ديوان الشاعر ( حفيد الحجيري )

كل الهدايا ما تسوى شي=من بعد ما قلبي أهديتك
ياحي .. قلبي بشوفك .. حي=ليتك به تحس يا ليتك

أونّ و أسمع صدى الونّه=يطرب صداها أسى روحي
حتى فعزّ الألم منّه=تشتاقله نازف جروحي

يا مدوّر الشي من لا شي = ما ظنّ يعطيك محرومه
الحي يحييك لو هو حي=لكنّه الميْت لا تلومه

ليّ الشرف و الشرف ليّه=ويحقّ لي دامني حربي
من عزوةٍ نارها حيّه=يشهد لها الشرق والغربي

خوة هل العز نشريها=لو لأجلها نقطع الأميال
بس المقادير جاريها=مالي عن دروبها محوال

رمى شباكه على دربي=وقمت أتحرصّ من شباكه
سلمت !!! لكن .. قنص قلبي=لمّا تعثرت بشراكه

مصيبه إن كنت ما تدري=إنّك تعكّ المعاني عكّ
وإن كنت تدري ، لكم عذري=أكدتّ ما كنت فيه أشكّ

البيت الأبيض مقرّ السود=من جنس باراك أوباما
وقصر اليمامه عيال العود=مقرهم طول الأياما

جيتك بطوعي ، وأنا ما أبغاك=والفرق واضح على ما ظُنّ
لو جات ليّه ، ما أبى طرياك=لكن قليبي عليك يجنّ

الحجيري=
القلب يحتاج لـه اِنعـاش=حتى دمائه تعـوّد بيـه
واِن كان مابه أمل لو عاش=يحتاجلـه قاضيـه تنهيـه
بخيتان=
لايكون ذاك المرض به خاش=واللي يزوره 0 معه يعديه ؟
إذا أُذينـه بهـا رعــاش=تـرى بطينـه يبـى ينعيـه
الحجيري=
ما نشتكي من هوى جياش =الود لا عاد لي تطريه
الصوره اللي بليا فلاش=بروازها كل معنى فيه
بخيتان=
القلب يمكن عياره طاش=لو كان له ود ماتعطيه
لازم تراجع به النقّاش= ينقش عيونه قبل تعميه
الحجيري=
القلب مابه رباطة جاش=ما عاد يقوى اللذي ياتيه
راجعتبه بس قالوا ماش=من بعد ما شاب وش ترجيه
بخيتان=
اللي بلا جاش لو ينحاش = يصعب تلاقي دواء يبريه
يمسي معبأ ويصبح فاش = من نزف صمامه يغذيه
لاصار تعطيه علمك كاش = وهو يتصنت وفاتح فيه
يُترك مكانه ولايناش = إلا اذا شاش به تطويه