ديوان الشاعر(علي بن عيد البشري)

لوكان دمعك يعود دم = ماتفيد ياطرفي العبرات
لاعاد فاللي مضى تندم = مافات ماترده الحسرات

ابوعيد=
العرف له ناس وقياده = للمعرفه تقود ماتنقاد
وتورد الحق ميراده = والصايبه ماتبا شهاد
ابومحمد=
للقن بين العرب قـاده = تنقد وتبعد عن المنقاد
لهل المحاصيل نقاده = وتفـقّد اللي لها فقّاد
ابوعيد=
لاشك من يجهل اسياده = هذاك للمعرفه ماجاد
والحاصل اليوم ياساده = جاهل ينصب من الرواد
ابومحمد=
يبقى ولانال الاشاده = مالم يختم من الاسياد
تقرير ياتيك مافاده = عمر الجهل صاحبه مافاد
ابوعيد=
العلم حول عن امجاده = اللي منول لهم ميراد
تجاهلو رموز لعماده = العلم ماراد به رواد
ابومحمد=
با العلم من نصّب اوتاده = ثابي عموده من الاوتاد
كل ماعتلا لاثبا زاده = طيبه على من جهل به زاد
ابوعيد=
هاذي شهاده لشهاده = كلٍ وماشهده به شاد
بلاك من حل في ماده = وحقيقته مايصل للماد
ابومحمد=
زادو مع الوقت في جهاده = من لاحتسو بالمعارف زاد
لو كان مايقدح زناده = بالمال ماهو بقدح زناد
يصبح لهم شيخ يرتاده = الكل0 ولطاعته فجهـاد
تكفلو ناس بأسناده = يلقى بها الدعم والاسناد

بخيتان البشري0=
جو المثل ودنا نسريه = مادام ليل السعد حاضر
سلام واجب لكم نهديه = حسب القوانين والسائر
علي عيد البشري =
زين المثل منك متحريه = اخذ معك فيه واباشر
يامرحبا مثلكم نشريه = ياطيب الفال والخاطر
بخيتان البشري =
تبقى على الطيب ياراعيه = لاشك مثلي بكم خابر
بي حال في داخلي بشكيه = يامن في فن المثل فاسر
علي عيد البشري =
بعدالموافا وصل ماديه =كلآ على ماقفه قادر
هات الذي فالحشا مخفيه = وشهوسبب جرحك الغاير
بخيتان البشري=
عميق جرحي وحاروفيه = طاقم من الطب والكادر
مالك دواء عندنا نعطيه = قالو وانا طرفي يناضر
علي عيد البشري =
مايعالج الجرح ويداويه = غيرالحبيب الذي ماهر
لن كان هذاالامر يعنيه = ملزوم في طبك يبادر
بخيتان البشري=
المشكله كيف والاقيه = قدام لايروح ويغادر
اللي على فراقنا حاديه = هوه سبب وضعنا الحاير
علي عيد البشري =
لاهو بيدك ولابيديه = حل القضيه لها ناظر
سيس الامر مع جناب البيه = اسعى على رضاه لاتكابر
بخيتان البشري=
لولا المحاذير في قافيه = وزود الملامات لا اخاطر
لكنها ياعلي تنهيه =واخشى عليه الهوى عابر
علي عيد البشري =
رب الملا جرحكم يبريه = وتنسى معه همك الجاير
لاتعذب القلب واتشقيه = والطرف لاتجعله ساهر
الخل كثر العنى يكفيه = ويكفيك دمعه لكم حادر
مادام لك الغلا كانيه = قادر على ليامه القادر

وليف الشوق=
ســـــــلام رب الـــمــــلا الـــهــــادي = ينصى علي من وليف الشوق
لا يـــحـــســـب أن الامــــرعـــــادي = والـمـســألــه تـنــتــهــي بـــرفــــوق
انــــزاحــــم احــــمــــد وحــــمـــــادي = فــحــدودهــم مـاتــفــيــد حـــقــــوق
بـتـجـيـلـه عــلـــوم مـــــن غـــــادي = فـيـهــا مــزايــم ومــســك حــلـــوق
علي عيدالبشري=
تـرحــيــب يــانــســل الاجــــــوادي = يـامــن مكـانـتـك عـنــدي فـــوق
حـــنــــا نـصــحــنــاك يــامـــنـــادي = وكـلــك نــظــر يـارفـيــع الــــذوق
انـــــا تــرانـــي عـــلـــى شــــــدادي = كل يوم شمسي معه فشروق
علـمـتـك الــعــام فــــي جــمــادي = ماتسابق اللي ماهو مسبوق
وليف الشوق=
تسلم ونا الطيبه مرادي = ولو لاك في مركزك مرموق
كان اختلف عد الاعدادي = في حسبته كل عد يفوق
ماودي انروح في عنادي = نصيحتي ياالمعنا روق
اعطيتك العلم فاالبادي = والمتقي مايواجه عوق
علي عيدالبشري=
يارافع الصوت وتنادي = الدرب من قبلكم مطروق
بعيد انته ومن غادي = وانا على الحد عامل طوق
من قبل الفين ميلادي = وانا موالف مع المخلوق
ياخوي لاتعطي الاوادي = وانته فهاذى الامرمحقوق

[/quote]

تفكير بعض البشر ظلا = عن الحقيقه ماهم دارين
حطو ثقتهم فيما قلا = عرفه وله فالقى وجهين

شربت كاس المرار امرار = ولا ذقت كاس الشهد مَره
حلمي تبدد بعد ما انهار = ذاك الإمل0من آسى مُره

مادام عندي جهد بافز = أقوم ماقصر عن الازم
مازرع ضحى والمغيب اجز= مايخيب الله جهد عازم

مرت علينا سحابة غيث = ومرورها بالحيا يبشر
لاشك نفرح بها من حيث = تاتي0 وغيث الهنا ينشر

انا الذي لاسمعت العاج = يهتز قلبي من الحانه
ماكني الا بوسط امواج = يكسر مجاديف ربانه

طبيب فى طب نفساني = قلي وش المشكله بالظبط
مامر مثلك ولاجاني = في داء جرحك ترى نغلط
ترى الحقيقه لها شاني = فأول الكشف هذا شرط
قلت السبب خل كاواني = واصبحت من ماجرى محبط
الجسم واعضاي بتعاني = من فرقته القدم ماخط
بعيد خارج عن اوطاني = ولا اسوي عليهم خط