( الوقت ماشي بخلف اخلاف )........ محاوره

/
/
/
/
/
/
/
/
/
/
اخواني
هذه
المحاوره
جرت
بيني وبين الشاعر / عبدالرحمن بن مسعد بن دواس ألأحمدي ( فارس العرب )
واتمنى ان تنال إعجابكم

خــالــد عـبــيــد =
بينك وبين الشعر ميـلاف=يازيـن شعـرك وتعبيـره
يامشرف ٍ عالي المشـراف=برسل لك الحرف ياميـره
عبدالرحـمـن مـسـعـد=
غايب عن العين ماتنشاف=وفالقلب مرسـوم تقديـره
خذني معك لابدعت القـاف=نكمـل بيانـه وتسيطـره
خــالــد عـبــيــد=
وحياة من انزل الاعـراف=من صرف الكون تدبيـره
الوقت ماشي بخلف اخلاف=راع الفكر حـار تبصيـره
عبدالرحـمـن مـسـعـد=
صادق ياخالد بلا محـلاف=ياساتر الناس فـي حيـره
الحر من وقتنـا بيخـاف=شوف الحيـا ودَع الديـره
خــالــد عـبــيــد=
مادمت راعي عقل وانصاف=متعلـم الفقـه والسيـره
صاحبك من وقتنا حسّـاف=والعلم مطلـوب تفسيـره
عبدالرحـمـن مـسـعـد =
مانـي بعالـم ولا عـراف=بشرح مع الحرف تعبيـره
ركز معي حدد الميقـاف=حكم القدر صعـب تغييـره
ياما شكينا سنين عجـاف=والقلب مطلـوب تصبيـره
بهديك نسمة هنا هفهـاف=تجلى عن القلـب تفكيـره

وياصحابنا سامحونا
اخوكم الشاعر / خالد بن عبيد بن معتوق ألأحمدي