محاوره بيني وبين الشاعر القدير حمــــدي اليوبي

السلام عليكم ورحمه الله وبركاته

هذه محاوره بيني وبين الشاعر الكبير حمدي اليوبي اتمنى ان تحوز على رضاكم واعجابكم ...



أبونجم

تشوف رقمي على الجوال= يرن مــــــــره ورى مـره
حبيت أسأل وكيف الحــال= والوقت يكفيك من شره

حمدي اليوبي

يا مرحبا واعرف المعدال =ياراعي الدعوة الحرة
أنت وأنا في حضور رجال = من يطلب الحق ما ضرّه

أبونجم

إن كان لابد فــيها نــزال =تبقى الحقيقة هي المرة
الحق موسوم دون جدال = فالقول لابد بنــــــــقره

حمدي اليوبي

بينـي وبينـك علـوم طـوال=لـسّـاع فــي بـدايـة الـكـرّة
خلك مع الدرب لو هو طال=راع النّـشـد يتـبـع الـجـرة

أبونجم

الخيل لادربه خيـــــــال = مايصعبه طلعة الحرة
علومي اللي فوسط البال = ماجابهــــا عالم الذرة

حمدي اليوبي

حكمي وحكمك على الأقوال=ياصاحـب القـول لا تـصـرّه
واللـي عرفنـاه فـي الأمثـال=مـوج البحـر مـا جحـد بـره

أبونجم

القول ما يمحي الأفعــــال = ياكم واحد كتم ســـــره
مرسول من عندنا مرسال = راع النسب لازم تمره

حمدي اليوبي

القول شاهد وفيـه إدلال= ما نجهل أصدافـه ودره
قلب الموازين والأحوال= مذمـوم والقـن مـا قــرّه