ديوان الشاعر ( حفيد الحجيري )

عِفْتَك وًنَفْسي نَهار تْعُــوفْ=تَأبى رُجُوعاً لِمَن عَـــاآآآفَت
اِرْحَلْ و خلّ الجُرُوحْ سْيُوفْ=في نَفْسْ عن وِدُّكُـمّ نـــافَتْ

صقر المراقيب=
بعد المغيبه وطول البعد=وشرواك يدري عن اضروفي
سلام ينبي بطيب الودّ=واعجز عن الوصف بحروفي

الحجيري=
يا مرحبا و مرحبا ما تسدّ=تعبير مقداركم جوفي
يامن في غيبتك محد يسد=شاغر محلك حسب شوفي

صقر المراقيب=
لك البقا ياكريم اليدّ=ليتك معي فالمثل توفي
ابغى مداد القلم يمتد=والخطّ مانكتبه كوفي

الحجيري=
دايم مع أهل الوفاء لي مد=والكاش للكاش مصروفي
استرسل و ما في صدرك بدّ=اِضمأ وأنا أرويك بكفوفي

عصام الحاسري=
ياهل ترى فالبلد تجار= نشري معاها ذهب ونبيع
حتى الشراره تولع نار= وتبقى حروف المثل ماتضيع

الحجيري=
من يجهل الينّ والدولار=سهمه فالأسواق ماله بيع
والشاعر الماهر البيطار=عن صارفين الذهب ما يتيع

عصام الحاسري=
لوكان جو المدينه حار = لابد كل الشموع اتميع
كل السلع لو لها مقدار=انعرف الاصلي من التجميع

الحجيري=
كم طير رفّ الجناح و طار=و وقعّ بعد طار سد الريع
والعارفه ما أخبره يحتار=والطبع يغلب على التطبيع

عصام الحاسري=
طيرالفلا جيد الاوكار=اشبعه مخلبه تشبيع
والمسلم اللي قرا الاذكار=مايخالف الشرع والتشريع

الحجيري=
الصايبه ما عليها اِنكار=والعاصي اليوم بكره مطيع
والصقر في طاعة الصقار=يا مطوعين المثل تطويع

الحجيري=
الفكر يشهد على راعيه=وأهل الأدب جمّ منبعها
سلام شاعر بشر يقريه=شاعر جهينه و ينبعها
الحجوري=
أهلآ بشاعر بحور التيه = ريم المعاني وبع بع ها
شاعر اشوف القبيله فيه = ومكارم حروب تابعها
الحجيري=
تبقى و عنك الخبر ما أخفيه=يا ناصر . الروح واجِعها
اللي عيوني لا جاء طاريه= تعجز ما تسكب مدامعها
الحجوري=
موجع لك الروح لاتبكيه = عواطف الروح راجعها
إلا إذا لم تكن ناسيه = عيد الحسابات واجمعها
الحجيري=
عدت الحسابات بأصفّيه= وأثري به الروح مودعها
وجربت مره الحساب الغيه=كدت ألغي روحي و أودعّها
الحجوري=
إذا بهذا الشكل مغليه =روحك كلامي مايردعها
لكن إذا ودك تراضيه= دوس المسافات واقطعها

سكن غلاها سواد العين=والقلب حلتّ ســويـدائـه
اللي تعلتّ سنــام الزيـن=و اِتسيّدت عرش حوّائه

الحجيري=
اللي في درب الوفاء محتار=لا تشتقيبه يابو محسن
خلك على الطيب مهما صار=و هذاك لو تسفهه أحسن

فواز الزويهري=
ماودي بين الرجال اقصار=اللي فمواقيفها توسن
وأنته وأنا بمنهج الأخيار =اللي لهم فعلهم يحسن

يا قلب لا توقف الاحلام = ما دام الاحلام مقدورك
احلم و صبرك على الايام = لابد ياتي بها دورك

صقر المراقيب=
عيب المعلم ايصيبه روع=كان احرجه علم تلميذه
عندي خبر خطّة المشروع=قدّام يبدون تنفيذه

الحجيري=
مشروع طيبه ما عنه رجوع=ولكل مشروع تعويذه
وسكّانها لا تخاف الجوع=موج البحر له نواخيذه

الحجيري=
الليل مهما ظلامه حلّ=إلاّ و شمس الصباح تبين
يا أهل المعاني صباح الفلّ=و شذا السفرجل مع اليَسمين
ابو سالم الرحال=
كل شى لابد مايرحل=لما رحيله عليه يحين
يسعد صباحك يقول الكل=ياراعى القدر والتثمين
الححيري=
يسلم لنا اللي ما عمره زلّ=مِن كان ، للآن ، إلى بعدين
تلّ اِحترامه بخُلْقه تلّ=و حرفه (مِن إسمه) ليوم الدين
ابو سالم الرحال=
لك فى صروح الأدب منزل=مايختلف فيه يوم إثنين
والطيب من منبعه تنهل=قراح يروى ضما الضامين

ناصر الحجوري=
بالفل يسعد صباح الكل = وكل صبح يسعد حسن امين
يغيب مثل القمر ويطل = لكن مايرجع بخف حنين

الحجيري=
صقر المراقيب يجبرنـا=على تأمُلّ حروفه جبـر
لأجله ما خـلاّ لناظرنـا=خيار غير النظر و الصبر

خالد بن عبيد الاحمدي=
اقرا ليا خطّ محبرنا=ومالك فعبر المعاني عبر
واجبرتنا بحرف يأسرنا=وخلاّ لجسم المعاني وبر