ديوان الشاعر(بخيتان البشري)

مالك مقاصيد بحروفي = لايخونك بشوفها التفكير
انتا على الراس معروفي = لو ما مضى تهت فالتعبير

ماهر ابو خالد =
بضاعة من السوق جتني قوّد = ميزانها العز يابخيتان
تجملتّ فالصبي والعوّد = من حر مايخلف الميزان
بخيتان البشري =
سُوق الرياجيل فيه الفوّد = وراع البضاعة عطى العنوان
سلّم على الحُر وليّه روّد = بالكل يامنسب الظفران

قلبي طلع من قلوب أصم = اللي لهم قلب من قلبك
كل ما النصائح عليه تعم = حول الهوى زاد في قربك

المستشار =
سلام مثل المزن لابان = وركز بوبله عقب سالي
يامهندس الحرف يابخيتان = نبغى معك طرق الامثالي
بخيتان =
ترحيب بالطيب النشطان = تقدير وإجلال للغالي
ابدأ معك صفحة القرنان = وبث الخبر لي طوالي
المستشار =
فيك البقا ياعقب شيهان = دايم براس الحجا العالي
كنا نعده كما الاخوان = لكن على الطيب يحتالي
بخيتان =
تسلم ولا اقول بعض احيان = دايم كذا طيب الفالي
لاتحسب حساب للي كان = احرص على وضعك الحالي
المستشار =
انا ما آمن من الخوان = لكنها تدور في بالي
بالزور حكمه وبالبهتان = لاشك تشيب الاطفالي
ولبسه لثوب الردا طربان ! = يسجع على كل الالحاني
ترقص لعزفه خبول الجان = صاحي على ضع سكراني
بخيتان =
فرعون عارف خفى هامان = ويميزه بين الازوالي
لو يبدي الطيب للأعيان = مايجهل بخبث له شالي
واحذر يدهورك حلو اللسان = وتمسي وخانتك فالتالي
العزف لا صار فالخليان = انسى الذي في خلا خالي

ابو فياض =
ســـــــلام يــاســالـــم الــبــشـــري = وازهـــم بخـيـتـان مــــع قــابــل
وش راس مال الذي يشري = لــه ورد عـقـب الـنــدا ذابـــل
بحيتان =
ينصاك ترحيبنا يجري = يامن لطيب النبا قابل
اليا ذبل ورد مايغري = لو كان مزروع في بابل

وليف الشوق=
يابومحمد ضناني الشوق = كل يوم يزداد في حالـي
عيا معي لوقليل يـروق = ويرتاح من شوقهم بالي
بخيتان البشري=
ارفق على الحال يامخلوق = لاتروح في هجوس وجدالي
حتى معك نجتهـد يـاذوق = عطنا التفاصيـل فالحالـي
وليف الشوق=
قلبي على حبهم معشوق = مايوم عن خاطري سالي
افيدني كامل المنطـوق = اللي منه اقطع وصالـي
بخيتان البشري=
ياستاذنا الشاعر المرمـوق = نحتـاج توضيـح لتـالـي
وش بان في ودهم من عوق = بـدل لكـم كـل الأحوالـي
وليف الشوق=
الود من عندهم مسبوق = ولا يوم من يمهم مالي
كل مابعدناتزيد وثـوق = ويردني غصب لوصالي
بخيتان البشري=
دامه على عهده الموثـوق = وفالقلب والبـال لازالـي
ما لك في هذا الأمر مدروق =إنته مسيّـر فـذا الحالـي
وليف الشوق=
تركت درب الهوى باروق = وبعد ولا قيه في جالي
معاد ليه عليه شفوق = كيف البصيره ولدلالي
بخيتان البشري=
خل المسافات لك فروق = وخله من وجودكم خالي
الوضع يحتاج منك رفوق = لو كان بك المدى طالي
ولاشك من ذا العنا بتفوق = اللي تسبب فالأهوالي
هذا الذي يبعدك وتفوق = كل المصاعب وتنزالي

بخيتان البشري =
وليف طير الغلا بي طار = حتى وصلبي ليا قصرك
سلام واللي بحالي مار = مايفرح العين ويسرك
انـسـان وافــي وجـــار وجـــار = والــجُــور مـايـنـقــرب خُــبـــرك
لاصار حاصل حصل ماصار = مــاســرك إن قــــال مــاضـــرك
وليف الطير =
أهـلـن هـلابـك هـــلا مـــدرار = والقـصـر كـلـه تـحـت أمــرك
ترحيـب غـالـي عــدد ملـيـار = عطرة شذى والسبب زهرك
أنـت الوفـا مــن قـديـم الــدار = ولا الـــــردي بـالـقـفــى يـــتـــرك
لاعــــــاد تــشــقــى ولاتــحــتــار = قلبـك مكانـه وسـط صــدرك
بخيتان البشري =
ياحر تبقى يانسل احرار = عامر بك القصر من قدرك
خوال ابويه جبال كبار = كبير في قدرك وشِعرك
وحرفك لحرفي بعد ما زار = ادرك لما فيه واستدرك
قلبي محله وبك ما حار = مشاعري طيبها حرّك
وليف الطير =
يـابــو مـحـمــد لــكــم مــقــدار = وسط الحشـا يـوم مايشـرك
ابوك وانته سيوف اشطار = ويطول عمرة معـه عمـرك
حرفـك يطفـي لهيـب الـنـار = الـلــي كتـبـتـه ومـــن حـبــرك
والـلـي مــروح مـــع الـبـحـار = يلقى السعادة علـى بحـرك

كل ما اعذله ماعذلته عنه = القاه فيما انتهيت يعيد
كيف انزعه واترّيح منه = والقى بشوفه عيوني 0 عيد

فُرصة بليلهُ فأيامه = وانته نهاره معي تذكر
الود لاتجرح صيامه = من خوف لو ينجرِح تفطر

احمد الغانمي =
المعرفه مكسب العقال=من حاشها نحسب حسابه
ون جات زله من الجهال=في ذمتي ماتشقابه
بخيتان البشري =
مكسب تجارة ثمنها رجال = بالمعرفة ينفتح بابه
مفتاحها منعطا لعيال = مافكو لعلم دولابه