ديوان الشاعر ...... ابو ريم .. ( ماجلان )

من ماجلان .. للشاعر القدير عايش الدميخي

ياعم عايش صباح الخير=طمني اليوم عن حالـك
نبغى نتشرف فجده غير=ان كان تسمح لك احوالك

اسقيتني ياحبيبي كاس=ماشفت انا العافيه بعده
خلى قليبي كما المرواس=خطير يا نعناابـو جـده

توجيه لآحد الشعراء

شوف اللّعف فلبحر يرهَج=سردين وعّيده وكشكوشه
يادارس الفن والمنهـج=المُخدجه ليه معفوشه ؟!

اليوم مع غبشه الاثنين=الحـظ معـاد بيكشـر
فخط المدينه لقيت الزين=واقف على الدرب ويأشر

في ظلمة الليل لوتـدري=يامن تراخيـت بعيانـك
مراكب الشوق في صدري=هزيتها بمـوج هجرانـك

كل ماغفى رمشـي الساهـر=ونامت عيون الذي ف( الحيّ )
اتخيلـه فالقـمـر ظـاهـر=يكسي ظـلام الليالـي ضـي

مع الشاعر العلم .. سالم البشري

مـــــاجـــــلان =
ياستادنا سالـم البشـري =يامالك الحـرف يافنـان
لازلت لآهل الوفا تشـري=ولا قنعتـو وقلتـو كـان
سـالــم الـبـشـري =
حييت حرف المثل يغـري=راسـم معانيـه ماجـلان
انا تربيت مـن صغـري=على الوفا والصحيح يبان
مـــــاجـــــلان =
لاشك في ذلـك الامـري=انك على الطيب من ازمان
ياطيب النفس والذكـري=النجم من حالتي سهـران
سـالــم الـبـشـري =
سلمت مالي معك عـذري=الواجب اوقف مع الحيران
والآن قلّي بمـا يجـري=معاك ويسامـر الوجـدان
مـــــاجـــــلان =
بنيت له دار في صـدري=والقلب اصبح لهم بستان
واليوم عن حالته مدري= هو حي ولا وسط اكفـان
سالم البشري=
ملزوم تبحث عنه جبري=مادام بالقلب له بنيـان
وراع المودات مايزري=مايسلّم الروح للأحزان

مع الشاعر والاديب .. السينات

مـــــاجـــــلان =
سـلام منـي لبوسلطـان=ياصلك من صمد مستـوره
اوقاتنـا بذكركـم تـزدان=والقلب فرش لك قصـوره
الــســيـــنـــات =
أفْرِش لك الورد فالميـدان=وفي داخل القلب لك صورة
يا مرحبـا فيـك ماجـلان=يا رجال بالطيب مشهـورة
مـــــاجـــــلان =
فالملتقى شفت لك الحـان=زادت على الملتقى نـوره
انت الذي تملـك البرهـان=وتميـز القـاف وبحـوره
الــســيـــنـــات =
انت كذا يا أخـي غلطـان=فالمُلْتقـى نجـوم منثـورة
والكل ساطع رفيع الشـان=ما عندنا نجـوم مغمـورة
مـــــاجـــــلان =
الكـل فالمُلتقـى فـنـان=والنفس بالكـل مسـروره
بالله يامـبـدع القيـفـان=لاتحرف العلم عـن طـوره
الــســيـــنـــات =
أعرفك ما تعرف النقصـان=نفسك على الطيب محصورة
لكنها مزوح بيـن إخـوان=والراجحة فيـك مخبـورة
مـــــاجـــــلان =
اسست لك فالحشى بنيـان=ادوار فالقلـب معـمـوره
يازينهـا حـزه الرحمـان=ترجـع القلـب لشعـوره
السينات المـردود الاخيـر =
يا مُثْقِـلاً كفَّـة الميـزان=الأوَّلـهْ لـك مسـطـورة
كلَّك وفا يا عذِيـب لْسـان=من طيبك الناس مبهـورة
بُنْيان أُسِّسْ على سِيسـان=في قلوب بالطيب مغمـورة
لاهنت واللي حضر لاهـان=يا قلوب بالطيـب مذكـورة