عدد الضغطات : 0
الشاعر عبدالله بن زويبن المعمري الحربي.رحمه الله...سمعت لي كلمة مدري وش اقصاها=حزت بنفسي وأنا مانيب هارجها.....لوكل كلمة إلى جتنا طردناها=بعنا الثمينة بسعر مايخارجها......لو مرت السمع ماكنا سمعناها=ونقفل الراس عنها لا يبرمجها......ومن يم هذا لهذا مانقلناها=والناس واجد وتلقى من يروجها.....من جابها بين خلق الله وداها=لو به مراجل ترى نفسه يسمجها..........الشاعر// محمد بن شبيب الحداري رحمه الله ...........لا والله الا راح دور البداوه=ودور الركاب اللي عليها الشنوفي........ ومجالسٍ فيها لهلها طراوه=عنها الشوايب والهزيل محذوفــــي...... وراح الزمان اللي لعيشه حلاوه=واللي على الغارب رجع للردوفي.......... قالوا تسير قلت مامن فضاوه=قالوا علامك قلت عيت ظروفي........ اللي مضى بالنفس عنف وقساوه=واليوم أخلي كل عوجا تطوفي...... وأضحك مع اللي لي يكن العداوه=وأن صفقوا صفقت له بالكفوفي....... نخاف من دقة خطات اللعاوه=رادي نصيب وناقرٍ له علوفي........ يزعل على اللي يسوق الأخاوه=وذلوا معطرة النمش والسيوفي........ والمرتفع قالوا مثل ذاك ساوه=وشربت غثاريب الغريف العيوفي........ عين الغضب تفتح عليك السماوه=وعين الرضا لوبك خطا ما تشوفي....... هداج مات وجات غيره أجباوه=والروس قامت تدرق بالكتوفي............الشاعر/سالم بن مهاوش الحربي .....اللي ماتنفع به صنيعه و لا لين=ان راح قله روحت مقيط ورشاه......والله لو انه مين و لا ولد مين=من لايعدّك ذيب عدِّه ولد شاه.........الشاعر/ شموخ السلاطين........الوقت يكشف لك الناس وشهي من تكون....اما من رجالها ولا من رخومها.....اللي معادنهم ذهب فالوازم يصملون ......مايلوي ذراع الشدايد غير زحولها ................الشاعر / عبدالرحمن سليم الصاعدي(البيرق)..... في ملتقـى حرب الحرايب بدينـا /حرب الدول ربعي وهم تاج راسي .......قوم جمعـت مابيـن دنيـا ودينـا /الله عطاهم لين جانب وباسـي .......جند السـلام وضربهم باليدينا /عند الملاقى للمعادين قاسـي .......مكرمين الضيـف سمن وسمينـا /وسبع الخلا عشوه يوم العماسي..............الشاعر / خالد بن ماطر الحربي ....كل ماصادم الراس القوي زدت قوّه=والردي لو يزيد الهرج مازاد غلّي .....والجبل كل مالديت وانا علوّه=مايباريني براس الجبل غير ظلّي .....ليه اعادي قليل الخاتمه والمروّه=لاتجملت فيه وصد خله يولّي .....ودك ان الرجل يختار حتى عدوه=قبل يختار خلان النشب والتسلي ' ...........الشاعر/سند مسند العريمه الحربي........ لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح...........الشاعر / بخيتان البشري .......ماضاق خاطر من نودّه ونغليه = لو البحر من ضيقته ضاق به ماه ..... مودّنا غالي و ودّه نخليه = غالي ولو كل العمر مالقيناه .......والي تولى للمشاعر موليه = قلب المودّ اللي وداده تولاه .........طيبّ خواطرنا بكامل تحليه = بصدق الشعور اللي عليها صدقناه ........اللي بصوته همنا دوم يجّليه = وبصوتنا قلبه من الهم نجلاه.........الشاعر /سعد المحمدي .........دريت باللي دار خلف الكواليس=وحطيت نفسي كن ماني بداري=بعض الامور اقيسها بالزمن قيس =وبعض الامور اصير فيها انتحاري=ان جيت يطفي نور كل الفوانيس=وان غبت غني ياطيور الكناري............الشاعر/عيسى العوفي..........وجهة نظر ماقول انا قولي مصيّب=ابديت رائيي مثل للرائي من قال.....ان جيتني بالطيب آعاملك بالطيب=ردالجميل وشيمة ارجال للرجال.....وان جيت في علم الردى ماقربه عيب=تكرم بها مالي مع العيب مدخال.......طبعي وربعي محتمين المواجيب=حربي بدربي متبع النذل لاعال.......العز لو تشويك حر اللواهيب=موتي ولاقوتي ورى ايدين الانذال......العمربامرالله وماقدّره غيب=والراس تصعب رفعة الراس لامال......وسيرة ارجال الطيب منها المكاسيب=نوريدل اللي جهل يقدي الضال......اخذت من غيري ادروس وتجاريب=اسئل وآخذت العلم من رؤس عقّال................الشاعر ( سعد المحمدي )............يابو فهد برق المزون النوازي=حجاز وانت بعالية نجد وبال=بينك وبينه بعد دار وغرازي=سيله بحر ياراعي المعدن العال=ماله مصب بداركم ورتكازي =العلم مايجهلك في كل الاحوال=يكفيك عن مية قليب ارتوازي=نهر الفرات اللي من الجال للجال=ابن المباني فوق ساسن عزازي=وقت الشتاء تذري وبالقيض مقيال=يامحزمي لاصبح الدار غازي=دنياك تبغى للعقد رجل حلال=واللي بها بالحالتين انتهازي=لابد مايلقى بها شمس وظلال=عن الحجاز اسمع كلام الحجازي=كلام حطه يارفيقي على البال=من التجارب دوبلماسي جوازي=عليه ختم المعرفه تقل تمثال=ياعل ماقلته على ارضاك حازي=في وقت ماينصح معك كل من قال.........الشاعر(زيد بن مبشر الحصني الحربي) رحمه الله ............أقول وأقابل ولاني بسايل=دام الكلام عن الحقايق مباحي=عندي على صحت كلامي دلايل=اموحهن من جم عدٍ قراحي=شفت وسمعت وقلت والرأس طايل=باللي على الساحه ولا هو سياحي=الله يجمل حال راع ألأصايل=حازن على الجوده بكل النواحي=والله ماجامل براعي الاوايل=لو ضاق من قولي زميلي مناحي=وشاعر قبيلة حرب عند القبايل=لافي حمود وبس حسب إقتراحي=ومن قال أنا بقول ويش انت قايل=أنا افتخر بجود ذخيرة سلاحي=ماشلت هم ملقحت كل حايل=اللي على ماقيل خف وجناحي ................الشاعر (مقبول حامد المحمدي).........بحثـــــت في قول البخاري ومسعود=والترمذي وكتـــــاب مسلم وماجه=وحتى النسائــي ما ذكر طب موكود=للصرقعه والعلعله واللجاجه=يا صاحبي ياراعي البيض والسود=ترى الكلام الشين عيــــــــب وسماجه=انا أعرف المقصــود والغير مقصود=ولا أحـــب هرج الثرثره والهماجه=الرجل ماهــــــــو للتفاهـــات محدود=ولا كل كـــلمه تستحــــــق المواجه=من سبب الفتنه ماهــــــــو كاسباً فود=ماحصّل الا لكمــــــــــتن في حجاجـــــه=جاه الخبـــــر مكتـــوب في رأس عبرود=عن حاجته كانـــــه بعمــــــــق الزجاجه=صحيح قالو يقـــــــرد النـــــاس مقرود=ويخسر غـــشــيـماً مايميـــــز خراجه=بعض العرب مـن راســــه العقل مفقود=ينفخ ذروبــــه ويتلقــــا العجـــاجــــــه=لو تنصحــــه عن سكـــــة الغي مايعود=ويترك قراح الماء ويشرب هماجه=يالله ياللـــــــي عنــــــدك الخير موعود=تجعل لنا مـــــــــن كل هــــــم انفراجه=نغضي ونصفـــــــح لكن القلب ملهود=جرح الخطـــــــــا عجزت اواري خلاجه=ماني على كل الخطا سيـــــــف مجرود=ولا كل عـــــود اعـــــوج يعــدل عواجه=والشعر له مــنـــهـــــج وله سلم وبنود=ماهو كما ســــــــوق يلجلـــــج حراجه=شعري مع أهل العرف مسموع مشهود=ولاني على كيــــــــف الغشيم ومزاجه=امشي عزاز الدرب وأســـــــنـّـــد اسنود=وأدرى قدم رجلــــــــي عــن الانزلاجه=ارفا كلامــــي لايجـــــي فيــــه منقود=ولاهمني قول الحســـــــــــود ورواجه=اللي مقيمني وشاهــــــــد لي العــــود=شيخاً بصرح المجــــــد يضوي سراجه روائع شعريه

الشاعر/ بخيتان البشري ......ودعتنا والموادع صعب = رمى بنا فالفراق المُر..... لعب الحزن فالمشاعر لعب = ما مر مثله ولا بيمُر.......الشاعر/احمد المحمدي...... ‏‏‏‏للي سألني يجي ويروح /من انت يبغى خبر والم /حربي انا من بني مسروح/ وعيال عمي بني سالم........الشاعر / بخيتان البشري .....قلبي طلع من قلوب أصُم = اللي لهم قلب من قلبك..........كل ما النصائح عليه تعم = حول الهوى زاد في قربك ...............﮼الشاعر/قابل﮼البشري﮼(الجمل)......مايزعّل الحق لا قلته /إلا من قلوبهم مرضى.....ومن كلمة الحق زعلته / عساه يزعل ولا يرضى...........الشاعر ( راشد الزهراني ) المحيط ........سقيت روضك من دموعي = وطول الدهر مستعد اسقيه...... ولايلومني حي في ربوعي = لو كان دمعي نهر مجريه ..............الشاعر / نفاع محمد السهلي ابوفرح ..........تدري متى يلفض الرجال ....في دنيته اخر انفاسه /لاحده الوقت للانذال ....دمعت قهر نكست راسه.......................الشاعر / حفيد_الحجيري.......الشوق مهما قِدَم ما يبيد=مثل السماء والهواء والطير......كل عام وأنتي هلال العيد=الله يعُـوُدِك عليّ بِخَيْر...............الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .............الشاعر العذب /عبدالعزيز الزويهري ابو بتال .......وا صدمتي صدمة منكد =أعيد مسترجع اللي فات.........و أزيد أسأل أبتاكد= صحيح ماهر صديقي مات؟...............الشاعر/ حمدان دراج القايدي .... حلفت اني اصون العهد=اللي من سنين اعطيتك....رغم العنا والجفا والصد=ماقد فيه يوم جاريتك.................الشاعر / نفاع السهلي ابوفـــرح ........عندي أمل فيك يا.. بكـره = تمحي بقايا جروح .. الأمس ....وقلوب حبت ولا تكــره = تشرق لها من جديد الشمس.............الشاعر/أبن رهدون.......أيامنا اليوم لو تحسب =دنياك يالادمي ساعه.....والمؤمن اللي لها يكسب =يعيش باقي العمر طاعه........الشاعر/عبدالعزيز الزويهري ابو بتال...........غلاك عندي غلاة العين=ياللي من الشوق ناديتك =معاك وحده من الثنتين= ان كان ما جيتني جيتك...............الشاعر/ سلمان القريقري ابوعمر ( حرب )........حتى النجاحات تتحقق=من دونها شروط للتحقيق...قال المثل يد ماتصفّق =تبغى لها يد للتصفيق.......الشاعر / سالم البشري ......مابين قسمه وجمع وطرح=لاهناك قلبي ولاهنيّه........كيف اهتني من هذاك الفرح=وارتاح من كل مابيّه.........الشاعر/خليفة المزروعي...........إهيا كذا كنها سرقه/=/لدة نظر يوم طالع في.....لوكان من بندقه طلقه/=/اهون عليه تراهاشوي...........الشاعر/ عبدالعزيز الزويهري...........البُعد خلّف جفا و صدود= وعشنا في زمانه بدوّامه ..........مدري زمان الصفا بيعود = و الا ّ قضى و أقفت أيامه ؟...........الشاعر / شاكر القايدي ......يامن ينقذ جريح القلب ....اللي هموم الزمن جاته ..... كل مابغا يتجه مع درب... يلقى قطار السعد فاته.................الشاعر /صقر المقرح ..........يامن تخوض الهوى بعزوف= خليتني فاصعب الأوقات ....لا تكبّني والجروح نزوف= وتندم على الوقت لنّه فات.............الشاعر / عبدالعزيز رويشد ...... اعلم ترى خيرة الاصحاب=مثل الذهب نادر ومافي...من كل خمسين ضن تراب=اجرام واحد ذهب صافي.....الشاعر/عبدالعزيز الزويهري (ابو بتال).....من لا هوى زي محبويي==عايش غرامه على الفاضي ==انا على احساس مكتوبي==حسيت ربي علي راضي.....الشاعر / حمدان دراج القايدي.....عواطف القلب لك وحدك.... ياللي ملكت الحلى والزين.....مافي احد في البشر مثلك.....طيفك سكن داخلي بالعين........الشاعر /غافل الهم قلبي ....... مريت بيتك نهار العيد...لكن قفلت بيبانك....عارفك زعلان بالتأكيد...حرام ماتشوف جيرانك..........الشاعر / عاشق الاصاله .........لاغابت الشمس بانمسي=من دون مدعوج الأعياني......مع القمر يكتمل انسي=في تالي الليل لاجاني..........الشاعر / حرب - سلمان القريقري ....... واعيني اللي من اسبابه=زايد سهرها عن المألوف ..واخاف لن طول غيابه=تفقد نظرها معاد تشوف.......الشاعر / خليفة المزروعي ...........عزي وتاجي قبيلة حرب=يوم الهول مزبن الخايف ... يشهد لها شرقها والغرب=ويشهد لها المطلع النايف.........الشاعر / ابوفرح السهلي .....لك حق والناس بالمقياس = مثلك لها حقوق موثوقة ...ومن لايوفي حقوق الناس = لايطالب الناس بحقوقة...........الشاعر / عبدالعزيز الزويهري ابو بتال ....هواك أعمى عيون الشك=لولاه يمديني احرقتك /لكن بإيمان ودي لك=كذبت نفسي و صدقتك......... ..............تلميذ الكسرة / ..............ما تعلم ان الجمال يلمّ **** وحظي الردي قادني يمّه........ آنا اتجــرع مرار وسمّ **** وكنّـــه يكـــايد ولا همّـه..........الشاعر / ابومبارك اليوبي.......خـذ المـثـل ياعـريـب الـجـد=اصل الشجاعه صبر ساعه=لايـغـرك الـزيـن يــوم يـلــد=اصبر وخلـك علـى الطاعـه................الشاعر / بيان الصمت ....سلام من قلب تلعب به=زود الهواجيس وأحواله=والوقت ما فادني طبه=من ظلمة الدرب وأهواله........الشاعر /وليف الشوق.....كل مانصحناك تتركني = وتشوفني من الد اعداك...واليوم لاعاد تنشدني = فيماحصل من مآسي جاك..........الشاعر / سرورالبشري ......طا وعت قلبي وما شيته= حتى رماني فدرب التيّه...ولا تنفع المبتلي ليته= لو جاء يعود معاد مديه............الشاعر (خليفة المزروعي)......عمر العجل مايضوي خير=يامحـسـن الـرجـل متـأنـي=الثقـل صنعـه ولــه تدبـيـر=وراع العجـل دوم متجنـي............الشاعر/خالد بن عبيد بن معتوق الأحمدي....... زايد بحسنُه على جيلُه= وكاسِب رضايه رغم عِندُه=ومن يوم يطلبني آجيلُه=خمسة دقايق وأنا عِندُه......الشاعر(ابوفـــرح)....عنـدي أمـل فيـك يـا.. بـكـره=تمحي بقايا جروح .. الأمس=وقـلــوب حــبــت ولا تــكــره=تشرق لها من جديد الشمس........الشاعر (حامد بن غالي السليهبي)(حسيبك للزمن) رحمه الله .........ناديت قلت انتهى صبري = واغبر زماني طِواني طَيّ=والناس بالحال ماتدري = اظمأ وجنبي غدير المَيّ.............الشاعر / محمد بدين القايدي ( السينات ) ......أدلِّـــــلـُــه دائماً وارضيه=والبِّسُــه ثوبه المألوف...لكن بِطبعُه يفرِّط فيه=ويخلِّي مَنْ لا يشــوف يشـوف.............الشاعر بخيتان البشري / ليه المجرة كواكبها=احيان عكس المدار تدور .. بحور تغرِق مراكبها=وتخلف نمط سيرها فبحور.......الشاعر ( حمدان دراج القايدي)......هليت دمعي من أسبابك = وجرحي نزف داخلي مقواك ‏=محتار وشهو اللذي صابك =الجرح في داخلي ماشقاك...........الشاعر ( راشد الزهراني )......حتى جبال السراة تحن = ماهي كما قلبك القاسي = يامن بوصلك على تمن = ودايم تعكر صفا كاسي ..........الشاعر ( خليفة المزروعي ).......ابوك يبني عليك امال / حذراك لاتخيب اماله /حاسيك لامالت الأحوال / إنت الجبل يجلس إظلاله........الشاعر( عبدالعزيز الزويهري ابوبتال )...... راح الذي فارق أوطانه = و أفعاله فالطيب ما راحت = و الله من بعد فقدانه = عمدان صرح الأدب طاحت ........الشاعره (الكحيلة) ......أتعبني القلب بحساسه=ادراه ويدور التعذيب= بهم ن ضلوعي حطب فاسه = من يطلع النجم لين يغيب .......الشاعر (حرب ابوعمر) ......قلبي سألني .حصل ماذا = تشكي ولاادري سبب شكواك = قلت انتظر فالوفا هذا = لكن تفاجئت جاني ذاك.......الشاعر (غافل الهم قلبي) ... احترت والقلب شايل هم /سنين مخفي الم جرحــــي =البوح ممنوع يالفاهم / راح العمر وانتظر فرحي .......الشاعر (ولد الساحل).....سبحان من بالجمال اعطاه / تحفه وتصوير رباني = سلهم برمش كحل غطاه = يرمي سهام الهوى فيني...........الشاعر ( نعيم عابد السيد ).....يا نار الاشواق ما تطفين / ما يكفي القلب واتلفتيه = هذاك لو كان ما تدريـن / سيب غرامك وولع فيـه ...........الشاعر ( احمد عاقل الغانمي ).......ابشتكـى راعـي الـدكـان / من بعد ماجـاب لـه هنـدى = ماعاد يرفق علـى الجيـران / حتى سلـف قـال ماعنـدى ...........الشاعر ( أحمد بدين القايدي ).......كسب الفتى طيب أفعاله / اللي بها ينتهج له درب = وانا كسبته من رجاله / وافخر لأني فتى من حرب .....الشاعر (عايش الدميخى ).......ابني فصرح الوفاء مدماك = يبقى مسجل عليه اسمك = ان عشت بالطيبة طريـــاك = ولا مت يبقى الثناء قسمك روائع الكسرات

 


العودة   ملتقى قبيلة حرب الرسمي > ๑۩۩ الملتقيات الأدبية ۩۩๑ > ملتقى الكـــــــســـــــــــرات > مــلتــقــى دواوين شــعــراء الــكــســرة

مــلتــقــى دواوين شــعــراء الــكــســرة [ جميع الشعراء ]

إضافة رد
 
أدوات الموضوع انواع عرض الموضوع
قديم 08-02-11, 10:57 AM   #1
شـــــاعر
 
الصورة الرمزية طلال المعبدي

 










 

طلال المعبدي غير متواجد حالياً

طلال المعبدي has a reputation beyond reputeطلال المعبدي has a reputation beyond reputeطلال المعبدي has a reputation beyond reputeطلال المعبدي has a reputation beyond reputeطلال المعبدي has a reputation beyond reputeطلال المعبدي has a reputation beyond reputeطلال المعبدي has a reputation beyond reputeطلال المعبدي has a reputation beyond reputeطلال المعبدي has a reputation beyond reputeطلال المعبدي has a reputation beyond reputeطلال المعبدي has a reputation beyond repute

افتراضي الشاعر محمد بن احمد المحمادي



قبل قرأة الموضوع أود التنوية إلى ان هذا الموضوع عبارة عن جهود ذاتية ,, لاتحقق كل مانتمناه حيال هذه الشخصية العزيزة علينا جميعاً.
وأنا لاأستغني عنكم في إخراج الموضوع بالصورة التي ترضينا جميعاً.


***


نبذة مختصرة عن حياة الشاعر محمد بن احمد المحمادي
الإسم :
محمد بن أحمد بن عليان المعلاوي المحمادي الحربي
مكان الميلاد: وادي الصفراء .
تاريخ الميلاد: عام 1337هـ .
وترتيبهم الخامس بينهم .وهو آخرهم.
عاش مع إخوانه في القرية التي ولد بها .
وكان أكثر ما لازم أخيه حميد بن أحمد.
تدرجوا سويا في الألعاب الشعبية وأهمها لعبة الزير ( البدوا ني )
وتنقلوه في الكثير من القرى إذا سمعوا انه في ليلة من الليالي سيقام لعبة الزير حتى اشتهروا بين القبائل أنهم من ربابينه.وبعد زمن انتقلوا جميعهم إلى مكة واتبعوا نفس الأسلوب حتى اشتهروا في مكة أيضا.
الاسباب التي أدت الى شهرته:
ذاع صيت الشاعر/محمد بن احمد, للاسباب التالية:
- خروجه من قريته بوادي الصفراء.
- إنتقال مقر سكنه الى مكه المكرمه.
-إجادته لفن الكسرة , إجادة تامة.
- تنقله كثيرا بين مدن المملكة التي يعشق أهاليها , الفن الذي يجيده ؛ ومن تلك المدن: وبالطبع بداءً من: مكة المكرمة عاش متنقلا لفترة بين المدنية المنورة ,ينبع وجدة .
- مقابلته مع كثير من الشعراء . وله مواقف كثيرة معهم.
- عودته الى مكه واستيطانه بها .
- عمل في كثير من الإعمال. _ مما أكسبه العديد من المواهب _.
مواهب الشاعر / محمد بن احمد المحمادي رحمه الله.
كان رحمه الله يتقن اللغة التركية بطلاقة .
حياته العملية :
عمل بإدارة الحج والأوقاف , في وظيفة فراش.
ولجادته للغة التركية حدث ان انتدبوه كثيراً وقت موسم الحج إلى مدينة تبوك لتسهيل مهمة الحجاج الأتراك بالترجمة لدخولهم السعودية من حجاج البر.
بداية تركة للوظيفة.
في عام 1388هـ 1389هـ بدا يضعف نظره إلى إن فقد البصر بين عام 1394هـ 1395هـ وأحيل على التقاعد .
بعد الوظيفة:
_ يقول احدهم
انا ساذكر محمد بن احمد المحمادي رحمه الله بشي لم اجد احد ذكره به وهو من محاسنه وهو انه كان يصدح بالاذان رحمه الله وهو بالمسجد المجاور لبيت العمده سلامه يرحمه الله واذكر قبل 15 سنة اني صليت التراويح بجنبه اغلب رمضان حيث كنت متابع لاحد الاخوة وقد امهم الاخ وانا بجنب العم محمد يرحمه الله فرحمه الله رحمة واسعه ورحم الله ابنه عبدالله الذي وافته المنية في شوال هذا العام 1427 جمعنا الله جميعا والقارئين في دار كرامته
حياته بصفة عامة:
وكانت حياته بسيطة جداً.
همه سعادة عياله._كما يقول احد المقربين منه , لدرجة انه يقول عنه_ ((وكنا نراه وهو يبكي لعدم قدرته)) وظل على هذه الحالة حتى انه قال:



بالله وان مت ياعيالي=ادعولي بأحسن الدعوات
معذور من قلة المالي=تركتي لكم فالهوى كسرات


نسأل الله العلي القدير إن يتغمد روحه في جنات النعيم .
وهذا ماأستطعت جمعه حاليًا من كسرات شاعرنا.
وأغلبها أحفظها مثل غيري من زمن , منها ما نعلم إنه قايلها رحمه الله , وشيء منها علمنا بأنها له فيما بعد , أوخلال هذا البحث البسيط .








لا وين شمسي عليها غيـوم=لا وين ما تنجلي شمسي
لا وين كلي حزن وهمــوم=لا وين اصبح بها وأمسي
لا وين حالي كذا بيـــدوم=لا وين يا فارض ألخمسي
لا وين يا ناصر المظلــوم=لا وين و اليوم مثل أمسي


********
*****
***
**
*

عيني بكت من غروب الشمس=عيني بكت لين طلعتها
اليوم عيني بكت مثل أمــس=لين البكاء سار عادتها

*****
****
***
**
*

انا درست شروط الــود=وعندي مجستير في إحكامه
إن كان سيدك جفا ومصد=الرأس قبل مـع أقدامـه

*****
****
***
**
*


آه الهوى شيب الجاهل=خلاه مبرى سوات العود
لامات من جسمه الناحل=حتى عشى مابقي لدود

*****
****
***
**
*




ليل المحبين ما اقساه=يجفى عن العين مرقدها
نقضيه كله في قيلة آه=ولا نامت الناس نحسدها
*****
****
***
**
*


يا ربنا إتجمع العــــزال=عن البلد في ارض برية
يرميهم الروس بالنبال=ودايان يرمــي بــذريــــة
*****
****
***
**
*


صبري نفذ صبر ما عندي=يا من عنده صبر واشريه
حالي كما حالة ا لهندي=يوم المطوف تحكـم فيه
*****
****
***
**
*



يا طير يا سابح الجنحان=اكسب ثوابي و وديني
لا جيت يم السما نجران=رفرف جناحيك وارمني

*****
****
***
**
*

أن عشت بأسمر مع الخلان=و أن مت لو كان يا ويني
تحت الثرى تمطر الاعيان=ومن دمعة الحب يسقيني

*****
****
***
**
*


لو شاف حالي صخف لي قيس=مجنون ليلى ويا ويلى
جاب القلم و الدوا يا حبيس=مجنون يكتب ويمظيلي


*****
****
***
**
*


أرسل علية
شيبني الوقت و انا شب=احرق فؤادي وشاجاني
تركت حتى حقوق الرب=غديت كني أمركاني
محمد بن احمد
الود حاله خطير وصعب=غديت قبلك بريطاني
اكتم على السر ولا تغضب=خوف الاجنه من الاوطاني



*****
****
***
**
*


مجنون ليلى عشقها وراح=ويا ليت ما عاش مجنونه
لو مات من الشقا يرتاح=ولا يقضي العمر في سجونه

*****
****
***
**
*


أمـــــــــــان يا ناعم الخدين=لو كان تمشي على المكشوف
لو كنت حنبي ما شوفك وين=العين عميت ماعاد تشوف



*****
****
***
**
*



أحب سيدي وهو لابس=واحب سيدي بجرموده
الناس لاشــافته يابــــــــس=اشــوفـه آنا خَضَر عوده


*****
****
***
**
*



أولـــع النـــــار للشيشه=إترمد و انا اديرها افكار
آطـوف نجران مع بيشه=وعــــود ثانـي اولــع نــار

*****
****
***
**
*



من نار قلبي ارص الراس=واطبخ عليها خيال العيد
لو إِنهــا للمـلأ مقبــاس=ماتنطفي النار غير أتزيد

*****
****
***
**
*



جلست وحدي ادير افكار=ياقهوجـــــــــــي جيب ثلاجه
القهوجي جـــآبها واحتــــــار=لمــــــا لـقــــى مــالها حاجه


*****
****
***
**
*



مشكور يابـــــــــاركه سايل=و أصل الجميله بكسرة عود
و العمـــر يا بـاركه زايل=والجــــا ف بدلك قلم موجود
*باركر. ماركت أقلام الشهيرة
الرد: من الباركه كما يقول.
معذار يا حضرة القايل=مجاك مني خطا مقصود
برميل لو انني شايل=خلص بكسره وكتب ردود


*****
****
***
**
*



سلام ياجملة النامس=بعطيك لزمه واعطيني
لجل إني بدخل معك خامس=وآ مص من حي مشقيني


*****
****
***
**
*


دورت حظي عيزت ألقاه=ونشدت في الدرب طرقيه
قالولي اليوم في حلياه=واحد تعدى بشرقيه
حثيت مشيي وراه أبغاه=لقيت بشكة شقاويه
نشدت واحد حسين صفاه=قال انظره بدون طاقيه
ومسكت حظي من يمناه=في هرجة أبغاك مخفيه
قال انقلع السرف ماادناه=ما عندنا الساع فرقيه
قلت ماهذا الغرض معناه=في هرجة أبغاك سريه
قال الخبر منسدح عطناه=ما اقوم لو جبت جاهيه
وقفيت واسمع ياغير ادعاه=ويقول عاجز ومافيه
وقام وقرطني بفرد حذاه=وما جنبت وقعت فيه
وقرطتها آنا بشتف خطاه=وشااااااالها وردها ليا
ووسقته الشتف في جبهاه=قلي معك والسعد بيا



*****
****
***
**
*


المبتلى قال في شكواه=للي ظلم حن شكويني
قلبي تلف والغرام أغداه=وفي حبسكم انت ناسيني
الظالم اصدر حكم وامضاه=ان السجن ما يكفيني
يدور أيت بلد يلقاه=عن قربهم فيه ينفيني
فكرت وليا الأمر مقواه=وان جيت باعصاه؟ ماامديني
وقلت للي عليا قراه=خليه في الحبس يبقيني


*****
****
***
**
*


يقول المرسل
مغرم بالاشواق ذاق الويل=طشه فالاخطار محبوبه
النار تصلى نهار وليل=في داخل القلب وجنوبه
رد محمد بن احمد
فالود عنبر ومسك وهيل=والحنظل احيان مشروبه
ايام ياتي رشاش وسيل=وايام مكوى يكـــووبه
واللي ما يصبر لجاه الميل=ولا يعرف الود واسلوبه
بيت الشعر ينصبه فغليـل=وفالخرب يقعد بعصلوبه

*****
****
***
**
*



كل ما انتهى يوم من عمري=يسجل عليا بخير وشر
القلب طاير مع القمرى=اللى بجناحه مسكته فر
وياما جناني من الحمري=والدبس من الجنا يقطر
وما فات فالقلب مايمري=وماشفت فشكله على مر
وفي هوى البيض والسمري=و الحب معذر ماله مقر
وظبي الحما يذبح النمري=وفالفلا مالفيله مفر



*****
****
***
**
*


قلبي هواوي وشجاني=في كل الاقطار يرميني
حبيت مخلوق ايراني=للشاه قلي تخاويني
لولا النظر قل فاعياني=معكم توكلت فالحيني
واكب اهلي وحياني=وبدالهم انت تكفيني


*****
****
***
**
*


يا مرحبا يامراااحب بك=بالقلب بالرووح باعياني
القلب ملكك هديه بصك=انا قطر وانت بن ثاني


*****
****
***
**
*


حبك فقلبي شباب وحي=وحبي فقلبك خساره مات
حبي فقلبك ما يسوى شي=وحبك فقلبي مع الدقات

*****
****
***
**
*

لك أشتكي وأتشكى مِنك=شكوآي منك ولك وفيك
كنت اقرب الناس لكنك=خيبت ظن الذي موفيك


*****
****
***
**
*


اه الهوى عشت في فنه=فيه الحلاوه وفيه امرار
فيه الهوى ثوب من جنه=وفيه ثوب الهوى من نار


*****
****
***
**
*

يا بوي سهم الهوى ما اقواه=أمر علي بصبـري فيـه
وكل ما قلت أنـابنسـاه=أرجع أجدد غرامـي فيـه
الرد من محمد بن أحمد
يا ولد هذا الطريق أصحاه=لأجلك قليل التجارب فيه
أبوك قبلك غرق بحـذاه=وعمك بالونش أزرو فية


*****
****
***
**
*


جرح الهوى من غيابك زاد=والروح تشكي وتتالم
والنفس ماتشتهي للزاد=والدمع في وجنتي علم



*****
****
***
**
*

حطوا مباحث مع التشديد=ومراقبة للهوى سري
لقلبي اللي تلف ويزيد=وهــو بلايا وهوضري
ليت المباحث تجي ياعيد=فجأة على القلب وتمري
وتلقاه يوم النصيب يريد=يعذب القلب وتجري
والبس غبانة وثوب العيد=لاصرت من الهوى حري
واغيب الفقه والتوحيد=واغيب الكوكب الدري



*****
****
***
**
*



اللافي إلي لفى من نجد=والطعم حطه في فم غراب
ياوجد روحي وقلبي وجد=ماحط فمه في غير تراب


*****
****
***
**
*



أهواك وخالقي. بهواك=ولا ابغاك عني دقيقة تغيب
وقلبي بري من محبة ذاك=من دم يوسف براة الذيب

*****
****
***
**
*

بنار الهوى احشاي منحرقه=والناس معها سموم تهب
فضلوعي النار مندرقة=ماتشوفها الناس يوم تشب


*****
****
***
**
*


تزهمني الناس يامحمد=ومحمد اليوم ماهو بالامس
موجود فالكون ومجمد=مايشوف نور القمر والشمس



*****
****
***
**
*




ارجوا ممن لدية ملاحظات ,, أن يأخذ لنا العذر ,, ويتواصل معنا سواءً عن طريق الرسائل الخاصة او عن طريق بقية الأخوة لاداريين أو أن يضع مداخلته بكل أريحية.

ودمتم جميعا بكل الود





التوقيع :

تحياتي
وأصدق الأمنيات
طلال
    رد مع اقتباس
قديم 26-02-11, 01:50 PM   #2
شـــــاعر

 










 

ماجلان غير متواجد حالياً

ماجلان is on a distinguished roadماجلان is on a distinguished roadماجلان is on a distinguished roadماجلان is on a distinguished roadماجلان is on a distinguished roadماجلان is on a distinguished roadماجلان is on a distinguished roadماجلان is on a distinguished roadماجلان is on a distinguished roadماجلان is on a distinguished roadماجلان is on a distinguished road

افتراضي

رحمه الله عليه




التوقيع :
    رد مع اقتباس
قديم 06-08-12, 11:19 AM   #3
عــضــو
 
الصورة الرمزية الرائد

 










 

الرائد غير متواجد حالياً

الرائد is an unknown quantity at this pointالرائد is an unknown quantity at this pointالرائد is an unknown quantity at this pointالرائد is an unknown quantity at this pointالرائد is an unknown quantity at this point

افتراضي

ان كان يالعين ماصابك &اسبابه انتي جنيتي ذنوب
وعجل لك الرب بعقابك &فالصبر بلجى مثل ايوب
وان رد بك لا تقدابك& ياعل طرفك عقل ويتوب
يشفيك قادر من اسبابك & اللي مرجع بصر يقوب




التوقيع :
    رد مع اقتباس
قديم 05-12-13, 04:40 PM   #4
شـــــاعر
 
الصورة الرمزية معي ذكراك

 











 

معي ذكراك غير متواجد حالياً

معي ذكراك has a reputation beyond reputeمعي ذكراك has a reputation beyond reputeمعي ذكراك has a reputation beyond reputeمعي ذكراك has a reputation beyond reputeمعي ذكراك has a reputation beyond reputeمعي ذكراك has a reputation beyond reputeمعي ذكراك has a reputation beyond reputeمعي ذكراك has a reputation beyond reputeمعي ذكراك has a reputation beyond reputeمعي ذكراك has a reputation beyond reputeمعي ذكراك has a reputation beyond repute

افتراضي

جزاك الله خير ياطلال المعبدي

وتسلم على جهودك

وهذة كسرة لمحمد المحمادي حسب علمي:

طارت طيور الهوى اسراب=وطير ٍ فقدناه بكانا
من طلعة الشمس للمغراب=والعين بالدمع غرقانا




التوقيع :
أنا أحمد الله على اخلاقي=اللي حرصنا عليها حرص
مايهمني بعدها باقي=لوالخليقة بدت بالنقص
عمر بن حمود الرحيلي=
    رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP



الساعة الآن 04:21 PM


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
ترنكات لخدمات الويب