ردي على الشاعر محمد سعد اليوبي

أبو تركي صح الله لسانك مدد ماهو عدد
وبيض الله وجهك وجمل الله حالك
قلت وماجبت الا الجزل ياراعي الجزل

الشاعر محمد سعد اليوبي=
من شان أبو تركي أبا أثني سلامي=بالشعر والا فأول الشرح منثور
عساه يذكر من بقايا كلامي=كلمة أشوف بها بصيصٍ من النور
لاجلي أحسبه في المواقف حزامي=ولا أضن مثلي عند شرواه منكور
إن كان جيل الوقت هز القطامي=باسباب كلمة نابية كلها زور
لا يبتئس باللي علينا يوامي=الحق دايم عند راعيه منصور
حلحيل حرب موثقه بالحرامي=بأحلاف تنشب لقمته داخل الزور
الحلف الأول له خمسين عامي=وحلفٍ جديدٍ كاتبه ماله شهور
كل حلف وثِّق عند رجلٍ محامي=بأربع شهود وكل رجَّال مشهور
لكن تريح وأقض شهر الصيامي=وعطنا بعد ماتصوم ياعزوتي دور
رد الشاعر سعد المحمدي=
يامحمد اليوبي رفيع المقامي=يامرحبا ممزوج في ورد وزهور
يشدا لنور الصبح بعد الظلامي=ياصلك ياريف النشاما على الفور
يابو سعد تبغى جديد العلامي= اكفيت ياراع الوفى كل عاثور
سيل الحديده بارقه لاح شامي= ونوه ورى خشم المحفر وابا القور
وحطيت لي خطين تحت الاسامي= وانا رجل يالقرم ماكل من السور
ماحط كوري فوق عجفى سنامي= وماعامل العميان القرم والعور
بالاوله حصلت قبلي غلامي= اسمه بها ياطيب الفال محفور
والثانيه يالذيب حسب النظامي=الياسمعت الشور خلك مع الشور
مكواك خله لاأهل الزور حامي= الحر مايصبر على الضيم والجور

الشاعر القدير / سعد المحمدي كل عام وانتم بخير وشهر مبارك

و صح السانك وبيض الله وجهك على الرد الجزل والوافي على القصيدة

وصح السان الشاعر القدير / محمد سعد اليوبي علي قصيدته التي خصك بها يابوتركي

وتنسيقي للقصيده يابوتركي ليس الااجتهاد لنتذوق الشعر منكما ونستفيد منه

لكم مني اعذب التحايا

صح السانك وبيض الله وجهك

وصح السان اليوبي

	المشاركة الأصلية كتبت بواسطة منصور الغيداني

	الشاعر سعد المحمدي صح لسانك على القصيده الوافيه والجزله وصح لسان الشاعر محمد اليوبي

الشاعر القدير
منصور الغيداني
مشكور على المرور
الله يبيض وجهك يابن العم

	المشاركة الأصلية كتبت بواسطة حمدي العوفي

	ياسلام ياسلام الشاعر الكبير سعد المحمدي أن أشهد أنها كاااايفه وجزله وهذي عوااايدك يابو تركي وشهادتي فيك مجروحه ماشاء الله عليك رد وافي ومميز وكل القصيده ذهب من أولها لأخرهااا لله درك وصح لساااانك مليار ولاتكفي وصح لسان أخونا / الشاعر القدير محمد اليوبي وأدام الله عليك وعليه نعمة الصحة العاااافيه تقديري وأحترامي لك ،،،

لشاعر
الكبير
حمدي العوفي
مرورك يابن العم شرف لي الله يبيض وجهك
ياراعي الحميه
تحياتي وتقديري لشخصك الكريم

	المشاركة الأصلية كتبت بواسطة ابوفياض النويمي

	صحت السنتكم وابداعكم الرائع كلام جميل من الشاعرين الله يعطيكم العافيه / \

ابو فياض
صح بدنك وبيض الله وجهك يابن العم
على المرور

	المشاركة الأصلية كتبت بواسطة عبدالله الحنيحني

	صح لسانك وبيض الله وجهك

حياك الله ياعبدالله
ويشرفني مرورك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

الاخ فهد ابن غانم
مشكور على المرور
تحياتي وتقديري

	المشاركة الأصلية كتبت بواسطة مسلط الحصني

	أبو تركي صح الله لسانك مدد ماهو عدد وبيض الله وجهك وجمل الله حالك قلت وماجبت الا الجزل ياراعي الجزل

هلا وغلا بالصديق الغالي
مسلط الحصني
راع الطيب والكرم والعلوم الغانمه
اخي مرورك شرف لي الله يبيض وجهك
تحياتي وتقديري

	المشاركة الأصلية كتبت بواسطة سرورالبشري

	الشاعر محمد سعد اليوبي= من شان أبو تركي أبا أثني سلامي=بالشعر والا فأول الشرح منثور عساه يذكر من بقايا كلامي=كلمة أشوف بها بصيصٍ من النور لاجلي أحسبه في المواقف حزامي=ولا أضن مثلي عند شرواه منكور إن كان جيل الوقت هز القطامي=باسباب كلمة نابية كلها زور لا يبتئس باللي علينا يوامي=الحق دايم عند راعيه منصور حلحيل حرب موثقه بالحرامي=بأحلاف تنشب لقمته داخل الزور الحلف الأول له خمسين عامي=وحلفٍ جديدٍ كاتبه ماله شهور كل حلف وثِّق عند رجلٍ محامي=بأربع شهود وكل رجَّال مشهور لكن تريح وأقض شهر الصيامي=وعطنا بعد ماتصوم ياعزوتي دور رد الشاعر سعد المحمدي= يامحمد اليوبي رفيع المقامي=يامرحبا ممزوج في ورد وزهور يشدا لنور الصبح بعد الظلامي=ياصلك ياريف النشاما على الفور يابو سعد تبغى جديد العلامي= اكفيت ياراع الوفى كل عاثور سيل الحديده بارقه لاح شامي= ونوه ورى خشم المحفر وابا القور وحطيت لي خطين تحت الاسامي= وانا رجل يالقرم ماكل من السور ماحط كوري فوق عجفى سنامي= وماعامل العميان القرم والعور بالاوله حصلت قبلي غلامي= اسمه بها ياطيب الفال محفور والثانيه يالذيب حسب النظامي=الياسمعت الشور خلك مع الشور مكواك خله لاأهل الزور حامي= الحر مايصبر على الضيم والجور الشاعر القدير / سعد المحمدي كل عام وانتم بخير وشهر مبارك و صح السانك وبيض الله وجهك على الرد الجزل والوافي على القصيدة وصح السان الشاعر القدير / محمد سعد اليوبي علي قصيدته التي خصك بها يابوتركي وتنسيقي للقصيده يابوتركي ليس الااجتهاد لنتذوق الشعر منكما ونستفيد منه لكم مني اعذب التحايا

الشاعر سالم البشري
بيض الله وجهك على التنسيق الراااااااااااااااائع
وبيض الله وجهك على المنرور الذي من المؤكد انه شرف لي
تقبل تحياتي وتقديري يابن العم الغالي