ديوان مراسلات شعراء الملتقى (فن النظم )

البدع كان مني انا

الحمـد لله والشكـر والثنـاء لـه=افرح بها صحابي وزعل بها عـداي
علمن وكـاد ونافـي(ن) للجهالـه=ابشـرك بالطيـب يافالـح الـراي
قريت مضمون وحـروف الرسالـه=واستبشر الخاطر وضحكة لها شفاي
طيب الفتى لاشك من طيـب خالـه=لن كان بقبالن ولـن كـان بقفـاي
عدالوفاء للرجـل هـوراس مالـه=وانا بعده ديـن يبقـى بـد نيـاي
والرجل ما تلحـق يمينـه شمالـه=وانته عزيز وعارفن كـل مغـزاي
الشعر لـه حـزه ولاجـا مجالـه=ممشاك يعجبني ويعجبـك ممشـاي
دنيا العنـا فـي حلتـن وارتحالـه=فيها اغنم الفرصه ولاترقب الجـاي
والرزق ماضنـه يجـي بالسهالـه=والله قسم رزقي وجاني على رضاي
والا مكانك فـي ضميـري لحالـه=متربع(ن) بالقلب يا غايـت منـاي

الرد عبدالله بن عتيق

نثني على الخـلاق جـلا جلالـه=له الثناء والشكر مبـداك مبـداي
والغالي اللي ننشـده كيـف حالـه=وان طاب حال القرم شفي ومشهاي
ونواصل الواصل بوصل اتصالـه=وما للمقفي عندنـا غيـر بيبـاي
انته من اهل الطيب واهل الشكاله=وانا بعـد هـذا مقـري وملفـاي
وراع الوفا والطيب من طيب فاله=عسا السعد والطيب سعيك ومسعاي
عضدك وزندك والجزالـه جزالـه=حروت هدف معناك دققت مرماي
وقاف القصيد اجاوبك من خلالـه=ورضا مثل شرواك قصدي ومعناي
والأدمي يطـرد معوشـت عيالـه=الرزق مشقي كل خلق الله اشقـاي
كلن يجي رزقه ولـو مـا عنالـه=رزقه يجيله غصب لوهو بمخبـاي
واللي يـروح يعـوض الله بدالـه=وبا الله رجا شروا جنابك وشرواي
ودوام حال المرء شـي استحالـه=والدهر له سطوه ومخلاب وهواي
والطيب يبقـى والوفـا والجمالـه=ودامك بخير افلحة يا فالح الـراي
والله يديـم العـز لهـل العدالـه=وعزيز قدرك والوفا غايت امناي

	المشاركة الأصلية كتبت بواسطة صقر المراقيب

	/ الناس يافواز تتبع هواها=صار البناخي مايحشّم خواله دنيا يابو محسن شكينا بلاها=يامن شراله علّةٍ من حلاله وين الرجال اللي تقدّر لحاها=المسجد الاقصى نووا في زواله واحوال الامه شوف زايد رداها=ياكم وطن كاره جنوبه شماله صارت عداها من بلاها تباها=مادام دينك يشتكي من عياله قاداتها ماعاد تحمى حماها=وشعوبها تشكي فقر مع بطاله انقلت مسلم فانت منته معاها=وانقلت قومي تتّهم بالعماله ولازم تميّز بين حاها وخاها=جمر الغضى ماهو بمثل السياله مليكنا محشوم عن مستواها=مانذكره بالشين واحنا رجاله ياكم قضيه صايره مارضاها=صار يتصدى للقضايا لحاله الحال يافواز وش منتهاها=ينهون قاله تطلع الفين قاله وانقلت لي خل العرب بمهفاها=اقول يافواز ماهي عداله غير العلوم الطيبه ماهقاها=من يمّكم ياهل الوفا والجماله واحوال الامه صاحبك لاشكاها=معذور ماينلام زاد احتماله انظر معي وش صاب سلّة غذاها=صاحبك ينشد جاوبه عن سواله لو يحكم السودان عثمان طه=بيعود سلفاكير بعد انفصاله الشاعر / خالد بن عبيد بن معتوق ألأحمدي

هلا وغلا بالشاعر القدير صقر المراقيب

وإليك الرد الذي أرجو أن ينال القبول والرضى

حي الحروف اللي جزيل (ن) صداها =من شاعر (ن) عشق القوافي سجاله
ياخالد الدنيا غرور(ن) مناها=من يامن الدنيا تضيع مناله
وناس (ن) رموث حبالها من رجاها =تشرب حثال البن وتمشي جهاله
ترا الخوال بروق يوضي سناها =وكلن بفعل الخال تلقى فعاله
ياصقر روحي بين داها ودواها =من بنت عذرا ضيعوها حثاله
البنت تصرخ من ألم في عضاها =والأخ ينظرها ولاهي في باله
تدري متى ترتاح من ما وطاها =لاصار فرض الفجر كلن عناله
هذي فلسطين الجريحة نداها =للفارس اللي بأمر ربه اتكاله
وشعوبنا من روسها جا عناها=ومحال راسك ترتجي في بداله
وناس تجذ فروسها ماتراها =إلا فقبر(ن) فوق دوده هياله
تبغى الصلاح وضيعت درب ماها =تبغى سهول الأمر وطلعت جباله
ومحال تجني إصلاحها من غواها =وشعب يكب الشرع يلقى وباله
والمملكة بالدين ربي وقاها =وملوكنا الإسلام رمحه ونباله
كم ضلمة أجلو غشاوة عباها =وكم حبل للأمه سعو في وصاله
ولو حكم السودان منهاج طه=الخير فالسودان عمم ضلاله

مراسلة بين فواز الزويهريوصقر النراقيب
/
/.,.,,.,.15/4/1432هـ,.,.,.,.,.,/
/
/
/
/


بدع الشاعر القدير / فواز الزويهري=

بنات الأفكار جتني تلعـب الليلـه=على حروف المثل غنـت معانيهـا
سلام ياصقر مثل البن مـع هيلـه=وسط الدلال اللي لمثلـك مزهيهـا
ياخالد البارق اللي ما نبـا نخيلـه=اللي يميت البلاد اللي نـزل فيهـا
عند الحمد هـل ياخالـد هماليلـه=سيل سيول الفتن وأربـع بواديهـا
والسقم في ساسها.. والعلم تفصيله=فاللي ورا البحر يوم النار يحييهـا
أشعل فتيلة غضب وأشرك محابيله=إبليس عبادة الطاغـوت مغوييهـا
وده نسلم علـى العمـه ونثنيلـه=ونغير الديـن والكعبـة نجافييهـا
دس الخفافيش ..وده يرقب الميلـه=مايدري إنه في عين الشمس خابيها
مكشوف لعبه هبيله يلعـب بذيلـه=وده ديار العرب بالخبـث يسقيهـا
الأمر شايك ونطلب منـك تحليلـه=ونبغى حلول القضية من قواضيهـا

رد الشاعر / خالد بن عبيد الاحمدي=

يامرحبا يالاسد والقاف له شيله=وكلّي فخر فالبيوت اللي تغنيها
لاتشغل الراس بالافكار وتهيله=واللي تكفّل بخلقه مايخليها
الله يمكر على اهل الغدر والحيله=واللي تبلّى على خلقه بيبليها
ومهما يكثّف عدو الدين من حيله=إلى بدا خطّته بيعاف تاليها
جالس تحت شجرة ٍ ماهي له مقيله=وديرة حمد دونها شجعان تغليها
يبشر بضيمه وكيده بعد تفشيله=مادامت القوس تعطى يد باريها
دون العقيده عدو الدين ياويله=في روسنا عزنا لله نحنيها
والبيت لك قبله وتعطيه تقبيله=علم ٍ يكيد الخصوم اللي تعاديها
والختم ياصاحبي للقاف تقفيله=بعطيك كلمه وانا ملزوم بحميها
اللي لعب لعبته لو كان نركيله=بيصير عبره هل التارخ تطريها

هذه مراسله بيني وبين الشاعر غربي حزام العنزي

البدع من غربي حزام

يامرسلن فلوة الخاطر على غربي = جتنا محبه صنت من طيب مرسلها
هلا وغلا حيّهـا لعناقهـا ذربـي = مهرة اصيلاً وانا من عصر اخايلها
الطيب يستاقها ميرادهـا شربـي = نبعي قراحـن ليـا وردة يجمّلهـا
في قمة بالوفاء والطيب يفخربـي =اخيلهـا ليـن ماذبـت جدايلـهـا
لبياتها والمعانـي جيتهـا طربـي =والطيبه طيبها من طيـب قايلهـا
حيو معي الشاعر البدراني الحربي =ابن الرجال العريبه فـي قبايلهـا
ميل به الهاجس وساقه على دربي= وذكر بيوت ن عمرها طيب عاملها
ياطيب فكره يافكري لا تقف سربي =نبي نرد الجميلـه مـع جمايلهـا

ياهاجسي كل مانسس هواء الغربي= صخر بنات الفكر بالطوع ذللها
لعيون قرم يفك الضيق والكربي= اللي ليا مالت الحمله يعدلها
نوارد الفكر لاجل الطيب تبحربي= من شان ارد الثمينه كف حاملها
مايختلف لونها بالبعد والقربي= نرضي ذوائق رجال الفكر باكملها
يشهر بها الحر عنوه محكم الضربي= في قمةٍ والحرار الشقر تدهلها
وقفة ثناء في عميلي والوفاء حربي= خاويت غربي على الهاجوس واشعلها
من طيب فكره يهيض ساير العربي= ببياته اللي جميع الناس تنقلها
غنيتها بالوفاء والصوت يشهربي= نبي نرد الجميله من مخايلها

صنت البدراني

السلام عليكم ورحمة الله وبركاته

"
"
"
"
"
"
"
ردي على الشاعر القدير صقر المراقيب

من زعيم الشعر في رتبة مشير=ردّة التقدير منّي تاصلك
مقصدي فواز ياجبر الكسير=صاحب الميقاف عالي منزلك
صاحبك ينبيك بالوضع الخطير=بعد لاهو بالمشوره خوّلك
شاعر ٍ سمّوه بالبحر الغزير =لنته بجاهله ماهو جاهلك
بالحشا حسّيت نيران السعير=ولو ظهر لك ربع همّي هولك
وامرنا لله والله المجير=يازمان العشق ذقنا حنّضلك
والهوى من قال شرّه مستطير=والله انّه لانطقها ماكلك
دايم ايامه عبوساً قمطرير=حضّ منهو في طريقه ماسلك
واسلم وصلّي على الهاد البشير=واطلب انّه بالشفاعه يشملك
صادق المنطوق ذو الوجه المنير= الذي موحيه جبريل الملك
عدّ مادوّج على الدنيا بصير=وعدّ مايضوي بدورات الفلك

الر د من الشاعر فواز الزويهري

من صليب الراس وحروف الأمير=مرحبا تقديرجاك فمحملك
ياعميل الخير يالصقر الذخير=ما بنادم من مقاديره ملك
عفتها الدنيا غرور(ن) تستدير=من بها دوار وابهم تحتلك
إن ترجينا فهلها كل خير =تختلف كل الهقاوي وتفتلك
والهوى فبدايته زهر وعبير=شهد نحل (ن) في لسانك يحلا لك
والهوى مثل البحر ماله عشير=المنايا وسط موجه تذهلك
يتعب الغطاس فالبحر الغرير=وإن تمادى في غياهب انهلك
يصبح فروضة ويمسي وسط بير=وهم ساعه يالهواوي ضللك
غير ود(ن) فالصفا يعقب بخير= دربه الواضح بطيبه جملك
ود منهاجه كتاب(ن) من قدير=والسواير يارفيقي منهلك
من سلك درب النبي ماله ضرير=وأخــتــم بـحـمــد الـعـظـيـم فـمـرسـلــك