ورفاقه
جنز وتقييف ولياقه
والراتب نصه حلاقه طبعه غثيث ومشفوح

لوشفته جالس لحاله
سوالفه مع جواله بالسوق وحول البقاله رسايلٍ تجي وتروح

بس يلاحق بنت الناس
ماعنده ذمه واحساس
بغرامه دايم محتاس وينك ياحبيب الروح

اما الشيبان ياساتر
فيهم مدير وتاجر
شيكات وختم ودفاتر
وكله اهموم واجروح

لامر وشاف البنات
قال ياالله الثبات
ينظر من تحت العباة
ارحم ياذاك المملوح

لاشافهن روَّح وطي
وعلومه راحة اخرطي
يمشي وراهن بالبطي
آهات وونات ونوح

لوكان فيهم مطوَّع
لاتخاف ولاتروَّع
تراه من الحب ملوَّع
ضاع الناصح والمنصوح

لوشفته لابس عباته
الله اعلم بنياَّته احيان يضيِّع صلاته
كلٍ صميله منضوح

هذا زمان العجايب
شفنابه كل المصايب وحب البنات السبايب
لحظه من فضلك لاتروح

اوتيوب واسنابات ونت
حسب رغباتك والوقت
وين راحة البنت وجت
عونك يالقلب المجروح

اسأل خلف والا حجاب
والا الفنانه رباب
يامى اشتكوا من عذاب
راع المحبه مفضوح

وش رايكم في سوآلي
حقيقةً او خيالي
مابي كثير الجدالي
وهذا السوآل المطروح

نجم حرب نايف عبدالله السليمي




التوقيع :
    رد مع اقتباس
قديم 21-03-18, 11:47 AM   #14
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

ماني خبير اعراب لوكنت بارع
الحكم له راعيه وللشرع قاضي

اعربت انا الايام فعل مضارع
ومافات منها ياصبح الوجه ماضي

ايامنا مابين نازل وطالع
والكل منا في حكم الاقدار راضي

دستورنا القرآن والدين شارع
واكثر كلام الناس ياناس فاضي

الجاهل اللي للحقيقه يصارع
خلك مع الايام ناشط رياضي

اطرق ابواب الخير وبالخير سارع
وماكل اخيالٍ وسطه البرق ناضي

الفرق بين التي وبين التقاطع
ماكنه الا السود والا البياضي

مع التحيات نجم حرب نايف عبدالله السليمي




التوقيع :
    رد مع اقتباس
قديم 07-04-18, 06:50 PM   #15
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

اهداء الى الشاعر/ سعيد بن دعيج السبيعي

كان الوفاء والطيب له ناس تشريه
انا شريته من قوي العزايم

ماهو غريب الطيب من راس راعيه
تلقاه في كل المواجيب قايم

وانت الذي ياسعيد بالمدح نعنيه
خذيت يابن دعيج كل القسايم

قسايم المعروف والطيب حاويه
تاصل وتفعل والمواقف عظايم

والحر مثلك بيناتٍ مواريه
تلقاه من فوق الشواهيق حايم

والذيب ذيب ينومسك بس طاريه
ماهو رفيقٍ للفشل والهزايم

لبيه يابن دعيج مليون لبيه
يحفظك رب الكون ياخوي دايم

نجم حرب / نايف عبدالله السليمي




التوقيع :
    رد مع اقتباس
قديم 14-04-18, 09:26 PM   #16
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

ابياتٌ بالفصحى بمحافظ عقلة الصقور /
الفوزان

فيا أيها المُحافظُ المحترمُ
فنحن بوجودك سُعداءُ

وعقلةُ الصقورٍ بكل خيرٍ
مادمتَ بخيرٍ وهناءُ

سعيتَ جاهداً لتطويرها
فهاهي بتطويرٍ ونماءُ

فان قالوا الديرةُ من اهلها
فبوجهك الخيرُ والعطاءُ

وان كان للثناء من كلمةٍ
فلك بعد اللهِ الثناءُ

نحن سعوديون الكل يعرفنا
حاضرنا وريث القدماءُ

طيبٌ وكرمٌ وشهامةً
وكل اهل الجزيرة شهماءُ

نجم حرب / نايف عبد الله السليمي




التوقيع :
    رد مع اقتباس
قديم 11-05-18, 12:06 PM   #17
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

قالت تحب وقلت اي والله احب
وحبي على وضح النقاء يالهنوفي

تعالي اعطيك التجارب عن الحب
واكتب على صدرك معاني حروفي

تعالي اعطيك القصايد من القلب
وتخيري ثم اقطفي من قطوفي

خلي رياح الحب من حبنا تهب
ومركب غرامك في بحرنا يطوفي

ياعزتي للقلب منك تعذب
والنفس عن حلو المشارب عزوفي

انام نوم الذيب بس اتقلب
ياقلبي اللي لافه الحب لوفي

خلي خفوقك من خفوقي يتقرب
ومن بعدها يازين لمس الكفوفي

وهذي علومي يوم قلتي لي تحب
وماني على غيرك كثير الحسوفي

نجم حرب /
نايف عبدالله السليمي




التوقيع :
    رد مع اقتباس
قديم 25-05-18, 10:42 PM   #18
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

الى الشيخ / حمدان الدويرج

اسمك حمدان والسجايا حميده
ياقل من يمشي على الطيب ممشاك

الشعر يطرب والمعاني جديده
انت الشعر والقاف بالحيل يزهاك

انت النخاوي والهقاوي بعيده
لاجاك راع اللازمه ماتعداك

وقفتك بالمعروف تبقى اكيده
ياعزوة اللي من عناء الوقت ينخاك

الطيب ساسك والفعايل شهيده
الدين بقلبك والمراجل بيمناك

جيتك وانا كلي ظروفٍ عنيده
بعد الولي مايحلها غير شرواك

والرازق اللي كلنا من عبيده
هو الذي بالخير منحك واعطاك

على النقى تبقى المواقف فربده
ياعزوتي ياعل تبطي مناياك

اسمح لنا نقول كلمه وحيده
انت الامل والحال ماظن يخفاك

وسلام ياراع الفعول المجيده
ماعاش يابو ساجر منهو تناساك

اكتب ياقلم واعلني ياجريده
غزاي اللي من حده الضيق ينصاك

تشرفي يامذهلات القصيدة
ذكر النشامى من دواعي مزاياك

وهذي علومي ياسليم العقيده
اوجزتها من خاطري لاعدمناك

نجم حرب /
نايف بن عبدالله السليمي




التوقيع :
    رد مع اقتباس
قديم 07-06-18, 12:12 AM   #19
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

يابنت حبك داخل القلب معهود
وتجددت بين الضماير عهوده

والحب له معنى وملفات وبنود
وانتي معنى حبي وجملة بنوده

يكفيني احساسك على نسمة النود
وريح المطر عقب سحايب رعوده

ويكفيني احساسك على نغمة العود
انتي قصيدي وانتي الحان عوده

ونور القمر لونزهمه قال موجود
بين النحر والخد كثف وجوده

الله عطاك الزين والملح والزود
زود الحلا والزين زادك بزوده

كنه على شانك من الشام محدود
يوم استحلك صار يرسم حدوده

لايابعد كل المزايين والسود
جعل العذارى فدوتك يالعنوده

لاصار حبل الحب والود ممدود
والكل منا وافين في وعوده

اكيد يحصل بيننا كل مقصود
وصيف المحبه تقتفيه البروده

يا الله عساني فيك بالحظ مسعود
انتي آمال الحظ وانتي سعوده

نجم حرب /
نايف عبدالله السليمي




التوقيع :
    رد مع اقتباس
قديم 10-07-18, 10:57 PM   #20
شـــــاعر

 











 

نجم حـرب غير متواجد حالياً

نجم حـرب is on a distinguished road

افتراضي

ماكل في دنيا العناء شي مضمون
الكل في دنياه حظك نصيبك

ومهبول منهو يامن الحظ لايخون
واللي كتب باللوح لازم يصيبك

ويالآدمي يمكن خساراتك تهون
الا لامن خسرت فزعت قريبك

الناس بالانساب للقرب يشرون
ولاقام حظك جمَّلك مع نسيبك

نجم حرب /
نايف عبدالله السليمي




التوقيع :
    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 02:35 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب