ديوان الشاعر(بخيتان البشري)

كسرات بيني وبين الشاعر بخيتان البشري=
بخيتان=
مع فجه الصبح ياعالم=غزال صدفه قطع دربي
لديت يمه وبه هايم=وابليس ملعون يلعبي
من شوفته يفطر الصايم=لولا الحياء لحضنه غصبي
فهد=
طلق النضر يافتي يالم=مايكسب ايجاب لك سلبي
بتعيش متريح وسالم=من البيض لاتطمع بقربي
ولا ابشر بضنك لك دايم=وبرجلها تروح ياحربي
بخيتان=
يابو غلا منهو الضالم=لاصار ذنبه مهو ذنبي
لوكان شفته وهو قادم=لتضيع الجمع والضربي
اشقر والارداف تتلاطم=واحالتي آه واغلبي
فهد=
دامك على الشوف متغانم=شاركته الذنب ياقلبي
وخليت له خافقك والم=يركي بميسمه ويشبي
والحين من فعلتك نادم=عزلك لاذعذع الغربي
بخيتان=
راعي الهوى لفرصه غانم=في اي لحضه بها يصبي
والنفس خضراء بها عالم=مالومها هي تاثر بي
يابو غلا ليتني خادم=لعيونها ماحلا القربي
فهد=
كانك مع النفس متحازم=تراك بالطيش متدربي
ماهو معاك الهوى لايم=في دقنك الشيب قد شبي
وليا متى ونت به عايم=ونار الجفا فيك تشتبي
بخيتان=
الحب لاشك له فاهم=وراعيه مافاده الطبي
ماجيت مع غيرى اتقاسم=سباح واعوم فالغبي
لاصرت مغرم وهو غارم=نسقي بعضنا من العذبي

جاني سهم مصدره عينك=مدري طبيعتك وألا عمد
طعن السهم زوده زينك=تبرمجت وسط ذاتي ود

اللي معه يكتمل أُنسي=اقفى وخلا لي آهاتـي
يالله ياخالـق الأنـسـي=إنـك تـهـون معانـاتـي

ناديت خلي بأعلى الصوت=جنبي ولا يسمـع ندايـه
فأعز نومي بغيت امـوت=حلم الهوى هو سبب دايه

مجنون شافه نظر عاقـل=ومن النظر اتضح مجنون
واستنتج إن العقل فاصل=مابينهم والعيون عيـون

بحر الهوى فالهـوى سبـب=عند الهواوي عُطل ملحوظ
الـمـوج عــداه طــب الـغُـب=لكـن نجـا يعتـبـر محـظـوظ

يوم اكتمل فالبناء صرحه=حضرت الأشواق لتأثيـث
هده قبل يكتمـل فرحـه=واحترت في قسمة التثليث

والله لو عمري الباقي=اعيش به هم زايد هم
إن الغلا داخل اعماقي=يصير في حبكم اعظم

من يشتقي بالشقا شاقـي=ومن ينتخي بالفقر مغنـاه
من يطلـب العـز بيلاقـي=درب المراجل عسر مرقاه
واللي للأمجـاد مشتاقـي=ياصل لو إن الزمان اعضاه

آجي لكـم يالغضـي والا=العذر الأول بعد مـا راح
ترى الصبر داخلـي مـلا=والود ناوي على المسراح
تدري نويـت الفـراق الا=الا نويته عشـان ارتـاح