ديوان الشاعر ( حفيد الحجيري )

يا مجاهر الصد.. لا يغريك=و تظنّ جهر المواصل ود !!
ترى الفراق اللذي مشقيك=ما أشقى من تغازله بالصد

قبل القلم يطعن الأوراق=وينزف على صدرها بوحي
تِقبِل حروفي خيول سباق=مضمارها .. نازف جروحي

الحجيري=
فالشرق بارق وبارق شام=وكل الدلايل حَسَب ما تشير
الوضع ماهو على ما يرام=عسا يا ربي في كُتبة خير

الحجوري=
جهز سرير المنام ونام = وتصحى على العافيه بكِير
وكل اللي شفته من الاحلام = تلقاه وقت الحقيقه غير

الحجيري=
دام إنّها يالأمير أوهام=طرفك وش مسهّره يا أمير
لا تقول لي فبركة إعلام=لو ما خبر ما يوصّ الطير

الحجوري=
صدقني لاتصدق الاهرام = المسألة فبركة تحرير
الوضع اشوفه على ميرام = رغم الخبر للشكوك يثير

الحجيري=
من بؤكم للسماء يا هْمام=رغم الدلو فوق جال البير
والنخله اللي اِحتماها حسام=عشانها للمنايا نسير

رحت أشتكي من وجع ضرسي=اللي عليّ كل شويّ يثور
و لقيت طبي على الكرسي=قدام لا أدخل على الدكتور

ابو فياض =
اكيد شارب عليه ارسي=بارد وهو من قبل محفور
ولا الهوى محد به يرسي =لوكان ربان للبابور

الحجوري=
فريد معه المعاني بخير =وعن حرفه الحرف ماستغنى
حسن فريد المعاني غير = شاعر ويعزف على المعنى

الحجيري=

فالحرف أعظم شرف يا أمير=لمّا لقب فيه يجمعنا
مع حرف أزكى من النوّير=يا حرف أخجل تواضعنا

الحجيري=
قبل القلم يطعن الأوراق=وينزف على صدرها بوحي
تِقبِل حروفي خيول سباق=مضمارها .. نازف جروحي

الحجوري=

عجيب ياهو مثل براق = ومضه بغزر المزن يوحي
مايطعن الدفتر السراق = لو مالقيه أُذن توحي

الحجيري=
يا صدر مثل الفضاء الراحب=لأصحابه كله سماحه و صفح
ترك الفتى مترّك الصاحب=خساره وألا تراها ربح

الحجوري=

لاشفت صاحبك جاء ساحب = ولماترضّاه ماهو سمح
علية لا تِكثر الناحب = تراه خسران مكسب جرح

الحجوري=
عندي مكانك اشوفه شئ = واهني الحرف بوجودك
يامن وجودك ظلال وفي = خذني لحرفك من شهودك

الحجيري=

حي المثل دام ناصر حي=يا عدّ ما ينقطع رَودَك
يا برنس حرفك شهاده لي=يا حاتم القيل في جودك

الحجوري=

المّها افكار وارسلها = لمفسر الحلم للافكار
احلامي حروف تحملها = لآهل المعاني ولأهل الكار
كيف الرساله اكملها = وماعندي اقلام وسط الدار
لمين الامانه احملها = والكل عن حملها مندار

الحجيري=

يا حلم الأمثال يا أجملها=يا اميرها اللي عليه يْشار
احترت بأفكار . سايلها=أعلم بها . كيف فيها اِحتار ؟؟
وسعياً في تفسير مجملها=حضرتّ جنيّة الأشعار
أمّا الأمانه يا حاملها=يوم الجبال أبدت المعذار
وغيرك فالأقلام هملّها=فأنتَ لها يالأمين البار
قادر يا ناصر توصلّها=وتصونها لآخر المشوار

صقر المراقيب=
من دون يخبر ولا ادريله=من منزله شدّ واقلقني
ولا فيه رقمه ولا ايميله=وهذا الذي زاد واحرجني

الحجيري=
مالك ف هذا الأمر حيله=واللي محيرّك حيرّني
لكنّك اِرقب مراسيله=وإنْ وصّ له طير بشرّني