ديوان الشاعرعبدالرحمن بن عاتق البيضاني (راحل)

سلام ردة صباح الخيـر=لا بد من حال محدينـي
أقول له عند سباح الطير=وانت زميلـي تمشينـي
ترحيب بعض المواقف غير=مطلـوب انـك تراعينـي
ما دام حالت ضروف السير=ابشر على الراس والعيني

مرحوم يا شايل الزنبيل=وناصي بلادك عصيريـة
الطلع خلى الغصون تميل=وانته اراضيـك محميـة
الله يرحم هذاك الجيل=صغارهم والكباريـه
كسّابة القن والتكميل=في الخافيه والعلانيه
قفلت باب الهوى تقفيـل=وسهامك اليـوم مبريـة
وصلني الشرح والتفصيل=يا طيب النفس والنيـة

سألت أي النجوم اجمل=رد الاجابه برمش العين
البدر نص الشهر يكمل=رزقك على الله يامسكين

يا مرحبا بالوفى واهلـه=شرفت يا شاعر الاحزان
امثالكم نفخـر بوصلـه=وتفرح بك الدار والسكان
تسلـم وهـذا العشـم والله=في مجلس اهل الكرم والشان
طيـب الوفـا دقـه وجلـه=جاني بكاس الغـلا مليـان

اعداد ما ينذكـر طيبـك=بين الملا والشهود شهود
سلام نبعـه مشاريبـك=يانبع نبعه عسل وشهود
اليوم وصلـت مكاتيبـك=يا مرحبا بالكرم والجود
نمشي على حسب ترتيبك=ابدع ولك مني المـردود
لاشك عندي في تهذيبك=وتأخيركم ماعليه نقود
لكن المعاليق تنخيبـك=متكوية من اسى ولهود
ما يردنا عن مواجيبـك=طول السفر والليال السود
عطني بدايـة مطاليبـك=وحبل الوصل بيننا ممدود
تخيل المـوج يغديبـك=في وسط لجه بدون زنود
حتى مجاديفـك تسيبـك=وتنكسر والسبب مفقـود
حيرتنـي كيـف اسويبـك=لكن معك نبـذل المجهـود
اللي في حالـك وتعذيبـك=أكيد يا صاحبـي محسـود
احذر من الشـك يسريبـك=ويرميك في بحر ما له حدود
غيّـر دروبـك واساليبـك=والجأ الى الخالق المعبـود

غزال شفته نهار السبـت=شايل دروسه على متونه
واقلبي اللي فهواه انصبت=كل العرب مـا يداوونـه
أحسبك زاهد فذاك الخبت=نسيت الهوى ما تدانونه
أثر الهوى لو ينام بوقت=يبعثـره غـر بعيونـه

موجود ياصاحبي موجود=فوق المراقيب تلقانـي
أرقب وليفي عساه يعود=أضنيته القلب واضناني
ما دام حبل الوصل ممدود=ما بين ربعـي وخلانـي
ما شلت هم الليالي السود=ولا همني بعد الاوطانـي

طول الأمل آخره ياليـت=اليوم صحـح مساراتـك
واستغفر الله على ما بديت=ربك يعوضك مـا فاتـك
يا بوعاتق اسمع ليا ونيت=ونه من القلـب لا جاتـك
اقفى ولا إنّي عليه أخطيت=ياللي الهوى خان كسراتك
طريق في اوله حطّيت=رجلك . وضيعت أوقاتك
كل المصايب لنا جرّيت=وللناس بانت خفياتـك
رقيت فوق القمر وأعليت=ماني مفتش في مخباتك
ما ضر رميو ولا جوليت=سلّط على النفس مرآتك
كل المساري انا خلّيـت=عزّت على النفس غاياتك
ما حترت فيها ولا ذلّيت=يالله نطلبـك جنـاتـك
قال الهوى قلت كيت وكيتن=طلبـك يـارب مرضاتـك
شربت صفوه ضحى وأقفيت=واليـوم يالله فطاعـاتـك

هل في سمانا نجم يلمع=يهدي لنا الناس فالظلمه
ولا الثرى شالهم أجمع=وخلى الذي ما نفع علمه
مافاد لو نذرف المدمع=يا المشتكي همنا همه
ياربعنا كل من يسمع=موروثنا ضاع بنلمـه

صرح الصداقة مجاه الميل=بالود شامـخ ولا يهتـز
قدرك مجاور لنجم سهيل=فصعود لابس وشاح العز
الصرح حوله رجال وخيل=وفي قمتـه العلـم مرتـز
وسيوف منها العروق تسيل=لامجـاد تاريخنـا ترمـز