سلام يحمل معاه الود...الى اخي الغالي بخيتان البشري

	المشاركة الأصلية كتبت بواسطة الحب الباقي

	صحت السنتكم والله يعطيكم العافيه بيض الله وجيهكم

صح بدنك والله يعافيك ويغليك يالغالي
كل الود يا ابيض الوجه

محاورة جميلة ولحن راقي

الله يعطيكم العافية

يابو مبارك وأبو محمد

ومتابعين لشعارنا الكبار

	المشاركة الأصلية كتبت بواسطة سالم البشري

	أبو مبارك -- أبو البخت بدع رائع ورد كذلك ونتطلع إلى محاورة رائعة وجزلة صح الله لسانيكما وأدام على العز بيانكما سعدت بمروري وتصفحي لكما ودي واحترامي

هلا وغلا بالغالي ابو وائل
انرت المتصفح بهذه الطله البهيه وترجعون بالسلامه
صح بدنك وعزك دايم يبن العم
كل الود

	المشاركة الأصلية كتبت بواسطة سعودية

	ابو مبارك الاستاذ بخيتان البشري صحت السنتكم وعلا شانكم ابدعتم بدع ورد لاهنتم ولا هان حضوركم الكريم احتراااامي

هلا ابله سعوديه
صح بدنك ولا تهونين
دمتي

	المشاركة الأصلية كتبت بواسطة الجراري

	صحت الألسن وبيض الله وجيهكم على هذا المردود الوافي منكم عسا الله لا يهينكم متابعين الأبداع تقديري

هلاوغلا باهل ابوضباع الغالين
صح بدنك يالغالي ووجهك ابيض ياراعي الوفا
متهون يبن العم
كل الود

	المشاركة الأصلية كتبت بواسطة حرب

	ابداااااع من مبدعين الله يعطيكم العافيه

هلا وغلا بك يالغالي
الابداع مرورك العطر يابوعمر
الله يعافيك ويغليك ولا يخليك
كل الود

صحت السنتكم

تقبلا تحيتي وتقديري

	المشاركة الأصلية كتبت بواسطة بندرالبلادي

	صحت الألسن وبيض الله وجيهكم على هذا الابداع تحياتي

صح بدنك ووجهك ابيض يالغالي
كل الود

	المشاركة الأصلية كتبت بواسطة ابومبارك اليوبي

	خلخاله اللي بدا يرعد=يستوقف الطرف وستاده مقاصد الناس ماتنعد=لاشافة الزين بقلاده

ياكفي البلاء

مالومك يالغالي الطرف واستاده هههههه

صح لسانك وسامحنا على التأخير

وبلاشك المحاورة مع اخ وشاعر قدير مثلك تشريف لي وإليك

طرف الشقي كان به يسعد = للخير والشر صياده
إسمع كلامي ولا تنّكد = بالشرع والا الزم الهاده
إصحى تجاوز حدود الحد =ومايجهل الدرب مرتاده
حُط الذرى قبل لاتحصد = زرعك ومحسوب حصاده

عسى ان نكون وفقنا في إمتاع متذوقين هذا الموروث وأتمنى ان يجمعنا لقاء آخر نمتع به الجميع

لك كل ودي وتقديري

ابو مبارك اليوبي=
سلام يحمل معاه الـود=والطيب لاهل الوفا قاده
كل المعاني معاك اتجد=لجل الجزاله لكم عاده
بخيتان البشري=
ترحيب نسمة عبيره ندَ= من صافي الطيب ميراده
وعندي لجزل المعاني نقد=من عد ماينتهي ماده
ابو مبارك اليوبي=
تبقى وفيك الوفا يعتد=يامن لك النار وقـاده
اشوف عيني معاد تلد=الا على الزين بزياده
بخيتان البشري=
يامن لنا بالهجوس أنشد= أهل الوفا ناس نقاده
أخاف طرف الشقي يسهد=قدام لايحقق مراده
ابو مبارك اليوبي=
الزين يظهر لاجاه الضد=ماهو كما قال حسـاده
كلما نهيته عليّ ارتـد=ياكيف؟ والعين معتاده
بخيتان البشري=
اللي تقوله كلام يسد =والزين له ناس فقاده
ومن يجعل الناس له مقصد = لابد له ناس قصاده
ابو مبارك اليوبي=
خلخاله اللي بدا يرعـد=يستوقف الطرف وستاده
مقاصد الناس ماتنعـد=لاشافة الزيـن بقـلاده
بخيتان البشري=
طرف الشقي كان به يسعد = للخير والشر صياده
إسمع كلامي ولا تنّكد = بالشرع والا الزم الهاده
إصحى تجاوز حدود الحد =ومايجهل الدرب مرتاده
حُط الذرى قبل لاتحصد = زرعك ومحسوب حصاده