بـشــت الـسـمـوه يـــا حـمـيــد الـسـجـايـا

بـشــت الـسـمـوه يـــا حـمـيــد الـسـجـايـا = مـا هيـب عـن شمـل الرفاقـة شحـوحـه
امـــتـــون اهــلــهـــا طـيــبــيــن الــمــزايـــا = تـــدحـــم حـــمـــوه لـلـمـعـالــي لــحــوحـــه
لأطـلـق شـنـب مــا هـيــب والله مـطـايـا = تحّـرم علـى اللـي يبـي مكسـب لروحـه
قـصــدي وتــــدري بــــه وغــايــة مـنـايــا = عـــــز الـرفــاقــة والـخــواطــر سـمــوحــه
طــرحــت فــكــرة يــــا وســيـــع الـنـحـايــا = مرجي هدف شخصي ولا رجي مدوحه
ولا ارضـى علـى ربعـي حجـاي وذرايــا = مـــن أي مـخـلــوقٍ الــيــا شــــذ نــوحــه
قـبــل الـقـمـر يـطـلـع اشــــوف الـخـبـايـا = منهـا بدالـي وأنـت كــد شـفـت ضـوحـه
عـلــم عـــن الـخـافـي تمـثـنـى الـشـفـايـا = كـلّــف بــــه الــســادن يـبـيّــن طـمـوحــه
مـــا تـشـتـبـه عــلــى الـفـطـيـن الــروايــا = يشـوف فيهـا شـوف وش بعـد شـوحـه
مـــدري الـهــدف توطـيـنـا مـــن الـبـدايـا = وإلا حصـان(ن) عجـز يكـبـح جمـوحـه
والـظـاهــر ان الــلـــي بــطـــيّ الـخـفـايــا = اعـظـم مــن الـلـي بيّـنـه امـــس بـوحــه
شـف لا عدمتـك يـا بيـض الوجـه رايــا = لوضـع المطـامـع مــع بـدايـة نضـوحـه
مــــــا دام مـبـنــانــا بـــســـاس الـبــنــايــا = مــن شــان تضـمـن لاعدمـتـك نجـوحـه
لا يـحـســب الـطـيـبـه وحــســن الـنـوايــا = مـدخـل تمصـلـح كــان عـقـلـه رجـوحــه
امــــــا قـــصـــر بـعـنـانـهــا وذا رجـــايــــا = وإلا شـكــرنــا عـــــن جــبــرنــا نـــزوحـــه
ربـعـي هــل النـومـاس مـــا هـــم دنـايــا = رجـالــنــا يــفـــدى الـجـمـاعــه بـــروحـــه
اهــــــل الـــمـــروة والــكــفــوف الــنــدايـــا = اهـل النقـاء وأهـل النفـوس النصـوحـه