ديوان الشاعر(بخيتان البشري)

ليتك تروّق وهذا بسـت=ترتاح وتريّح أعصابـك
لازلت في طيبين الست=إكرام لك قالو أحبابك

العبيدي=
القلب .. بالعكس يطلبنـي=قآلب مبآديه .. عرض وطول
بآطآوع القلـب .. لكنـي=ابدرق .. غـآدة المجهـول
بخيتان البشري=
إن كان وإنه صدق ظني=في طاعته للهنا منقول
وإن كان وإنه مغلطني=لاذي ولاذيك نلت قبول

بخيتان=
عن الذي فالهوى جانـي=احكم على الفرض و السنة
اللي سرق قلب من ثانـي=فالنـار أو يدخـل الجنـة
حرب=
للغيب علاّم رحمانـي=اللي له الفضل والمنّه
لكن تفاهم مع الجاني=سارق فؤاد الشقي منّه

يمين وإلا نلف يسـار=وإلا تبى نروح طوالي
أختار " حدد " ولاتحتار=مافرُقكْ لو للخلا الخالي

العبيدي=
القلب .. بالعكس يطلبنـي=قآلب مبآديه .. عرض وطول
بآطآوع القلـب .. لكنـي=ابدرق .. غـآدة المجهـول
بخيتان البشري=
إن كان وإنه صدق ظني=في طاعته للهنا منقول
وإن كان وإنه مغلطني=لاذي ولاذيك نلت قبول

المدهوش=
ياهيه رخ الثياب شوي=تـرا مافينـا مكفينـا
لاتعذبون البنادم حـي=وتـزودون الاسافينـا
بخيتان =
كلام يطرب ولحنه شي=تسلم على الدُر ياخينا
معناه خلا المروح جي=اشعل فتيل الهوى فينا

صقر المراقيب=
اللي بوده سهرت الليل=ماحبني كثـر ماحبّـه
رمشه محرّم عليه الميل= لن الكحل جاه من ربّه
بخيتان=
زيده محبة وزيد الكيل = مادمت موجود في قلبه
وصفك لمثله مع التحليل = يكفيك من يمهم قُربه

نحـتـاج صــورة نبـروزهـا=على 00جدار 00 الزمن ((ذكرى))
عـن ((واقـع ))اليـوم نرسمهـا=لأجيال00 تأتي00 بعدها أُخـرى

بخيتان =
إن كنت مآخذ على خاطرك =بآخذ على خاطري منك
في كل حاجة أبى اشاطرك = اليوم ماعني وعنّك
سالم=
شاعر محنك وانا خابرك=يستطرب الكل من فنّـك
ومادام جيتك أبا احاورك=ياجنّي اليـوم ياجنّـك
بخيتان =
اطربك حرفي ولا شاورك=سيّد على الحرف ما منّك
افرح ليّا جيت واسايرك=شاعر وظنّي على ظنّـك
سالم=
ماودي آخذك من قاصرك=ماريد أدبّل على صنّك
أبعرف اللي معك قاهرك=قني تعرفه كما قنّك
بخيتان =
حضّرت من غير ما ادورك=ماهمني ما يهمنّك
يقول حولك معي ناظرك = كنه معي مثل ماكنّك
سالم=
الله عسى يبتسم حاضرك=والقادم يزين لكنّك
حرّص من السيل لايحاصرك=وانته على خبري محنّك
بخيتان=
عسى السعد دايمً غامرك = وطيب الأيام يغشنّك
مالي عُذر وانت من عاذرك=ماتحرق اللأزمة بنّك
سالم=
لو كادري غير عن كادرك=اضحك ليا من ضحك سنّك
فاللازمه اجيك واناصـرك=بالحق وارتاح من زنّـك

ابحرت فعيونك اثنتين =وامعنت فيها النظر ساعة
وقريت فيها وداد اثنين =تحكي عن قلوب ملتاعة