ديوان الغاز (مرزوق بن ضافي الحصني) العضيد رحمة الله

وش الثنين اللي تدالو لهم بنت= واحد يمص البنت واحد يكبي
بنتن شريفه كان فيها تمعنت=لا لا تسب البنت لالا تسبي

لم يتم حله

ابنشد اللي يعتلون المراقيب=اهل العقول النادرات المهمه
عن واحدن دايم غريب الاساليب=رجال منزاله على راس قمه
يجامع امه لا ملامه ولاعيب =قدمي وقدم الناس وامه تضمه
ونجب بناتن دون شك ولاريب=وزواجهم شرعي ولابه مذمه
زفوه لامه في كفوف المعازيب=ولولامعازيبه فلا جامع امه

محلول وبار النخل=من سامي الفكر

ويش بنتن مع رسول اندبوها=بنت برفقت رجل والرجل موثوق
اكشفو امر الهنوف ولا رضوها=وانكشف امر الرجل من دون بوق

محلول عملة اصحاب الكهف=من صبار

ياويش عذرا في محل رست به=في موقع ترسي كما شامخ الهضب
تزين محل فيه والا ابغضتبه =في موقع ماتر تحل تقضبه قضب

معاند زمانه حله / غير جبل ولاتغيراجبلّه

انشدك عن رجل عليه الدهر داس=اسمه يدل انه تنزل مضره
ياللي تحل اللغز مبني على ساس=ثالث اثنين وبان بالحال شره

حله صبار العنزي/ مسجد ضرار

انشدك عن ورعن وحيد بحياته=ورافق فتاتن مثل شكله وحيده
عاشو سوا لكن بضيق وشماته=البيت ضيق والملابس زهيده
اليا البست قام وتناول قناته=وهي صابره تقل انها مستفيده
ولو تشتكي كلن شهد في براته=يشهد لها المؤمن وشين العقيده

محلول الزناد والضرمة= من مهجرس الحرف

وش الـذي تـراد عليـه المـواريـد=لـو ان ماهـو قـد جـوه الــورودي
وليا عكست اسمه يجي فيه تنكيد=اليا حصلـوه مضيعيـن السـدودي

حلول رس وعكسه سر=من مهجرس الحرف

ويش عذرا سميت للأجـودي مملوكـه=ماملكهاصـح لـكـن بــس هـيـك مسـمـا
ماكسبها ولا دفع فيها الثمن من بوكه=لقبوهـا واللـقـب فيـهـا استـمـر وتـمـا

محلول بشت المطوع(الكرش مع المرق)=من عشير النشاما

انشدك عن رجال يوي رجال = كل ن يحب انه يخوضه ويجنيه
لاكن صعيب ودونه ابحور وجبال = وبيبان وسوارن علت في عواليه

محلول العلم= من مهجرس الحرف

وش الثـلاث الـي بليـا محاصيـل=علم ن صحيح وثابتن في رواته
ثــلاث يـارجـال مـاهـن تـهـاويـل=ومعك دليل واضح ن في صفاته

محلول لالالا ولا بدون محاصيل من ابو خالد