ديـوان الشاعر / نفاع محمد السهلي ابوفـــرح

مع الشاعر ابوبتال
,
,
شفت القمر للسما يصعد
,
,

ابوفــرح

من دقة الوصف والمشهـد= اللي رأيتـه يابـو بتـال
نيران وسط الحشـا تلهـد= مستحكمه حولها الاقفـال
شفت القمر للسما يصعـد= لاقيـد عنـده ولاخلخـال
دمعه على خـده المجهـد= يحكي اسى من سنين طوال

ابوبـتال

يا راعي الصوت لا تبعد = كم قلب الشوف من احوال
مد النظر بالنظـر يمتـد= يرميك في داخل الأهـوال
وخل القمر بالقمر يسعـد= وإنت وانا نهادي الموال
مالك ومال الشقى واقعـد= لا تمادي الفكر بالآمـال

مع الشاعر راع البل ( ابراهيم عيد المحياوي )
.
.
راع البل

سؤال وأبغـى يجـي رده= ياسـادة القيـل والإلهـام
كيف أنقـذ القلـب وأرده= لاصار في حوزة الظـلاّم

ابوفـرح

آآمر على من صفـا وده= واصدر على مامضى احكام
لاتساير الموج فـي مـده= خلك سياسي معه ضرغام

راع البل

حاولت بالليـن والشـده= أكسب وداده زمان العـام
وكان الجزا طالت المـده= بالصد وأنا منـه منضـام

ابوفــرح

طبيب الاجراح فـي بنـده= لاهل الموده شروط الـزام
مايصير والكل في عنـده= اما ملاقـا وامـا خصـام

راع البل

يلعب بنـا كيـف مابـده= يوصل ويجفا بدون نظـام
والقلب مرهون فـي يـده= وهـذا الــذي زود الآلام

ابوفـــرح

تخاشـروا فالقضـا عـده= دكاتره من جنوب وشـام
قالوا وفا مع جفـا عـده= دين ومضالك مـع الايـام
لاتتبع اللـي امـر جنـده = وحال المعاريف للاعـدام
عيد النظر والقنـا جـده= جد النوى واركز الاعـلام
مكاسب المرء من جهـده= عنده لكل الامـور لجـام
مايحط يـده علـى خـده= ويعيش فالهـم والاوهـام

مداعبه مع الشاعر الكبير عايش الاحمدي ( رحال )
بخصوص غلاء الاضاحي
.
.

رحال

سوق الأضاحي مولع نار = وطاق المؤشـر فعاليهـا
مستغرب افطفرة الأسعار = اللـى نواجـه مآسيهـا

ابوفــرح

الحمد للواحـد الجبـار = سنه على الخلق مبديها
لو انها فرض للخطـار = كان ابيض الوجه معميها

رحال

لاشك هذ ولااستنكـار = لازم ولابـد نشريهـا
من دونها ما لنا معذار = لكن وش اللى مغليها

ابوفــرح

حيل القضيه علـى التجـار = لا عـل تظهـر خوافيـهـا
والا تراني فوسط ( اشهار ) = باقـي حياتـي بقضيـهـا

رحال

حنا بلا نا من الفجـار = اللى ما نقدر نقاضيها
هذاك طاغى وذا مكار = والمسأله ضاع قاضيها

ابوفــرح

دنيا وفيها البشر محتـار = دنيا وما اكثـر بلاويهـا
فيها النعيمي غـدا طيـار = مقلع والانـوار مطفيهـا
وفيها سواكن وفيها احرار = حذرا وايـاك تخطيـهـا
اسعارها اليـوم بالـدولار = واقوالهـا مـن يثنيـهـا
رحال هذا زمـن غـدار = واللاش بالكاش مغريهـا
ماصف للـدار والاقـدار = يوم المـلا عنـد باريهـا
تذرف دموع الشقى امرار = وجنود تنفـض مخابيهـا
ماينفع القـول والاعـذار = كلـن صحايفـه يطويهـا

مع الشاعر كـارم
.
.

كارم

مني لكم فـي ورق شفـاف = سلام وابصم عليه الخمـس
إني بعد ما جفيـت القـاف = أصبحت ماضي طواه الأمس

ابوفرح

يامرحبا با اللذي لوشـاف = قدره مابين القمر والشمس
ماغاب ليله عن الميقـاف = يوم الليالي صفا مع عمس

كارم

منك الحكم واحكمه بانصـاف = في الواضح اللي لمسته لمـس
من يعتلى عالـي المشـراف = ينسى الخوي والحديث الهمس؟

ابوفرح

من عاف ربعه ترا ينعـاف = لو هو تعـلا يعـود طمـس
ومركب بلا مـوج يالعـراف = اغبر نهـاره وليلـه دمـس
كيله مـن البـن فالمغـراف = وانته من اللي يحمسه حمس
دام القلوب الوفيـه نظـاف = حمل زهابك معي فالجمـس

.

خاطرة
.
.

سلام وانا استمع ماشوف = ولاشفت لااسمع ولااتكلم
ماشي مع الناس بالمعروف= لاشكي ولاابكي ولااتألم

تجاوز الحد
.
.

تجاوز الحد والمنطق = سحرك وتأثير اهدابك
لاعاد يسمع ولاينطق = من شاف رقتك وآدابك

كفوا عذاب السنين السبع
.
.

يامن لكم ود فاعماقي = كفوا عذاب السنين السبع
ماعاد والله ترا باقي = فعيوننا للمآآآسي دمع

بيني وبين الهوا ميعااااااد
.
.

بيني وبين الهوا ميعاد = على شواطي بحر ياقوت
بعيد عن اعين الحساد = يامدللــهـ . ياعروق التوت
ليله وعيدي بها اعياد = لاهي فكازا ولابيروت
اعلن قمرها بعدك حداد = ماعاد يطلع الين تموت

مع الشاعر سمران الصبحي
.
.

سمران الصبحي

سـلام فيـه الوفـا عنـوان= والطيـب ساسـه وبنيـانـه
ينصـاك ياحضـرة الربـان = من قلب (هاجت به) اشجااانه

ابوفــرح

تقدير ياشادي الالحـان= ياعازف القيل والحانـه
جيتك لعذب اللحن شفقان= عطني مفاتيـح بيبانـه

سمران الصبحي

ظبي الفلا كاحل الأعيان = مأسور من نظرة أعيانه
ستة (أهله) وأنا سقمان = أتلفت روحي على شانه

ابوفـــرح

ظبي الفلا محترف فنـان = يختال ورده على اغصانه
دايم صويبه يجي هيمـان = مختـل وزنـه وميزانـه

مع الشاعر بن معتوق الاحمدي ( ابواسامه )
.
.
ابوفـــرح

بعد التحيه يابن معتـوق= مطلوب عدلك وانصافـك
للناس وزعه من المنطوق= لاصار مبني علـى قافـك
مايسير حنا نخيل بـروق= ولغيرنـا هلـت اطيافـك
انته فهذا الامر محقـوق= والظلم ماهو من اوصافك

ابواسامه

قدرك فقلبي تعلا فـوق= يامقتفي نهج اسلافـك
يامرحبابك وكلي شوق= اشوف رسمي واردافـك
لاوالذي أنطق المخلوق= لا القيل يقصر ولاعافك
بس الرسايل تمر طروق= قبل تحرر من اشرافـك