ديوان الشاعر//غالي ربيعان الحربي

بالله يا شعار صفو طوابير=صفو على نهج الرجال القدايم
نهج الرجال اهل الوجيه المسافير=مالامها من ماضي الوقت لايم
كلامهم مثل السيوف الشواطير=وعزومهم تبرى علوالعزايم
ادناهم اللي لوحصل أي تقصير=بنات فكره ماتذب الخرايم
ترسل لهى من سلم الشعر تقرير=وتكسب غنيمه يوم كسب الغنايم
ببيوت شعراًمثل صرف الدننانير=وشلون لو ايطوحون العمايم
من بعدهم والشعر جافيه تزوير=ماهومن الواقع ومعناه هايم
كله غزل يم البنات الغنادير=ام العيون ولابسات الزمايم
اقلوب فيهامثل ضرب المناشير=وقلوب طارت مع هبوب النسايم
وقلوب طاحت بين الاقدام فالسير=وقلوب تمشي مثل مشي البهايم
ماعاد باقي غير ضرب المسامير=ودق الدفوف وغايم الجوغايم
تكفون ياهل الشعر للشعر تقدير=من قبل لاتبدي عليه الشتايم
هيا نبي نرقى به ال قمت النير=ونحط وسم امبارين للوسايم
الذكر باقي والعمل بالتياسير=ماخاب قلبً في رجاء الله دايم
صورة محمد شوهوها الخنازير=اهل العقد واهل السحر والتمايم
ودمعت يتيم الهى على القلب تأثير=واحوال الامه بين مفطر وصايم
والقدس محتله تبي اليوم تحرير=ووضع العرب مابين قاعد وقايم
وبغداد فيها شي ماصاربيصير=الناس تذبح مثل ذبح الولايم
كلن يقول انه مثل سالم الزير=وصدام رح وجو بعده القمايم
وختامها هيا تمسو على خير =صفو على نهج الرجال القدايم

مادامني لاقفيت دايم على البـال=ما جازلك في دنيتك فنت سـوه
ان جيتني بهبال بجيـك بهبـال=ون جيتني عميان اجيلك متـوه
ماني مجنب عنك في كل الاحوال=درب الرخامه ضعف والطيب قوه
لين انها تقفل من الجال للجـال=وتصير عند الناس مابك جـروه
واعرف ترى للناس قدراً ومنزال=وكلن يقدر حسب خيره وسـوه
هرج القفى ماينقله طيب الفـال=ولا ينقله شخصً بوجهه مـروه
ماكل رجالاً له الطيـب مدهـال=ولا كل رجـالاً يحفـظ الاخـوه
واللي صحيح معرب الجد والخال=يحرص على قدر الرفيق وسموه
حرصاً مع الايام تضرب به امثال=حسب العقيده واحتـرام النبـوه
والا الوكاد الطيب للحين مـازال=بين الوجيه الغانمه فـي علـوه
والعبد له رزقن محـدد واجـال=من قبل لايكمل مراحـل نمـوه
واللي يقول انه معمر له اجيـال=يجيه ضعفه بعد وقـت الفتـوه

ماني بعايد كلامي كان ما اوحيته = الهرج دوره مثل دورات الايامي
من عادتي لابد يت القول تميته = اتم قولي وطرف العين ما نامي
من ضمن شعارحرب ومن عفاريته= الشعر احساس0 وشعوراً0والهامي
وان كان تبغى القصيد وصدق حبيته = بد لك الدرب ورد العـد ياضامي
وان مالقيت الكلام اللي تمنيته = قول ان غالي كلامه كله اوهامي
عليك بالموقع اللي ذايعن صيته = جزيل شعره وحرفه دايمً سامي
في ملتقى حرب ربعي كان مريته = اقرا القصايد وتلقى بصمة ابهامي
والشاعر اللي محنك واعجبك بيته = سجل له اعجاب واذكر شعره الزامي
ومن بعده اللي يسر العين تصويته = تلقى الكرم والوفاء من ناسً حشامي
واعرف ترى لن تعديته 00تعديته = ما كل معروض وسط السوق ينسامي

هذ الزمن كلن بكيفه مخير=وانته بكيفك ياحبيبي تخيرت
كنت احسبك انسان صادق وخير=اخلصت في حبك ولايوم قصرت
من يوم عني غبت جيتك مسير=ياليتني في جيتي لك تأخرت
وعشان طبعك ياحبيبي تغير=انا بعد مثلك تراني تغيرت
لو طالت الايام عمرك قصير= تبي تدهور مثل ماني تدهورت
وتندم على فعلن فعلته يحير=يومك تقول صغيرً ماتباشرت
صحيح جاني الحب وانا صغير=وانته كبير الحب جاك وتكبرت

السلام عليكم ورحمة اللع وبركاته
:
:
الشاعر :فواز الزويهري
:
"
أسعد الله أوقاتكم بكل خير

إلى الشاعر القدير غالي بن ربيعان مع التحية

تولم ياقصيدي وألبس بشوت المعانـي انظـاف=وخذلك من شماغ الحرف فاخر ..والجزيل اعقـال
تطيب من فعول اللي بدع حرفك علـى المحـراف=وأخذلك من بنات الفكـر فكـرة تعجـب العقـال
أنا برسلك يم الشاعـر اللـي يحتمـي الميقـاف=سـلام الله لياجيتـه علـيـه يــرد فلإقـبـال
ولستوفيت حق الضيف (وغالي )يكمل الأضيـاف=عطه علمي بدون قصور قـول العلـم بالأمثـال
وقله ياعميل الخير سوق النـاس فيـه اخـلاف=بعد جـاه الفقـاري يشتـري بالديـن والآجـال
يبا يزاحم هواميـر البلـد فالسـوق بلإجحـاف=يبا يشري من الغالي ولكنـه قصـر مـا طـال
خسارة لن شرا وإن باع ..كيف يبيع ما ينعـاف؟=تورط مع هل الخبرة وروس(ن) تقطـع الأذيـال
شكيله ما ربح فالسوق ولا ياخـذ ولـو مغـراف=نبا حكمك في هذا الأمـر قبـل فسوقنـا يحتـال
نصاك الحرف مابه سرف وسط الظرف فيه أهداف=عسا حرفي ليامنه وصلك تكـون فأحسـن حـال

سم طال عمرك واسف على التاًخير
|
\
|

هلا يامرحباوالسيـف قالـو صاحبـه سيـاف=على مبدى الشجاعه والشكاله مايجـي جهـال
بعد ماجيت يمي طالـب التقريـر بالانصـاف=تسلم ردي اللي يحسم الموقـف بـدون جـدال
قسم بالله من قالو رحل عـن دارنـا صيـاف=تبـي تسمـع كـلامً قيـل يافـواز ماينـقـال
عزيزين النفوس عزاز وضعاف النفوس ضعاف=وكلن حسب منزاله يبـي ينحـط لـه منـزال
مع الايام ما يخفـا لـزوم انـه يبـي ينشـاف=بسوق المعرفه ما يكسب الماكـر ولا الدجـال
وراع الدين لو يربح يشيل ارباحـه الصـراف=غناوي فالمساء والصبح لصبح مابيـده ريـال
تحزم ياعميلـي واحتـزم والشعـر ماينعـاف=هنا في ملتقى حرب العزيـزه خلـه المدهـال
بنات الفكر تقطف من جزيله كل نـون وكـاف=خفيفات الحمول خفاف وثقـال الحمـول ثقـال

عزالله اني قريت هنا شعرا جزلا وديوانا يطلق الوجه


تحيتي وتقديري

	المشاركة الأصلية كتبت بواسطة محمد عبدالله البدراني

	عزالله اني قريت هنا شعرا جزلا وديوانا يطلق الوجه تحيتي وتقديري

هلا وغلا

يابيض الوجه

كل الشكر على مرورك

لا خلا و لا عدم جعلك سالم

قصيده موجهه لشاعر غالي ربيعان الحربي
وابو نايف كفو ويستاهل بغير قصور با الجميع

بسم خلاق الملا مبـدا القصيـ=القوافـي سـاع ذعـذع ندهـا
نقش علم(ن) ننحته بطراف حيد=ومع مجال اهل الجزيل انعدهـا
يا ابو نايف ياعسا عمرك مديـد=حي فال ام الشحـم لـي مدهـا
ساس معدنك الوفا هـذا الاكيـد=والجزالـه فـال مثلـك قـدهـا
مع هل الطولات مقـدارك يزيـد=والهزيلـه راس مثلـك ضدهـا
فالك الجـزلات يـوم الله يريـد=والجزالـه للجزيـل انشـدهـا
من رياجيل(ن) تفيـد وتستفيـد=ومعرفتهم بـا الرفيعـه حدهـا
تاصلك جزل الهجوس ولا تهيـد=ياسديـد الـراي عطنـا ردهـا
وانت من خيرة هل الراي السديد=وشور مفهوم العـوارف جدهـا
والهدف لاهو قريـب ولا بعيـد=ولا توقـد يـا الفهيـم ابدهـا
خلاها تزمي ورا الراس العنيـد=نـدرن تشـدا نـوادر نـدهـا
واللبيب اللي يشيـد ولا يشيـد=لا لقـا بسـر القنـاوه جدهـا
ماحه اللي ما يحن هدب الجريـد=وغايته با الطرس بيـح سدهـا
خيب الله كـل شيطانـن مريـد=مذهبه سـاس الروابـط هدهـا
لاش عرف ولاش قدر ولاش جيد=ولاش هجمه راس مثله صدهـا
لا بغيت اتحدحـده قلبـه بليـد=وغايته عـز الصفـوف يفدهـا
مستواه من الوفا صفر الرصيـد=والجزالـه لا اسنحتلـه لـدهـا
لو يجي ويروح مع ساع البريـد=مالـه الا اشتـال جبهـا ودهـا
الدواء والطـب واراي الرشيـد=وكان عندك له حلولـن عدهـا

\
|
|
\
|
ردي على الشاعر القدير(عبدالله بن عتيق الحنيني)

سم طال عمرك

مرحبا ياشاعراً وصفه فريد = كل عين بالقصيده شدها
شدها بالعرف والقول المفيد = والجزيله بصمته في خدها
يابو خالد نعم يا نعم العضيد = طالب اليمنى وانا ما ردها
عن رجالاًمدحهم ماهو جديد = لابتاً كلن تمنى ودها
بالشدايد وانت رجالن شديد = محتزم لاسواء الظروف وضدها
الله الرزاق خلاق العبيد = عالمن مصدارها ويصدها
السعيد ايماشي الرجل السعيد =والقراده قردها يرتدها
مايذوب الصخر لاذاب الجليد = والسوالف شينها في سردها
والصعيدي منزله عند الصعيد = مثل يوم الكرد تبغى كردها
ان قعد وان راح مايحسب فقيد = يوم يبنيها ويوم يهدها
علتن بالترقوه جوف الوريد = لا انعرف مزح ارجال وجدها
مالها الامثل سيف ابن الوليد=سيفن اجرد للرقاب يقدها
واحسبه عندي وعندك يوم عيد= والحقيقه عدها واعدها
مايجي ضد الحديد الا الحديد= ليش تعطا شخص ماهو قدها

الصييفي\
|
\

يالربع بكتب كـلام بخاطـري مـن صـدق نيّـا=ليت كلـن يفهمـه مـا دام هـو للخـط قـاري
يوم قرّبـت القلـم بكتـب بيـوت الشّعـر عيّـا=قبل لا اعطيه العهد ما اكتـب كـلام يثيـر زاري
ملتقى حـرب الحرابـه يـوم انـا جيتـه هنيّـا=ما طمعـت الا استفيـد، و يعلـم الله ذا خيـاري
لكن اشـوف ان بعـض النـاس خذتـه الحميّـا=و بعضهـم صـار يتكلـم بالكـلام الخنفشـاري
مـا دريـت انـي بسبـب لـي حميّـة جاهليّـا=كان وفرت التعـب فـي منتـدى ربعـي وداري
أعتـذر مـن كـل واحـد جـاه منّـي أيّ سيّـا=باعتقاده، و الا انا فـي كـل مـا أكتـب أداري
يوم جينا قـال ابـو فيـاض يـا حيّـا و بيّـا=أشهد انه له حسابن في بنـوك الطيـب جـاري
و كان بعض الناس داخله الوخش يركـد شويّـا=لا يظنـون الظنـون و يحرقـوا كـل الكبـاري
جيت من عدة سنين و شـوف عينـي جرهديـا=و لا بغيِّر نظرتـي فيكـم بسبّـة ظـن عـاري
و كان بان اليا الجفا بركب علـى بنـت العبيّـا=و مثل ما جيت اختفي من غير صوت و لا غباري
جيـت انـا للملتقـى مهيـب قـلّـة مقـدريـا=و مثل هـذا الملتقـى غيـره كثيـرن بالديـاري
بـس انـا جيتـه معـزه دون زوم و عنجهيّـا=للرجال اللّي لهم فـي خافقـي مـدرج مطـاري
و التحيـه و السـلام لكـل مـن يقـرا التحيّـا=للجميع من الصييفي خصن ابـو سلـك عـاري

\
|
|
\

ردي على الصييفي

مرحبا ترحيبتاً تلمع كمى نجم الثريا=نجمتاًمن فوق كل الناس تلمع بالغداري
يالعميل اللي تهيا لك زمانك ما تهيا= للرجال اللي لهم قدر ومكانه بانتظاري
كل حربي لازما يزمي معه ميت وحيا=من قبيلة حرب يالصيفي موردة الشباري
يلعن الرجال لن ما جابته فزعة حميا= دون ربعه فالدفاع وفالهجوم ان جا انتحاري
لاتعيب ولا تعاب ولاتجي دون الهقيا= والشعر ميدان فيه القاف يسري بالمساري
انت يالصيفي سبيعي من سبيع اهل العليا=طيبكم معروف في وقت الضهر والاالعصاري
لاتعم ولاتلم ولاتسويها كذيا=وانت رجال تعرف العلم وتقص الاثاري
كان عندك علم وده يم ابوفياض هيا=واعرف انه ممتلي بالعرف والراى التجاري
فند الدعوى ويصدر حكم مرضي بالدريا= الحكم يرضي ليامن جاءعدال وبالتساوي
والسلوك اللي على بالك ترى ماهي رديا=ماطرالك اعرف انه طرياًللغيرطاري
والختام ازكا صلاة للنبي واله سويا=عد نسناس الهبوب وعد رمل بالصحاري