ديوان الشاعر نعيم عابد السيد ( القلب الدافئ )

محسبك قاسي حجر ما تلين=يـــــــا ظــــالــــم الــــلــــي مــوفــيــنــك
يــا حـيـف بـعـد النـقـى وسـنـيـن=اتــطــشــنـــي مـــــــــع مــعــاديـــنـــك

يا عشق بالروح موصولـي=يـا دنيـتـي حـيـث مــا كـنـتَ
في جلستي والبشـر حولـي=اشووووف كل الوجيه انتَ

لا تحسبني نسيت الود =كملي على الود متربي
امشي معك فالطريق الجد =والعب معك كان تلعبي

يا ليتني فالسما طيار=واطير لديـار محبوبـي
آريـح اللـي مـولـع نــار=قدام لا يحـرق جنوبـي

شـيـبـنـي الــهــم يــــا يــمــه=والشيب فالراس سوى خط
مـن حـال كـل الشـقـا لـمـه=ضاع الفرح ما لقيله شـط

لـو ينطـق القـلـب فضلـوعـي=اول ما ينطـق يقـول اسمـك
لجـل الـهـوى فـيـك مـزروعـي=وكل الجنى صار من قسمك

من لا حسب لي معاه حساب=يموت ما احسبت فحسابه
تعبت اجامل مع الكذاب=لا وين بجامل اكذابه

مـن لامنـي فيـك يــا الـديـره=لاشــك مـالـه وطــن يـهــواه
والممـلـكـه عشـقـهـا ســيــره=من عهد جدي محد ينساه

ســلام صـافـي صـفـاة الـخـد=الــي عــن الشـمـس واقـيـنـه
قلبي ( قرنبع ) يحب الورد=والــشــوك مـتـلــف شـرايـيـنـه
ترحيـب واصحـى معـي للـرد=حتى اختصـر درب ماشينـه
مافـاالـقـرنـبـع احــــــد بــيــلــد=يااللـي لـنـا الـحـال شاكيـنـه
جيـتـك تـعـاون لقيـتـك ضـــد=وقـلــبــي تـركــتــه لـكـاويــنــه
احسبك تحسب حساب الود=مـحـسـبـك تــرمـــي مـوديــنــه
حسابهـا كــاش وقــت الـجـد=مانـجـامـل انـســان مغـلـيـنـه
واللـي طموحـه تعـدى الـحـد=لايــحــســبـــنـــا مـــعـــاديـــنـــه
بنـيـان الاحـبــاب مـــا يـنـهـد=الـلـي عـلـى الطـيـب بانيـنـه
خلـك معـي فالطـريـق وســد=لا تـزيـد بـلـه عـلـى الطيـنـه
ســــاسٍ بـنـيـنــاه يـــــد بــيـــد=مــانــي مــزكـــي مـضـامـيـنـه
يااللي عن الحق دوم تصـد=ولاتعالج الوضـع فـي حينـه
المـسـألـه مـاتـجـي بـاالـعـنـد=خـــل الـزهــر فـــي بسـاتـيـنـه
لمـلـم قرايـضـك عـنــه وشـــد=لا تــزعـــل الــلـــي حـوالـيـنــه

هـيـا مـعـي نبـتـسـم لـلـيـوم=ونعيش طول العمر بسمة
احزاننـا يـا عـرب مـا تـدوم=وارزاقـــنـــا كــلــهــا قــســمــة