ديوان الشاعر غازي بن مغيران الزغيبي

[ياصحيبي في مواضيع الغمـوس=برموز اللـي معالمهـا شعـاع
يوم مرت بالجمـال وبالّلبـوس=كني اللي محرمه منها الرضـاع
وش نقول إليا هرجنا بالحسـوس=أّنبيـه يصيـر سهـل الاقتنـاع
والنحاوي لـو تلقنـه الـدروس=مايلقـن راسـه اذنيـه الوسـاع
ان نشدته قـال عالـم فيلفـوس=وانت تدري بالثني مـن الربـاع
التميدح للدرج حـربٍ ضـروس=منهو اللي ضربته تصل النخـاع
منهو اللي واجه اليـوم العبـوس=ماقفـه ماياقفـه غيـر الشجـاع
عانه الله واستعـان بظـل روس=من سلايل مرخية حبل الصـراع
والنتيجه تنحصر من بين قـوس=عاش من لا عاش بعلوم الخـداع
ياسمو الطالبي بعض الهجـوس=تستفـز اللـي حكاهـا باندفـاع
والصداقه مع رجاجيل الضروس=مايزعزع عرشها بعض النـزاع
ولادخل بالشجره الخضرى يبوس=لو عليها الري يدرج كـل سـاع
وتيتحصل بالثياب اللـي تقـوس=والغرض من حاجته حجـة وداع
لا تحرث لّسبب ياللـي تهـوس=ولا تفكر فـي بعيونٍـاً وسـاع
لو عد لنا ماعـد لنـا بالنفـوس=من قضات الشرع والامر مطاع
وكل شئ ينهضم غير النحـوس=لاتواعد نا علـى شلـع القنـاع
من مشاريه الرياجيل محـروس=بالوجيه وبالجيـوب وبالـذ راع

[poem=font=",5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
لا ياهجوس القيل عودي على العملاق=يبي عرضة الفلم الملون على الشاشه
تحت مجهر اللي فطنته وهبة الخـلاق=يصور هدفها في هواجيـس جياشـه
عبيد الرشيدي سابـحٍ ماهـر فتـاق=ليا اوحيت شعره يعطي اعجاب ودهاشه
يطش الهدف لا غر من جدعه التفـاق=ليا زمه اللي غـر تقنينـه ارماشـه
يجود هدفها لا تسـاوىو فكـره راق=تريع عليه اللي من الغشـم منحاشـه
بعيد عن الهفوات ومضارب الاسـواق=بعصر تحكم بـه موازيـن غشاشـه
تبجح به اسماء يالرشيدي لها عشـاق=وعشاقها ندري بهـا نـاس معتاشـه
الاواحسايف كيف بعض الامور تطـاق=يضيع تراث اجدادنا العضـم وعراشـه
كانه يعيب الشعـر ياطيـب الميثـاق=سمعنا وشفنا مقطع حسين وقماشـه
على ساحة المسرح سفينه بالاسـواق=على جال بحرٍ والهوامير فـي طاشـه
ترسـي علـى سيفـه ويالله يـارزاق=تجيب الخبير اللي حوى العلم في جاشه
مادام انها هاللون سلك الفقيـه دقـاق=مثل قيل ياحـض البنـاد م ومحاشـه
مقضي حياتـه لامضحـي ولاملحـاق=ولاجامعٍ مكسـب ولاارتـاح بفراشـه
اقولة ونيشان القضيه بيـاض الهـاق=يبين به العبـرود يـا عبيـد لاناشـه
يطول الهدف بلجيك والبرنو ام احـلاق=بعيد عن الدقسه لـو جـاب رشاشـه
وضيفه مرتبها نسميه فحص اخـلاق=لها منصبٍ يحتك فـي نـاس قراشـه
يحقق طموحه كل جمعه يحط اسبـاق=يجنب قصير النـاع مايدحـم الباشـه
ولكن يمر ابها زمـن مـرة البـراق=ولايعيش في دورٍ قصر عنه ماعاشـه
ووضيفه مرتبها لمن يستحـق يسـاق=بها من مدير اليـا عمالـه وفراشـه
ولكن فيها عيب والعيب سـوا و فـاق=على حسنةٍ يوخذ بها نـوع فرفاشـه
وتمت معاناتٍ تحيـر بهـا العمـلاق=وخاطب زميله يطلب اسعاف وانعاشـه poem]

يامرحبا وهليـن والفيـن ترحيـب=بالمحفل الي صاطـع ضـي نـوره
نـوره قبـال مكمليـن المواجيـب=لشرفـو حفلـه تكامـل ســروره
راعيـه وجـه للعمـوم المناديـب=والناس من هـم الطريـق معـذوره
الناس توعد والليالـي لهـا غيـب=ماكل مخلوقٍ على الكيـف أمـوره
قلته وانا لجيـت ضمـن المعازيـب=متطلباتـه ماهـي بـس بحضـوره
بشـور والميقـاف وبلـدت الجيـب=يفـداك رجـل فيـه هفـوه وبـوره
يابن حسن عايض حصان الاطاليـب=مبروك ويبارط العايـض حضـوره
من حرب والامـن بعيـد الاجانيـب=من زارنـا وقـت النوايـب نـزوره
تستاهل الترشيـح يامعـدن الطيـب=ياالـنـادر الا وافـيـات شـبـورة
يالين الجانـب عطيـب المضاريـب=يفداك مـن غيـر مكانـه غـروره
قلته وانا محرج من المـدح ياديـب=والعلم واضـح والرجـال مخبـوره
لنتـه قليـل عـرف والاتجـاريـب=ساني ومسنـي بالزمـان ومـروره
هذا وانا عندي ورى الشرح تعقيـب=تعقيب من شـاف الغيـاره بـدوره
ترى التكاتف في جميـع الاساليـب=قصرا يكبـر هيبتـه طـول سـوره
ترى التفرق فيـه للمجتمـع عيـب=نفس الرجل في كـل حـالٍ غيـوره
لصـف تنضيـم وللفكـر تهـذيـب=والعلم نور وشرع الاسـلام شـوره
زل الجهـل ومراقعـات المشاعيـب=والحكـم لله ثـم لـخـوان نــوره
وصلة ربـي عـد خـط المكاتيـب=على نبي هدي الاسلام نورة

وجه لي الشاعرالقلطه /علي الحصني .. هذي القصيده وهو من الشعرائنا البارزين اللتي شهدله العلم الشاعر / راشد السحيمي .. ..
حينما سئلته عن الشعراء الشباب شباب القبيله أشاد بعلي الحصني عدة مرات وقلت له ابيات ليسا مرتبه

[poem=font=",5,#a0522d,bold,normal" bkcolor="" bkimage="http://www.alhroob.com/harb.jpg" border="groove,4,#a0522d" type=2 line=0 align=center use=ex num=
ياعلي بالله عبر عـن شعـورك=يوم شبهك السحيمـي بالزلامـي
وانت لاهحين في مبـداء أمـورك=والزلامي مركز الاخـط الامامـي
راح دور الأوليـن وجـاك دورك=حط لك ترتيب من بين الاسامـي
شاور اهل المعرفه وارجع لشورك=هاكذا خلك مـع العالـم نظامـي [/poem]

[poem=font=",5,#a0522d,bold,normal" bkcolor="" bkimage="http://www.alhroob.com/harb.jpg" border="groove,4,#a0522d" type=2 line=0 align=center use=ex num=
أنتهى صدام وانها بـن عزيـز وعـزه=واصبح الارهاب وامساء نزوتٍ للنـازي
لاتغـارب ثـورة التيـار بيـت حـزه=اعتبر بالاقويـاء ومجامـل المعتـازي
القوي لـه حجـةٍ بشهودهـا معتـزه=والفقير بعض الاشياء مايجـي قنبـازي
لو يشوف اللي يشوف ولو تجيه العـزه=يحسب حساب الاخير وقدرة الاحـرازي
ينجبر يدعـم قـرارات القـوي ويعـزه=في لسانه لو ضميره فيه جرحٍ حـازي
لو يقول اللي من البصره اليا اقصى غزه=منهم الـي مئيديـنٍ خطتـي وانجـازي
تيتخاشـم الامـور ولـو نـار الجـزه=في ضمير اللي يقيس ابعادها متـوازي
كل واحد له لعيبٍ عـن هـذاك يحـزه=حايزه بالمصلحـه وكمـال مايعتـازي
مايصدر يمهـم غيـر التنـك والمـزه=والطحين اللي يناسب معمـل الخبـازي
واعتبرنا الغرب كلـه مابنـا الا الـرزه=مالنا تالي عقيله لـو عطانـا القـازي
معركتنـا يعتبرهـا نزهـة المتـنـزه=ينطحونه بالورود افـراد والا اجـوازي
مادرنا نكسر العضـم القـوي ونحـزه=لاوقفنا وقفـت الاخـلاص مايعتـازي
مايحسبـون المصانـع تاخـذ البزنـزه=والعماله سوقها يفـرض بـه البيـازي
مانقلنـا الاجديـدٍ بالجـهـاز نــوزه=محدثٍ في عصرنا واخر نزول طـرازي
من بغا سبل الشهاده فالشهيـد منـزه=بالصحيح موثقه وافتاء بها بـن بـازي
لرسـول ولوليـاه ولتبـعـاه الـنـزه=نصره ربـي بهـا لصابريـن ايجـازي [/poem]

ياللي من العارض مشيتم محادير=تريضولـي ليـن أرتـب كلامـي
تريضولـي ساعـة يالمناعـيـر=وتجملوبـي والحقونـي مرامـي
وخوذوا سلام مثـل در الاباكيـر=في ضف من يثنون دون الجهامي
ودوه يم مصخر القـاف تصخيـر=تكفـون ودوا للزغيبـي سلامـي
وليا لفيتو عند غـازي خطاطيـر=كولو كرامتكـم بيـت الكرامـي
تلقون شغمـوم يديـر المباهيـر=ويكثـر الترحيـب والاهتمامـي
وتلقون بالمجلس ضيوف ومسايير=وكل على التقديـر والاحترامـي
ياثالث الاثنيـن مسيـت بالخيـر=ولاني بمكلـوف بعـد الاسامـي
خايف يصير بصافي الجو تعكيـر=وتصير دعوانا فطـور الصيامـي
والشك زايل يازبـون المخاسيـر=ولاني امبرق في جنايب حزامـي
والله ماغبط اللي يشيل البواكيـر=مادام لي سيف يقص العضامـي
لو حسب الزراع غزوا العصافيـر=ماقام ياغـازي بـزرع النوامـي
لي قصةٍ كثرت عليهـا التفاسيـر=وحرم بها جايز وحلـل حرامـي
قصة تحير صاحب العقـل تحييـر=واصبح لها في كل سوق ازدحامي
وانا مصدرها من الفكـر تصديـر=ورافع علمها فوق روس الزوامي
لاكن عليها يطرقـون النواظيـر=ناس تيـدم فـي محـل اليدامـي
في غيبتي يطلع لها طابـع غيـر=ويطلع لها راعي حميـه يحامـي
ونشت من القبله مزون مزابيـر=حي السحاب اللي يروي الضوامي
والثانيه عمهوجةٍ سنهـا صغيـر=طلـت علـي املثمـه باللثامـي
غندورةٍ ماهـي مثـل الغناديـر=منها كبر حلمي وعـزت مقامـي
واخذت وقت وصار بالجو تغييـر=وعود شوي شوي يجلا الغمامـي
وصورت لك ماصار بالفكر تصوير=وارسلت مكتوبي وبصمة بهامـي
ياشاعر شعرك يشوق الجماهيـر=عساي معك أقوم في نصف زامي

ا

يبو طلال الوقـت جتلـه عسامـه=وأثر على بعض النفوس اوكتمهـا
وقتٍ بـه العاقـل قليـل انسجامـه=واهل الجهل ترتاحبه مـن غشمهـا
خلا الصقور تهاب فـرخ الحمامـه=كسر مخاليـب الحـرار وظلمهـا
ودنياي غوجٍ خدهـا تقـل مامـه=تضحك لناس وناس تكسر علمهـا
العـام جـادت للنصيـب ابمرامـه=ورفعـت برقعهـا وحبيـت فمهـا
واخـذ فيهـا سجـتٍ وابتسـامـه=مرهي عليهـا مـار مالله قساهـا
واليوم شفت ارسوم وسـم الجهامـه=وعرفت راس السارق اللي وسمهـا
صديت عنها عياف ماهي رخامـه=نفسي عزيزه وافتخر فـي حرمهـا
من عادتي مأصيد صيـده هلامـه=لاصار مدهن شاربي من د سمهـا
رجال لاجاهـل ولا بـي غشامـه=واعرف مجاذ يب الد لي عن وذ مها
نزهت روحي عن دروب الملامـه=وعفيت عن بعض البيوت وكرمهـا
بعض السوالف بالمجالـس ندامـه=تطلع عليك علوم محـد ن علمهـا
والله يخارجنـا بستـر وسـلامـه=اكثر موا كيل العرب مـن لحمهـا
بمقابـل المبغـض تبيـن العلامـه=يالله عسا بعض الوجيه نعـد مهـا
بعض العرب نوا قصه من حزامـه=يخلـف عليـك السالفـه لستلمهـا
مـاودك الرجـال ينقـص مقامـه=قطعه اليـده ولا روا يـح شممهـا
والوضع لا يصعب عليك انقسامـه=ونته تعرف السالفـه وش وزمهـا
عندك خبر راسيـن مثـل الثغامـه=واحد بنـا القبـه وواحـد هدمهـا
من خلقـت الدنيـا ليـوم القيامـه=متنـا ظريـن براسهـا وبقدمهـا
بينت لـك راس البعيـر وسنامـه=وانجضت لك عظم الذلول بشحمهـا
ومديت لك راس الرسـن لستلامـه=ونتـه عليـك تقودهـا وتحكمهـا
حييـت يارجـلٍ عنالـي كلامـه =برسالتن عبر عن هدفها قلمهـا
من يوم ماسار القلم في ابهامـه= بسمي بدا فيها وبسمـه ختمهـا
بالماس ولمرجان جود احكامـه= واغلى جواهرفي مقالـه نظمهـا
عبر مشاعر خاطـره وهتمامـه =بمثال من جزل امعانـي حكمهـا
يشكي زمان ظام غيـره وظامـه= دنيا تـدور ويستديـر امعلمهـا
دام الحرا ر تهيب فرخ الحمامـه= حتى الاصايل فيه رخصة قيمهـا
واهل التجاره حاولوا بالزعامـه= من كثرة اللي بالبشـر يحترمهـا
وان كان جادت ودبرت بنهزامـه= سلامتك يبن الظبيـس اغتنمهـا
وكاننت شايف بالزمان والتطامه= العارفه ماخاطرت فـي شيمهـا
العقل ميزان الرجـل وانتظامـه= لاشاف نفسه مستشيلن حد مهـا
نوب الزعل يرم الرجل بلمهامـه= وتصير دعوى مايوجـه يممهـا
والا الرفيق المختفـي بالقوامـه= اللـي لامـر الملاجـي لغمهـا
عايش على شذب العرب با نمامه =نفسه عن ادروب الردى ماحشمها
واهل الوفا والطايلـه والكرامـه= اللي شتمهـا ماينقـص قيمهـا
لا صار مايحمل مقامـه ازيامـه= عنه الدروب الطيبـات اغتنمهـا
تـراه مايقـدر يحقـق حلامـه =لو كان ناره للمكـاوي شعمهـا
وكانه يمثل بلموا قـف سلامـه =عطني خبر والسالفـه نقتحمهـا
نقصب ارشا دلوه و نلطم احيامه= فزعت صديقن هيبتـه ماحلمهـا
من ضدنا ما يهتني فـي منامـه= لو بندقه يقسم هدفهـا سهمهـا
من جا هدف لناس قل احترامـه= ونفسن بدون اذنوب محد اتهمهـا
والوقت له دورات واتبع نضامـه= واهل النمايم لاتجي عنـد فمهـا

ياصـاح كـان أن القضيـه ميـانـه=من مان في ذيه على ذيـك لايمـون
والعلم قرضـة ملـح ماهـو لبانـه=ماكل من يمن علـى شـئ مامـون
مثل المقـام اللـي تزعمـت شانـه=من صيفتي يافـلان مذنـب ومديـون
أدانـتـن مـاهـي بـأيـت ادانــه=ياهل الحظوظ اللـي عليهـا تـدرون
يـوم انـه أدلا بالمنـصـه بيـانـه=هانت عليه ولا علـى مثلـي تهـون
ياعيـال عمـه يـارجـال التكـانـه=مامنكم اللى ياقبـل الهـون والـدون
وبـن فـلان اللـي شبيهـه اذنانـه=حالـه ومالـه للمشاكيـل مرهـون
لو شافهـا الرجـال والشـر بنانـه=من شيمة الطيب ترا عسرهـا يهـون
واللـي يقـول فـلان عنـده لعانـه=ادري واعرف انـه منافـق وملعـون
فـلان بالميـدان مسـرج حصـانـه=ويبـي يشاركهـم علـى مايقولـون
ولا صار ماعنـد المسولـف ذهانـه=ايـاه وايـا ماقـفٍ مثـل هـلـون
لاسـد نـوب ولاتكـفـو اخـوانـه=اخوانـه اللـي بالضيـوف يتحفـون
ان شـاف ميلـه وامتثـل للتـزانـه=ان فاقني ممنون ون فقـت ممنـون
ماقولـهـا تشـهـيـرةٍ بـلأدانــه=اقـول راس الميـل لايطـرف النـون
يقولهـا اللـي ماصفالـه زمـانـه=لو اصبحت في لون تمسي على لـون
محشوم عن درب الـرداء والاهانـه=حول المدار اللي لها سرج وحصـون
كـلٍ يقـول انـه وديــع الامـانـه=والمعطي اللى له تصـرف بهالكـون
لادار كـيـفٍ خــادرن زعفـرانـه=ثم المعاني جالهـا ظهـور وبطـون
ليّه مع اهـل العـرف قـدر ومكانـه=غصبٍ عن اللى مايشوف العرب لون
ان طـاع والا العلـم توحيـه اذانـه=وشمس النهار يشوف به من له عيون
والعقـل والتفكيـر درع الحصـانـه=ومن دورو فيـه الرجاجيـل يلقـون
ياهـن ماينقصـك غيـر الفطـانـه=والا مراميعـك مرامـيـع دنــدون

والله إنــي ماغبـطـت إلا الـحـيـادي=مايشـغّـل مـوتـره غـيـر لـدوامــه
وارتباطـه بأسرتـه مـاضـوع عــادي=واختـلاطـه مــن خـوالـه لاعمـامـه
مايـواجـه مـوقـفٍ يبـغـا تـفــادي=دام ماتـصـل الـوجـيـه وللـكـرامـه
التـسـرع للـرجـل فـيـه انـتـقـادي=والتـهـاون مــن سبايـبـه المـلامـه
والــولاه الـلـي يكـفـون الأيـــادي=عارفـيـن الطـاعـه العمـيـا رخـامـه
كـل رجـلٍ لـه كيـان ولــه مـبـادي=ومـن يطيـع السيـد ماينقـص مقـامـه
لا حـداك الـوقـت والطـرقـة سـنـادي=لاتـحـاول تـاخـذ الدنـيـا غـشـامـه
يستطـيـر المنـجّـم لاقـلـت غــادي=مـايــرد ألا زريـــه وابـتـسـامـه
كنـه اللـي محتضـن شعـب الـبـلادي=المليـك الـلـي ورث خـتـم الزعـامـه
لاتحـرك يخـدمـن حـصـن الجـيـادي=والمـنـازل قالـهـا الله فــي كـلامـه
يازمـانٍ فيـك نــور الـحـق ســادي=تنتقـم فـي حقـهـا حـتـى الحمـامـه
الغلـط مـرجـوع والعـيـب التـمـادي=تسـمـج الـرجـال ويـقـل احتـرامـه
والفـراغ يقـال هــو شــر العـبـادي=مايخـلا النـايـم الـلـي فــي منـامـه
لـدّ لـي بالعـيـن يــاراع الـجـوادي=لا ينقّـص راعــي البـنـدق احـزامـه
كـان اذانـك يسمعـن صـوت المـنـادي=شـاور الرحمـن فـي طـرق السـلامـه
إن بغيـت نطـب فـي سـوق الـمـزادي=كـل رجـلٍ باللقـاء يـجـرد احسـامـه
وإن بغيـت تصـد لـي عنـك ابتـعـادي=مايعـيـب الـثـور تقديـمـة سـنـامـه
ياوجيـه الخـيـر لــي ملـحـي وزادي=مايـشـوم ولا يـلــوم إلا الـهـلامـه
يـوم زايَـم ماطـرالـي فــي فــؤادي=والشديـد إليـا طـرالـي قـلـت قـامـه
مانقـول فـلان فـي شـبـه انـفـرادي=ولانـقـول فــلان يـازيـن التـزامـه
ياسنيـن الـلـي تـراقـص بالـنـوادي=لايرقّـيـك الجـهـل ريــع الـنـدامـه
وفـي ظهـور اللـي يبوجـنّ الـريـادي=مايحقق نصر من دون انهزامه

ياقلب لا تحـزن ولا تدمـع العيـن=ساير زمان اليـوم واتبـع نظامـه
واصبر على ماجاك من عوج الآدنين=لو الخطأ راعيـه صعـب احترامـه
إن ما تجـاوزت الخطـأ للمواليـن=الأجنبـي مامنـه غيـر السلامـه
يا اللي تبا المقدار بيـن المسميـن=من لا إلتزم بالصبر عـض الندامـه
الصبر خصلة من خصال المياميـن=والعقل ميـزان الرجـل وانتظامـه
ياهل العقول مرجحـات الموازيـن=للوجه سيمـا والمواقـف علامـه
والوقت يعطـي والليالـي مياديـن=ومن عز نفسـه ماينقّـص مقامـه
من واقع الدنيـا منـول وهالحيـن=والرجل دايم هيبتـه مـن حزامـه
يكفيك علمـاَ قيـل بيـن الدواويـن=من قول ابن ريفه صدق في كلامـه
هذا وأنا لي مقصـدٍ بيـن قوسيـن=ماكل مـن يتعـب يحقـق مرامـه
ألآ عمل من يبـذل الجهـد باديـن=ماضيـع الله طاعتـه والتـزامـه
وألا الأوادم نـوب لاشافـوا الليـن=بعـض الأوادم يعتبرهـا رخـامـه
خطو الهدوس الناقصين المساكيـن=لازد ت واحدهم ظهـر لـك زيامـه
يظهر لك اللي مايغيـض المعاديـن=وألا على الأصحاب مشطر احسامـه
يصبح عليك من الدهر والمعاويـن=غريزةٍ فيـه إبتـدت مـن فطامـه
وإلا الرجال أهل الوفـاء والقوانيـن=عن غيبة المقفيـن فيهـم شهامـه
ماهم على القط السقايط حريصيـن=من وجهة للغيـر صـارت نمامـه