سلام لولا الحيا بدّل ........ إالى همس القوافي

صحت الألسن وبيض الله وجيهكم

اشكر جميع الاخوه المتداخلين

واشكرك اخي حفيد الحجيري على ان شرفتني بهذه المحاوره

تحيتي وتقديري للجميع

حفـيـد الحـجـيـري =
سلام لـولا الحيـا بـدّل = بآهات فالقلـب مكنونـه
يا همس بالله علينا اعجل = صاحبك محتاج لمعونـه
هـمــس الـقـوافـي =
ترحيب مثل المطر لاهـل = يابادع القـاف ولحونـه
وانته اذا ارسلت نستقبل = قلـي وشلـي تحسونـه
حفـيـد الحـجـيـري =
تبقى و ناصيك ما يخذل = و ليا سألكـم تفيدونـه
ورود قلبي بـدت تذبـل = من هجر خله و مضنونه
همس القوافي=
اخوك من واجبه يبـذل = جهده ويخدمك بعيونـه
لكن بلا اسباب ما يحصل = اللي لنا اليوم تشكونـه
حفيد الحجيري=
ذي هقوتي فيك يوم أسأل = وجهود الأصحاب مضمونه
من يمنا الوصل مستكمـل = ومن يمهم مايله غصونـه
همس القوافي=
مادمت في وصلهم تآمل = اصبر على البعد وغبونه
يمكن مساعيـك تتكلـل = وباب المجافا يصكونـه
حفيد الحجيري=
باب الأمل لو هُو مقفل=وأعتى المتاريس من دونه
ما دام غيره ما لي مدخل=بأصبر لو أعيش مسجونه
وعسا الولي منك يتقبل=وقحط الوصِل تهطل مزونه
ومن حال لا حال يتبدل=حياً له الروح مرهونه

ومن حال لا حال يتبدل=اللي له الروح مرهونه

أبو علي و أبو فيصل

وزمان يا فن

صحت الالسن شعارنا
دام ابداعكم وتواجدكم ربي يحفظكم

صحت السنتكم وطابت معانيكم وايامكم
وكل عام والجميع بخير

صحــت السنتكــم
دمتم برعاية الله وحفظة