ديوان الشاعر(بخيتان البشري)

جيته وهو فآخر انفاسه=وايقنت ان الأمل مقطوع
قفيت والقلب في ياسـه=والعين عقبه تهل دموع

شرحك سرا في فؤادي كنق=واربع مية فالضماير صـن
دامك صغير وتـوك ينـق=بكره معي فالهـوى تتقـن

يستفزع الياس من مثلك = وابنتخي بك لياسي منك
عساه يثمر بطيب اصلك = في قلب عييًت اعذله عنك

صرف الذهب بالجنيه جنيه=وصرف الجفا للمودة فراق
ياهادم الصرح من يبنيـه=شمسك غدت مالها مشراق

يامبعـد الفكـر قربـتـه=يوم السما بنجوم يضـي
يا درس مشروح درستـه=اكتب فدفترك لا يفضـي
درب الوفاء فيك جربتـه=وانته على روحي بتقضي
عهدن معك يوم ما خنته=اش زعلك كيف لك ارضي

ياجو ماشفت مثله جو=من اربع سنين وشوَيه
وبيكتمل لو علينا جو=اللي وعدهم مضى ليه

نوارس =
انا اللي اخطيت يوم اني=خليتك اخطيت تقديـري
البوح لوما يصغرنـي=مايوم ساهم في تكبيري
بخيتان البشري=
لا تكثر النوح وتوني=هذا حصيل المقاديري
ياكم للبـوح متعنـي=ماشاف غير التعازيري

علي الزهراني=
كيف الهـوى بيننـا انهـاه=ببشع طريقه تفوق الشـرح
انهد بساعة غضـب بنيـاه=واصبح بقايا حطامه جرح
وش عاد باقي امل احيـاه=لاصار عمق الاسي كصرح
علـي كـذا ودنـا انعـاه=واعلن نهاية زمان الفـرح
بخيتان البشري=
حسب الذي منكـم نقـراه=وحسب الذي احتواه الطرح
المشتكي بان فـي معنـاه=إنه زرع ورد وأصبح سرح
عاش الهوى ماوصل مبغاه=عاشه آسى ماهتنى بالمرح
انساه لاتعيش في ذكـراه=لابـد ماضيـه مايـبـرح

ولــيــف الــشــوق =
البال سـارح ولادري ليـش=حتـى الفكرضيـعـه لـيـه
واصبحت ضايع على مافيش=لا ذا تحـقـق ولا ذيـــه
بخـيـتـان الـبـشــري =
لاتتعـب البـال باتنبـيـش=هـذي حـيـاة الهـواويـه
نقطة ومركـز بـلا تفتيـش=انتاجهـا صـفـر فالمـيـه
ولــيــف الــشــوق =
مااخذت راتـب ولابخشيـش=لا شمـس تشـرق ولافيّـه
ضيع لي الهرج بالتشويـش=وانقض لي الجـرح بالكيـه
بخـيـتـان الـبـشــري =
بجزل يمنـاك لـك بتعيـش=مانتـه فحاجـة عطـاويـه
لمبـة قلـم زرهـا فالفيـش=وتقـول مالمسـت إيـديـه
ولــيــف الــشــوق =
ارسل علامه في لحظة طيش=يقـول الاوضـاع عـاديـه
والخوف من حضرة الشاويش=اللـي مـعـه دوم ورديــه
بخـيـتـان الـبـشــري =
ياصاحبـي مثلكـم نبريـش=في كل الأوضـاع مـا زيـه
خابرك ضابط وقائـد جيـش=مثلـه تسـريـه دوريــه

جنيت ودك آسى وجروح=عيشتني كامل أحزانـي
قلبي عدو تحتويه الروح=لفراقكـم دوم يعصانـي