ديوان الشاعر(بخيتان البشري)

عشت الأمل فالحياة ونلت =من طول صبري جفا صده
ولليوم في حالتي مازلت =من قلب عايش على وده

الأشعل =
بأعداد وبل المزن لاسال=سلام للمنتدى الوافي
ياصرح ساسك عظيم أرجال= دايم على كل مشرافي
بخيتان =
إعداد منصب فالفنجـال=وإعداد من بالحرم طافي
ترحيب وافي مافيه جدال=للي على الدار جاء لافي

ابــــو عــابــد =
سؤالنا كان لك طابـي=افيدنـا بعـد نسألكـم
مفقود يااعز الأصحابي=لولا الغلا مـا نكلمكـم
بــخــيــتـــان =
ادري لكم حق فغيابـي=وادري عليـه اكملكـم
مالي عذر لو لي اسبابي=وافين واجب اواصلكـم

لا يا ودادي رحلت لوين = فرقاك ما كان في بالـي
القلب شكواه دمع العين = روحي معك والجسد بالي

فهد المخلفي =
قلبي بصدري لاصار يتيم=بالله قلي وش الحل بـه
اقول احده ترومـه ريـم=لاكن انا اخـاف تلعبـه
بخيتان=
الحـب يحتـاج للتقـييـم=وراع الهوى جمرته شبه
وان كان خايف بلاش تقيم=مركب هوى الحب به غبه
فهد المخلفي=
ان كان يحتاج له تقييم=انته على الجال لك قبه
بتعبك بين سين وجيم=يامسندي قبـل لاذبـه
بخيتان=
ان كان تبغا العناء والضيم=خلك مع الـدرب لاتكبـه
اخوك باع الهوى ياغنيـم=ورتـاح ماعذبـه غلبـه
فهد المخلفي=
ادري انه اما حياة نعيم=ولا تجي نـار مشتبـه
تدري عسا العافيات تديم=وابرفع الكـف واحبـه

خالد الأحمدي =
بسم الـذي قسـم الارزاق=وآجـال خلقـه محـددهـا
اللي وهب للخضر واسحاق=حكمـه بالايـات موجدهـا
بظهر لكـم هـم بالخفـاق=يالصحابنـا اللـي نمجدهـا
بالقلب يصلا لهيب اشـواق=مثر على الحـال مزهدهـا
من واحد ٍ طاعبـي نفّـاق=وربّح على الروح حاسدهـا
واليوم حالي معـه بفـراق=والـروح بالصـد لاهدهـا
روحي عليها الفضا قد ضاق=يالصحابنا كيـف نسعدهـا
خطي لكم ماوصـل بـوراق=ابيـات بالنـت سـاردهـا
بخيتان البشري =
ابـدا بذكـر الله الخـلاق=ونعمتـه دوم نحمـدهـا
اللي عطى افضل الأخلاق=اميـن الأمـة وسيدهـا
يامن شكى حمل ما ينطاق=وفيه المواجـع يرددهـا
ظلام دامس بعد مشـراق=كـل المعانـاة جسّدهـا
اللي تحسبه لكم تريـاق=خسـايـره لا تكبـدهـا
طاقين واجب ترد الطـاق=فاتورتـه لـه تسددهـا
كثير في عالـم العشـاق=مودته ضاع مـع يدهـا
انساه لا عاد له تشتـاق=والمقبلة خيـر تشهدهـا

أحمد المحياوي =
من يعرف الحل لا يبخـل=إحترت والمسأله تقهـر
يا ناس كيف الهوى يدخل=بالقلب من حيث ما نشعر
بخيتان البشري=
المشكلة حلهـا يسهـل=عند الذي فالهوى قد مر
نسمة هوى تاصله وتطل=من داخل العين له تعبر

ابو ريم =
في ملتقى العز والنوماس=جينا نمد الوفـا ونقـول
سلام ماله ابـد مقيـاس=للكل من خافقي مرسول
بخيتان البشري =
في دار حربي لفى قرناس=والضيف له واجبه معمول
أهل الوفا رافعين الـرأس=ترحيبهم ياصلك مدبـول

علقتها بعد ما أستوفـت = واجب لها بالفؤاد يلـوف
ويوم إنها قصرت ما وفت = كفنتها واللحد فالجـوف

وليف الشوق =
سـلام وليفكـم جاكـم = ياالملتقى الشامخ الراقي
لو ماالمعزه ولولاكـم = غالين ماجيت مشتاقي
بخيتان البشري =
ترحيب مثني وينصاكم = مني نيابة عن الباقي
فالملتقى نقول حياكـم = مكنونها داخل أعماقي