ديوان الشاعر(بخيتان البشري)

ودي لكن القـدر أقـوى=خلك معي للقدر صبّـار
وإنكان لمفارقي تقـوى=بين المحاني شعلت النار

بخيتان البشري=
لا ياوليفي وليف الشوق=ابحر بي الشوق فغيابـك
سوى عليّه حصار وطوق=كيف العمل ربنـا جابـك
وليف الشوق=
يامرحباواشرح المنطوق=وابدي لنا خافي اسبابك
حتى معاك المزاج يروق=ويطيب جوّك مع احبابك
بخيتان البشري=
وليف قلبي غدا محـروق=ياللي معك فكـر يرقابـك
والطرف من دمعته مخنوق=والفكر همي معـه شابـك
وليف الشوق=
يا راعي المركز المرموق=اهدى ولا تفلت اعصابك
واخذ المسايل معه برفوق=لا جيت بتوجه اعتابـك
بخيتان البشري=
ياهل ترى الأمر فيه لحوق=والشك والظـن يرتابـك
بالرفق هل تنقذ المغـروق=اللي قرا صفحـة كتابـك
وليف الشوق=
خلي املكم على اللي فوق = لاتخلي الوضع يشقابك
انصح وتابع وادعي يروق = لابد من يوم يهنابك
بخيتان البشري=
هذا أمر ماعليـه فـروق=تـدرى لكنـه مايدرابـك
لاتلومني فيه يامخلـوق=والله شرح صدري خطابك
وليف الشوق=
خلك معه صاحبه بوثوق=لا تخلـي الفكريسرابـك
دايم كلامك معه باالذوق=لجل الامرحيـل يعنابـك
وكثرالنصايح تراه يفوق=ويرجع على يوم يقدابك
ومادام ساس البناموثوق=لابد فـي يـوم يعلابـك

يأهل العقول الرزينة منّ=فينا عرف نية الثانـي
لا تتبعون الوهم والظـنّ=وتعطي بكم درب شيطاني

حفيد الحجيري=
دامـك مسيّـر علـى "الطايـف"=بتمرّ .. طلعـة كـرا .. لا بـدّ
وإن كنت .. فطلوعها .. خايـف=مالك .. و .. مال "الهوى" و "الودّ"
بخيتان =
جْـوه وفيـه الثـمـر صـايـف=ليّـا متـى00 بجوكـم 00لابـد
إن مانت 00وقت الحدث 00كايف=طالك 00 و00طال "العناء"و"الوجد"
حفيد الحجيري=
في جوّنا .. الغيـم "متلايـف"=ومزونهـا .. نوّهـا .. قايـد
راقين .. فالمرقب .. النايـف=يسهل .. لنا "الصعب" و "الكايد"
بخيتان =
يا 00جو 00 بثه لنا "لايف "=شمسه000 وله "حرها" سايد
"وافين " للمذهـب "الهاتـف"=تسلم من "العين" و "الحاسد"
حفيد الحجيري=
ماني .. لجو الشفا .. عايف=لكنّ لأهله .. ماني .. رايد
الذيب .. للمكسبه "حايـف"=وأنته .. على عدّها .. وارد

عجيب ياشجرة العوشز=نصيبها فأسمها مذهـل
واللي يبى نشرة الموجز=لاجيت تقعد ماتلقى ظل

ياليت لو كان بالإمكان=يمدي سمحنا وتراجعنا
بعد الذي كان حنا كان=منكم قنعنـا وتقنّعنـا

قال القاسي=
ياصاحبي نوم طرفي ضاع = مفقود جــاله ثلاث ايام
تقلبت فـــوقي الاوجاع = ذكرت حال (ن) مضاله عام
رد بخيتان=
يالقاسي ارجوك لا تلتاع = لاتلتفت والخطـى قـدام
الناس قالوا وبالأجمـاع = ذكرى قديمة تجيب اسقام
قال القاسي=
انــا رهـيـف الحـشـا مـيــلاع = مثـل الــورق ترسـمـه بـاقـلام
ذكـرنـي الـحــرف والابـــداع = وامسيت متعب بشكل (ن)عام
رد بخيتان=
انته رهيْف وانـا فنـزاع = روحي على حرفك المنظام
جيتك بسبل الوفا فـزاع = مالـوم روحـي ولاتـلام
قال القاسي=
امشي طبيعي بـدون اقنـاع = والوقت ماشي معي في اصدام
واليـا تناسيـت جامـذيـاع = حرك شجوني علـى الانغـام
=============================
قال القاسي=
سؤال واضح ولايصعب = في خاطري للجميع ابديه
يامن سبحتو في بحر الحب = في موج عاتي وفي صافيه
له بحر واحــد وله مركب = كل المحبين تركب فـــيه
والا له فروع ومشعب = كل (ن) على رغبته يمشيه
رد بخيتان=
جواب لجلك وما تطلـب = للخاطر اللي نوى مافيـه
بنفيد من ماضي مجـرب = حسب الذي قلبنا يوحيـه
الحب بحره عذاب وطـب = ياما ضحايا على شاطيـه
احد ن غرق فيه قبل يطب = واحدن فغبـه ولايكفيـه
===============================
قال القاسي =
لـيـه عـتـب يصحـبـه تأنـيـب = عسـى العتـب كـان فـي حلـه
يرقى صروح الامل ويصيب = وان كـــان مــاصــاب لاولله
بـأنـب النـفـس لـيـن اشـيــب = ويمكـن بـطـول العـمـر كـلـه
سـبـت ثـقـه مادخلـهـا ريــب = حسـيـت جـهـده مـعــي قـلــه
رد بخيتان=
دّور معه فالأمر لا تسيـب = دامك مع الدرب توصلـه
اسم العتب ينبعث من طيب = لاهـو ملامـة ولا خلـه
لايودي الفكر لك ويجيـب = لو ينعقـد حبلهـا تحلـه
قدام تعجل ومثلـك ذيـب = معروف حكمك شمل عدله

عامين انادي وعام اصيح=ولاشي منها معك فـادي
إن سلتني اكتشفتك ميح=فارق وماضاع لي فادي

ياهو خُفو علينا شوي=روفو على حالنا روفو
بالله قولو وش انسوي=ذا وضعنا بعدكم شوفو

هرجة ولاهي لكم عملة=فحسابكم يـوم حطيتـو
حرجة ولاهي على القبلة=ذكاتُكـم يـوم ذكيتـو