ديوان الشاعر(علي بن عيد البشري)

لجل ايش هذا القسى والصد = والهجر والبعد ياأنسان
حنين قلبي ملكته جد = يصعب على قلبي النسيان

لاجيت في دار الاجوادي = تلقى الكرم من معازيبه
والمنطق الرايق الهادي = راعيه كلٍ يهلّيبه

ابو عيد=
العاشق اللي يجرالآه = احدن يلومه في آهاته
للكل قلنا بجاه الله = وش يمنع القلب مشهاته
ابو صايل=
مما بك الطرف حدر ماه = ياخال صادق في وقفاته
من لامكم يبتلى بعماه = وبسوء تختم نهاياته
ابو عيد=
هيا اسمع المشتكى ( أدناه )= لك اشرحه من بداياته
آه ..الذي مدلي يمناه = غايب وانا الليل ماباته
ابو صايل=
حالن بكم حل مانرضاه = من بعد بانت شروحاته
لن كان باقي على مبداه = أنضر مع الوقت جياته
ابو عيد=
القلب عايش على ذكراه = لجله سبب في مسراته
أعاني الغلب والمأساه = والبعد زود في حروقاته
ابو صايل=
اللي ذكرته لنا (أعلاه) = إنسان موهب لكم ذاته
يمكن حصل شي مايبغاه= مجبور .. يقطع علاقاته
ابو عيد=
اليوم جاني خبر فحواه = ودي.. كثيره جروحاته
رامي رمى اليوم في مرماه = وطوع على غير رغباته
ابو صايل=
كوكب وموجود في مشكاه = ملزوم يتبع لمشكاته
اليوم لاتعيش في رجواه = لو.. شت دورة مجراته

آآآه الجوارح مطالبها = شوفك وهمسك ولمسة يدك
اللي سقاها وشربها = كاس الهوى0 ينتظر ردك

من نهر حبك شربت الراح = في كاس كله غرام وحب
مدري بعدها معك نرتاح = والآ ليامك علينا صعب ؟

ابو محمد =
سلام والحبل لاشدوه = اهل الوفا مايعقدونه
باب الخزى كل مافكوه = اهله0 عليهم يصكونه
ابوعيد =
ترحيب بالوافيه مدوه = وانته من اللي يمدونه
من قبل ذا الباب ماعتادوه = وش حدهم لين يعطونه
ابو محمد =
تبقى وطيب النبا حدوه = عن منهجه ماير يدونه
كل مايشيد البنا هدوه = غلب على الفكر يبنونه
ابوعيد =
بالك فبحر العرب شربوه = وكلآ ملا منه ماعونه
والفكركل ماضمحل اسقوه = اوجاج 0حالي يقولونه
ابو محمد =
بحر العرب للعرب عدوه = عمقه حوى در مكنونه
ماستخرجو منه به ردوه = في حوزة اللي يعرفونه
ابوعيد =
مخصوص دره لمن عاموه = لؤلؤ وياقوت يجنونه
وذولاك لافيدهم جابوه = مافي شواطيه يقنونه

علي عيد البشري =
على مدى ماتشوف العين = سلام باعداد ماشافت
للصاحب اللي اعرفه زين = مايوم به هقوتي خابت
ابوعمر (حرب )=
اعداد منهو خلق من طين = ترحيب لهل الوفا ثابت
من اول الوقت لا ذلحين = ميقافكم فالوفا لا فت
علي عيد البشري =
يللي على الطيب مخبورين = نظراتنا يمكم صابت
هاوي بعد احترف عامين = وإدارته علم ماجابت
ابوعمر (حرب )=
كان احترافه فعام الفين = لكن بعد لحيته شا بت
جبنا يابوعيد محترفين = نفس المهمه بها قا مت

مادم عايش بوجداني = لاتحسب انك تغادر منه
لوعشت انا العمر وحداني = ارعى خيالك ولالي عنه

فالود علقت قلبي 0 ليش = وتسيبه 0فالهوى 0هايم
حبك 0وتجزاه بالتطنيش = اللي فبحر ودكم 0عايم

ياناس هرج القفى مذموم = غيبه وبهتان ملتمه
من كان عنده ضمير يقوم = عن مجلسٍ منتشر سمه