ديوان -الشاعر محمد الكنيـــــــــــدري

احد الاصدقاء كما يقال دمه ثقيل و كثير مايغلط بقصد استفزازي عاد ياخوان الرجال زودها وقفلها
بالشيش

عديت لك باعتبارك اخ= ومزوح ياما تجي وتروح
لاتحسب اني فريسة فخ= من دون حقي تروح الروح
ولاني من اللي بخوفك نخ= ماهر وسيفي ترى مملوح
صبري نفذ بي ودمي ضخ= ابعد ومالك معي مصلوح

الله واكبر بعد كانو=اصحاب في حسبة الاخوان
ياللاسف كلهم خانو= وفي حسبتي فاقو الحسبان

صدفة لقاء وارتجاع افكار= لايامنا والهوى العذري
واقفى وصار الهوى تذكار= لاهو بقدره ولاقدري

حكمة بوالي منعها شوف= وصارت حليله فى حكم العود
وعاشت مراده بحزن وخوف=وافكارها في هوى موعود
وتهل دمع الاسى بحسوف= مستندبه حظها المقرود
وبعكس ماهو لها من روف=صارت تروفه تقوده قود

فك الحذر ياهوى عني= واطلق صراحي بصك اعصار
ماعاد صبري يجملني= ابقى معك لآخر المشوار
واخذ الوعد والعهد مني= بلغيك من عالم التذكار
باعيش مرتاح متهني = لاوين وانا اسير افكار

يابنت سوقي بكور الكيف= وتيامني ياهوى بالي
واستبرديلي حرور الصيف= ياطب قلبي ومدهالي

يامن بسلم الورق كسبوه= واستبعدوبي هوى عنه
انظر بعيني بعد ضروه=ورده ذبل وانكسر فنه
وخلوه ضامي هوى وابكوه=مع نسمة الشوق لاجنه
وانهو غرامي معه وانهوه=لاذنب مني ولامنه

بسالكم ايه الاخوان= عن واقع الحال ياكافي
وين العرب ذيك والجيران= اللي بهم شد الاكتافي
لادق واجب من الشجعان=باثقالهم صارو اخفافي
ومفزاعهم شبة النيران= وكلن بمد الوفاء يافي
لاحسد فيهم ولابهتان= ولاقصد منهم بالاخلافي
وين المدكن عن الدكان= والبيع سمحه بالانصافي
وين الخبيتي برفع الدان= والزيرينقح للاشرافي
وعصير تدرج على البيزان=عزلان فاقت بالاوصافي
وين البوابير والربان=وعمق البحر شد مقدافي
وفجاه======؟
قلبي طلبني مع الاعيان= وتقول ياكنيدري كافي
سببت فينا الم واحزان= وجروح يعجز لها شافي
ادرى على الحال بالكتمان=لاوين تبش لنا الخافي

وانكسر اللحن تنفيذأ لطلب القلب والعين ويصحابنا سامحونا

طالبك يارب يامعبود= طلبات ليه رجاء فيها
تعصم لساني عن المنقود= وشهادة الحق ماخفيها
وليه الشياطين يوم تقود= اعمال زانت مساعيها
تجعل طريقي لها معقود= وتفكني من بلاويها
وارضى بقسمي من الموجود= وعيني على الغير تعميها
ورحمتك بيه فى يوم شهود= وصحايفي فيه تطويها

حنا بدو فوق فالقمه= طيبه ومذهب وحسن اخلاق
مانعرف الحقد والنمه= وفالخير محدأ لنا سباق
ووقت اللوازم لنا لمه= فايق عددنا عن المفتاق
واللي عهدنا على الذمه=انسابقه بالعهود اسباق
حتى نسانا لهم همه=تحرق خسيس الطباع احرق
اوجزت الايضاح من جمه=من خوف ماتحمل الاوراق