جديد ** * ردة(ن) من ضميري فوحها فوح هيل

الشاعر ورقان صح لسانك

وأتشرف باللعب معك

واستلم

أنت خالفت ياورقان سير النظام=راجع ألحونك وعن طرقها لاتعيل
كان عندك كلامٍ غير هذاء الكلام=عطني اجزال قيفانك وخل الهزيل

صح لسانك يافهد

وانا من له الشرف باللعب معك

	المشاركة الأصلية كتبت بواسطة فهد سعد السليمي

	الشاعر ورقان صح لسانك وأتشرف باللعب معك واستلم أنت خالفت ياورقان سير النظام=راجع ألحونك وعن طرقها لاتعيل كان عندك كلامٍ غير هذاء الكلام=عطني اجزال قيفانك وخل الهزيل

الله الله صح لسانك
يبدولي ماتوافقنا في اللحن
واستلم طال عمرك :

انا ماشي بدربي ماغشاني الظلام = وانت عني بوداي ترقى نوب وتميل
ياعوج العنق دايم ماتشوف السنام= لا تعيّب بالدروبي كان رجلك تحيل

صح بدنك يالغالي
وأستلم طال عمرك

انت ماشي بدربك مار دربك عتام=رحت منجوم واظنك بحاجة دليل
رافعٍ راسي ولاني سوات النعام=وانته عيونك اللي لسماء ماتخيل

هذي ليالي كريمه بانتحاشى الخصام =ودمح خطايا صاحبي دقها والجليل
عشان عينه ابصبر كود يهنا بالمنام = وقبلنا قالوا الناس صبرن جميل

انت خليت نار الحرب برد وسلام=عقب ماشبت وبانت براس الفتيل
محتزم في سلاحي والفشق بالحزام=وانت مانته بهمي دام سيفي صقيل

لاتشب الناريعميك من نارك عسام = ولاتشيل السيف وانت جسمك نحيل
وعندنا للجمل لهاج حبل وخطام= ماهمنا لو يهابد لين يبرك شعيل

----------------------------

وبيض الله وجهك اخوي فهد
تشرفت باللعب معك

والختام عندك ان احببت
وكل عام وانتم بخير

صح لسانك ياورقان وبيّض الله وجهك

وآسف على التأخير لان الاعضاء الله يجزاهم خير ماتفاعلو معانا

سيفنا ضربته تكسر صميم العظام=ونارنا ماتطفى في نهار(ن)وليل
وعندنا للجمل لاهاج حبل وخزام=مرخيٍ راسه وهادي سوات الذليل

صحت السنتكم

ملعبه جميله