ديوان -الشاعر محمد الكنيـــــــــــدري

الاندنوسي ماهو انسان= ياخذ نصيبه من الراحه
ليله نهاره مع ام فلان=وفى كل الاسواق سواحه
مايحس مايشوف بالاعيان= ويشم الازهار فواحه
مبعد عن الدار والخلان= ويقاوم اوضاع ذباحه

من عادتي لاعرفت انسان= اوفيه واحكم فى مردوده
ان كان ناكر قليل احسان= من دنيتي اشطب وجوده
بعض العرب لاقضابك شان= سرعان يذكر لك جحوده
والبعض منهم وريث اقنان=يوفيك لو فاق محدوده

ميراثنا من اهالينا= مشي النقى والقلوب صحاح
ولانسجد الا لوالينا= مهما خسرنا من الارباح
ومد الوفاء مايعضينا= مثل البلاسم على الاجراح
واللي يفتش فى ماضينا= يقراء عن الحرب بالايضاح
يفخر بنا من يخاوينا= نفزع فى حال المصيح صاح
ربعي رجال القوانينا= ولاني بكذبي لهم مداح

اليوم هو يوم للجمعه= وللمجتمع افضل الايام
ومن وصفها سالت الدمعه= واسبابها حالة الايتام

عاهدت قلبي وخنته ليـه=واضناه هجرك بعد خنته
يرضيك هذي سواتك فيه=صاين لعهدك ولاصنتـه
بعد ارتويته هوى صافيه=عن حرقـة الاه ماعنتـه
وراضي بحكمك ومستوفيه=رغمك بالاحكام مادنتـه

العيد وصل وتحسس ناس= ودموع الايتام تمسحها
ماهو تفاخر بلبس لباس= وقلوب بالقصد تجرحها
والكلمه اللي لها احساس= ادرى بها قبل تمزحها
لاتعايد الناس بالآتعاس= وجروح طابت وتقرحها

طاب الثمر واعتلى فنه= ياوجد روحي على مجناه
احرق فؤادي دلع قنه= وكل ماقربته بعد بمداه

اخذ النبا بلغه حمدان= وقله محمد سألني عنك
ان كان من صحبتي قنعان= لايعتبرني رصيد فى بنك

كل ماقبل الليل وسكونه= قامت جروح الفؤاد تلوح
بعض البشر نوم يقضونه= وبعض البشر يسهره بجروح

نفس الاماكن تذكرنا= بيامنا والهوى العذري
واليوم شلي يصبرنا=بعد انتهى بيننا الامري