ياشبيه الجدي دلال النجيبه

ياعميل الخيرياعطب الظريبه=ياقوي الباس ياركن الرفاقه
ياشبيه الجدي دلال النجيبه=بالمكانه والرزانه والحذاقه
تاج راسي وافتخر يوم عتزيبه=ابن عمي موقفه حماي ساقه
والمشوره بيننا ماهي معيبه=المعيبه لادفع شري حماقه
والقضيه كلها دعوىِ غريبه=وش تقول بحق من خان الصداقه
واختلف ممشاه واردا الله نصيبه=بين ذاك وذاك بالوضع اصطفاقه
واصبح السراي في شكه وريبه=يحسبنه شيف يوم الريع واقه
يعلم الله كل وظعه مادريبه=وسط بيتٍ(ن) دون باب ودون طاقه
ولا علي من الحدث شئ ادعيبه=مخطيتني بالجلاله والدقاقه
اعرف اللي يخطي الرجل ويصيبه=دين غيري ماربطني به علاقه
وقالو اللي خاف من عله تصيبه=التحقني شرها غصبٍ(ن) لحاقه
يوم راع السيف والصفراء ألآد يبه=فارسٍ(ن) ناويه ماله فيه طاقه
الله اكبر كيف يحتال بصحيبه=ماتغيض ألا الخيانه والدراقه
والحصان اللي يبا لمسة سبيبه=يرعبه ماتمد له يمنا(ن)ً الرقاقه
لو تحده نفسه القشراء يهيبه=كود غدره حكمها مثل السراقه
ومن دفعها بالرديه ماتجيبه=الردي ماله سلاح الا نفاقه
يبن عمي شوف رايك وأكتفيبه=فوق حمل الغيض حملت الوساقه
ويش حل(ن) يرضي الروس المنيبه=فتحتي للباب ولا في غلاقه
كان صدي عنه يلحقني غليبه=مايخلي حقته غير العلاقه
وكان طرد العوج من مثلي تعيبه=عنه اصد ويشفي الخطر فراقه
والحقيقه كل جرحٍ(ن) من طبيبه=كم مريضٍ(ن) من مداويه الاعاقه
والشفا عند الولي مجهول غيبه=ياحكيم الشور لي بالشور فاقه