سلامي سلامٍ يبتدي في علوم الطيب

الله الله
ما أطيب كلامكم
الله يعافيكم متابعين



والصفوف هذولا جايبهم من احد المكاتب عيال نشاط ولاهم خليين عادي لو تطولون مايتعبون خوذوا راحتكم

	المشاركة الأصلية كتبت بواسطة عبدالله الفريدي

	الله الله ما أطيب كلامكم الله يعافيكم متابعين والصفوف هذولا جايبهم من احد المكاتب عيال نشاط ولاهم خليين عادي لو تطولون مايتعبون خوذوا راحتكم

هذا من طيب راسك يابن راشد لاعدمناك
ولا عليك زود يالجزل
اهلا ومليون ارحب ياعبدالله الفريدي حياك وحيا صفوفك
مرورك وتواجدك بحد ذاته عن كل الصفوف لاهنت

الله الله الله

شعار ايوالله

ابو احمد وفهد المخلفي

صحة السنتكم

حبك وسبك ومعنى من النوع الفاخر

	المشاركة الأصلية كتبت بواسطة ذيب العاقر

	الله الله الله شعار ايوالله ابو احمد وفهد المخلفي صحة السنتكم حبك وسبك ومعنى من النوع الفاخر

حياك الله ياشاعرنا الجزل ذيب العاقر لاهنت
ولاعليك زود صح بدنك لاتمدحنا واجد ثم تنفخ روسنا
ونروح للمغتره ولاعاد نلعب معكم فالملتقى سلمت يالذيب

مضحي بن جمران=
سلامي سلامٍ يبتدي في علوم الطيب=ولا ينتهي ياغير فالطيب ودروبـه
يعم اهل الوقفات فالدور والترتيـب=وكلٍ من الوافين يعطيـه ماجوبـه
فهد بن عواضه المخلفي=
هلا مرحبا ترحيبةٍ تقتفـى ترحيـب=على العز والنوماس والطيب منصوبه
لامنك قنبت يجاوبك في قنيبك ذيـب=تفضل وجزل العلم صاحبك مطلوبـه
مضحي بن جمران=
يدوم البقاء بك لنشدتك لعـل تجيـب=من اللي بميقاف الشرف نومس حروبه
لاجيت اصفه واضح وكلٍ يعرف هديب=دهشنا ونظرات العجب كلهـا صوبـه
فهد بن عواضه المخلفي=
وسيع البنايد ماعليـه الوفـا بصعيـب=على الازمه يقبل وهـي تقبـل بصوبـه
لاكن انت يامضحي عسا ء فالك لك يطيب=ولاظـن فيـك قصـور سـداد فالنوبـه
مضحي بن جمران=
عن القصد والمقصود مانطري التجنيب=مدام الخبر طازج ودوب الخبر دوبـه
ابااشيد بابن العم يبقى الرهيب رهيـب=ولاتنطفي نارٍ علـى العـز مشبوبـه
فهد بن عواضه المخلفي=
من اللي يقول ان القمر للعرب بيغيب=لابالله نوره فـي تهامـه ومشذوبـه
يدور علاجه من معه بالضمير لهيب=ولاكن درجهـا مدبـل لـه لهوبـه
مضحي بن جمران=
آلا يافهد ماب الحقيقه شكـوك وريـب=على صفحت التاريخ حفظت ومكتوبـه
عساء عمر كساب الجزيلات عمر شعيب=ليا جاء مجالـه اهـل الجـود هلوبـه
فهد بن عواضه المخلفي=
ليا ثارت الهيجا فهقله نصيب نصيب=ودرب العلا كم ادمي عاضه دروبه
خذا الرقم الاول كان الارقام بترتيب=بنا منصبه بيديه طوبه على طوبـه
مضحي بن جمران=
الاهداف حطمها راع البندق الصويب=رصاص الصويب بشارته ولع الشوبه
بليا منازع والسنافي عـداه العيـب=بعز اهتفو بسم السنافـي وذاعوبـه
فهد بن عواضه المخلفي=
على الماقف الغصاب بعض البشر ميهيب=وبعض الرجال يهيب لو مكبـر جنوبـه
ويستاهـل الفنجـال شرابتـه والطيـب=ومثلـه ليـا حـان التفاخـر يماروبـه

هلا حياكم الله شعار مجيدين وانشدوا الفريدي منين جاب الصفوف ابا جيبهم الليله

صحت السنتكم وبيض الله وجيهكم على هذا الطاروق الكايف والرائع