ديوان الشاعر ( حفيد الحجيري )

إن كنت متنكرّ لأصلك=وتبحث للأفضل عليك بحرب
تغنيك عن أصلك و فصلك=وتعزّك فسلم وألاّ حرب

تكفى .. لا منّك .. نفحت الشال=لا ينوش .. طرفك .. طرَف يدك
أخشى .. لا ناشه .. و دمعك سال=يطبع بكحله .... على خدك

2009 لــــــــــــفــــــــــــانـــــــــــــا ضــــــــــــــــــيـــــــــــــــــــف=والصامت الفين واحدعْشَرْ (2011)
تـــــــــــــــوّه تـــــــذكــــــــر وســـــــــــــــاق الـــــكـــــيــــــف=وقـال العشـا الفـيـن واثنعـشـر(2012)

[/quote]

مايلحقه من لفاكم حيف = مادامنا فالمبادي خشّر
حقه لاقبل علينا منيف = نفرح بمثله ونستبشر

بيني و بينه كلام الناس=لا شك معدوم تأثيره
خوفي من الشك والوسواس=يبدا يسيطر بتفكيره

لو شفتني طيّب زياده=لا تستغل طيبتي بلحيل
الطيب في سلمنا عاده=ماهو ضعافه و قلة حيل
من يومنا فالعرب ساده=نوفي لكنّا ما نرضى الميل
والسبع لو طولّ رقاده=حذراك يصحى وصير حليل

ماني مناديك لا قفيّت=لو كنت مقدر على فراقك
وان كان بالصد ما استكفيت=قطعتلك كامل اوراقك

الحجوري=
هجر المودين مهما يطول = سحاب في صيف ويعدي
ولاّ مثل مالطبيب يقول = الهجر ماله دوى عندي

[/quote]

الحجيري=
الود فالقلب عرض و طول =يبني فالآمال و يهدي
وهجراً على طول مو معقول=لا صار ساس الهوى جدي

الحجوري=
باب الوصل بيننا مقفول = وراعيه ماهو على حدي
بيني وبينه عذول يجول = يجيب فالهرج ويودي

[/quote]

الحجيري=
فالوضع هذا ما أشوف حلول=غض النظر فيه لا تلدي
مادام يا ناصر . المعذول=هرج العواذل معه يجدي

الله يعمرك يا مكه=من شارع الحج لأم الجود
حيث إن قلبي ملك صكه=حياً بحد الحرم محدود

رفرف جناحيك يا طيري=حوم الفضا واِدرجّ فالحي
بتجرب الحظ مع غيري ؟؟؟=جربّ .. ولكن .. مردّك لي

كانك على صدنا مُكره=وتقول ظرف الزمن حدّك
بكره تعودّ لنا بكره=ويمكن نجازيك في صدكّ !!!!!